Ўтган ўйин

Про-лига 2020
00.00.2020
«Динамо»
«Динамо» стадиони
0:0

СУПЕРЛИГА - 2019

Жамоа Ў Т-Н О
1 Пахтакор 26 75-18 69
2 Локомотив 26 39-16 49
3 Бунёдкор 26 37-33 43
4 Сўғдиёна 26 29-29 40
5 Металлург 26 32-25 35
6 Сурхон 26 26-33 35
7 Насаф 26 34-27 33
8 Навбаҳор 26 26-23 32
9 АГМК 26 36-37 32
10 Андижон 26 23-37 28
11 Қўқон-1912 26 31-45 26
12 Бухоро 26 18-37 24
13 Динамо 26 25-47 24
14 Қизилқум 26 24-48 24

СУПЕРЛИГА - 2019

26-тур Металлург 2-0 Сурхон
26-тур Бухоро 2-1 АГМК
26-тур Қўқон-1912 1-1 Навбаҳор
26-тур Насаф 1-2 Динамо
26-тур Андижон 1-0 Қизилқум
26-тур Локомотив 0-0 Пахтакор
26-тур Бунёдкор 2-2 Сўғдиёна
25-тур Сўғдиёна 1-1 Насаф

Тўпурарлар

Қадамбой Нурметов 5 (0)
Амиржон Сафаров 2 (0)

Тугилган кунлар

Янгиликлар » Бошқа янгиликлар

АЛЕКСАНДР КЛЕЦКОВ: «FАЛАБА «ДИНАМО»НИ БАТАМОМ ЎЗГАРТИРДИ»

Рукн: Янгиликлар » Бошқа янгиликлар

Ниҳоят, 8-турга келиб Самарқанднинг «Динамо» жамоаси чемпионатдаги илк ғалабасини қўлга киритди. Равшан Ҳайдаров бошқарувидаги дебют ўйинда кўҳна шаҳарликлар Александр Клецковнинг ягона голи эвазига «Бухоро»ни мағлуб этишди. Мавсум арафасидаги трансферлар давомида «Динамо»нинг энг кўзга кўринган харидларидан бири бўлган ушбу таниқли ҳимоячи мухлислар ишончини оқлашга ҳаракат қилмоқда. Куни кеча Александр Клецков клуб расмий сайти учун интервью берди.

- Саша, авваламбор узоқ кутилган ғалаба билан табриклаймиз. Ўйиндаги ғалабада мураббийлар штабидаги ўзгаришлар қанчалик таъсир этди?

- Менимча, ушбу ўйин олдидан клубимизда рўй берган ўзгаришлар жамоамизга ижобий таъсир қилди. Янги мураббийлар ўйингача бўлган беш кун ичида жамоага ўзгача руҳ олиб кира олишди. Ҳар бир футболчи машғулотларга ҳам янада жиддийроқ муносабатда бўлди. Мураббийлар ва раҳбариятнинг футболчилар руҳиятини кўтара олишгани, якунда ўз самарасини берди, деб ўйлайман. Ўйиндан олдин ўзимиз ҳам бирлашиб, барча натижа учун жонини бериши зарурлиги уқтирилди. Кўрдингиз, бутун жамоа бир-бирининг хатосини тўғрилаб, якдил бўлиб ўйнади. Ўйинда биз устунлик қилдик ва якунда мухлисларимизни хушнуд этдик. Хуллас, омадсизликка барҳам берганимиздан барчамиз бир-биримизни табрикладик. Ўйиндан олдин ва кейин мураббийлар ва клуб раҳбариятининг бизни қўллаб-қувватлаганлиги катта рол ўйнади ва бунинг учун уларга раҳмат. Fалаба, иштиёқ жамоани батамом ўзгартирди.

- Fалаба тўпини пенальтидан сиз киритдингиз. Нуқтага айнан сиз яқинлашишингиз олдиндан аниқмиди?

- Йўқ. Йигитлардан ҳеч ким яқинлашмагач, жавобгарликни ўз бўйнимга олиб тўпга яқинлашишга қарор қилдим. Сўнгги дақиқа, ғалаба тўпи бўлиши мумкинлиги учун совуққонлик билан зарба бериш талаб этиларди. Голни мен урган бўлсамда, бу ғалабада бутун жамоанинг ҳиссаси катта бўлди. Чунки, ушбу ўйин кўрсатдики биз – бир оиламиз.

- Пенальтини «Паненько услуби»да қойилмақом тарзда амалга оширдингиз. Одатда пенальтини мана шундай амалга оширасизми?

- Шундай деса ҳам бўлади. Дарвозабонга қараб, тўпни айёрона зарба билан дарвозанинг ўрта қисмига йўллашни ёқтираман. Икки йил давомида Хитой суперлигасида тўп суриб 5 маротаба гол урган бўлсам, улардан 3тасини айнан худди шу усулдаги пенальтилардан киритганман.

- Ўтган етти ўйиндаги тўрт мағлубиятни айнан нима билан изоҳлаган бўлардингиз?

