Самарқанднинг «Динамо-Women» клуби ўз тарихида илк марта Ўзбекистон Биринчилиги ғолиблигини қўлга киритди.
Мураббий Мавлуда Сатторова қўл остида Аёллар ўртасидаги 2017 йилги Ўзбекистон Биринчи Лигасида тўп сурган «Динамо-Women» клуби бутун мавсум давомида ишончли ўйинлар намойиш этиб, ўз тарихида илк марта чемпионат ғолиблигини қўлга киритди. Самарқандлик ёш қизлар чемпионат давомида рақиблар орасида тенгсиз бўлишди.
Жамоага кубок ва медалларни Самарқанд Футбол Федерацияси вице-президенти Шуҳрат Сайфуллаев топшириб, клуб мураббийлари ва футболчи қизларига миннатдорчилик билдирди. Умид қиламизки, «Динамо-Women» жамоаси кейинги йилда ҳам бунданда юқори ўринларни эгаллайди. |