- Биз ушбу баҳсларда оғир баҳсларни ўтказдик. Дастлаб, Фарғонада «Нефтчи»га қарши йўқ жойдан киритилган пенальти эвазига мағлуб бўлдик, кейин эса чемпионлик учун кураш олиб бораётган уч жамоа «Пахтакор», «Бунёдкор» ва «Локомотив» клубларига қарши баҳсларда мағлуб бўлдик. Бу жамоалар нисбатан кучли таркиб ва тайёргарликка эгалар. Бизнинг жамоамиз эса анча ёш ва шу йил қайтадан йиғилди. Иккинчи давра арафасида жамоа анча кучаяди деб ўйлайман. Fалабадан кейин жамоамизда катта ишонч, иштиёқ пайдо бўлди ва буёғига биз ҳам мухлисларимизни хурсанд этишда давом этамиз.

- Шартномангиз неча йилга тузилган? Жамоада молиявий муаммолар йўқми?

- «Динамо» билан 2014 йилга қадар шартнома имзолаганман. Клубда молиявий жиҳатдан ҳеч қандай муаммо йўқ ва «Динамо» раҳбарияти мажбуриятларини ўз вақтида бажариб келмоқда.

- Бу йил «Пахтакор», «Бунёдкор» ва «Локомотив»нинг чемпионлик учун кураш олиб бориши тахмин қилинмоқда. «Динамо» бу учта гранд рақиб билан ўйнаб бўлди. Сизнингчи, айнан қайси жамоа нисбатан кучлироқ кўринди?

- Бу саволга аниқ жавоб беришим қийин. Чунки, улар орасидан «Пахтакор»да кўп йиллар ўйнаганман ва бу жамоа менга қадрдон. Айнан «Пахтакор»да ўсиб-улғайдим, жамоадагиларнинг барчаси мен учун қадрдон. Фикримча, шахсан менга айнан «Пахтакор» нисбатан кучлироқ кўринди. Жамоанинг потенциали юқори. Кейинги ўринларда «Бунёдкор» ва «Локомотив»ни айтган бўлардим.

- Сиз «Пахтакор»да Равшан Ҳайдаров билан ишлагансиз. Бу мураббийни қайси жиҳатларини алоҳида таъкидлайсиз?

- Равшан Акмалович терма жамоа ва «Пахтакор»да ишлаб катта тажриба тўплаган. Хорижда тажриба алмашиб, Европадан кўп нарсаларни ўзлаштириб қайтган. Жамоа билан ишлашда, футболчиларни руҳлантиришда етук мутахасис деб биламан. Тактик ва техник жиҳатдан ҳам футболчиларга ўз сўзини уқтира олади.

- Давра якунига қадар беш тур қолди. Ушбу учрашувларда «Динамо» тенгкучли рақибларга қарши майдонга тушади. Ёзги танаффус олдидан вазиятни ўнглаш имконияти қай даражада?

- Албатта, пешқадамлар билан ўйнаб бўлганлигимиз яхши, аммо ҳозирда осон ўйиннинг ўзи йўқ. Ҳар бир очко учун бор куч ва имкониятни ишлатмасангиз ютқазишингиз аниқ. Шундай экан, барчамиз бирлашаб бу вазиятдан чиқиб кетишга интиламиз. Бунинг учун биринчи қадам ташланди ва ғалабага эришдик. Навбатдаги турга қадар икки ҳафта вақт бор ва «Сўғдиёна» билан ўйин олдидан Тошкентда бир ҳафта давомида пухта тайёргарлик кўрамиз. Буёғига орқага йўл йўқ, фақат олдинга бориш керак. Бу йўлда бизни мухлисларимиз қўллаб-қувватлаб туришса, ўйлайманки биз кўзлаган мақсадимизга эриша оламиз. Давралар оралиғида жамоамиз янада кучайиб, мухлисларнинг ишончини оқлашига ишонаман.

Усмон Ибодов суҳбатлашди.

Ўқилди (марта): 1726. Киритилган сана: 2013-05-17 00:00:00.

Навбатдаги ўйин

Про-лига 2020
«Динамо»
«Динамо» стадиони
Про-лига

Фото-галерея

Динамо – Шуртан – 3:0. 2017, 8 март
Динамо - Машъал. 2018. Захира
Динамо - АГМК - 1-0. / 2019, 8-тур
Динамо - Насаф 1:2. Ислом Шарипов. 2016 йил.

Сўровнома

ҲОЗИРЧА СЎРОВНОМА ЎТКАЗИЛМАЯПТИ.
Сўровномалар архиви

Хабарлар лентаси

14.07 Сергей Лушчан: «Динамо»нинг таклифи менга ҳаммасидан кўра қизиқарлироқ туюлди»
11.07 Сергей Лушан - «Динамо» клуби бош мураббийи
10.07 «Динамо» клуби мураббийлар штабида ўзгариш юз берди
08.07 Иккита автогол, сўнгги сониялардаги хато ва аламли мағлубият...
08.07 Равшан Аҳмедов: «Динамо» мағлубиятга муносиб эмасди, омад рақиб томонда бўлди»
05.07 «Бош мақсад – Суперлигага қайтиш». «Динамо» бош директорининг фикри бўйича клуб баёноти
03.07 «Динамо» Фарғонада «Нефтчи»га кичик ҳисобда мағлубиятга учради
28.06 Аламли мағлубият: «Динамо» - «Оқтепа» - 3:4
27.06 «Динамо»да янги бош мураббий иш бошлади
22.06 Ўзбекистон Кубоги: «Истиқлол» - «Динамо». Превью

Видео

UFF.UZ веб-студиясида яратилди.
© 2020. fcdinamo.uz
Барча ҳуқуқлар ҳимояланган.
Сайтдан маълумотлар олинганда fcdinamo.uz манзили манба сифатида кўрсатилиши шарт.