Ўтган ўйин

Олий Лига-2017. 30-ТУР
25.11.2017
«Машъал»
«Муборак» стадиони
1:0

Олий лига - 2017

Жамоа Ў Т-Н О
1 Локомотив 30 67-20 70
2 Насаф 30 58-18 62
3 Пахтакор 30 47-28 59
4 Бунёдкор 30 47-29 52
5 Навбаҳор 30 40-37 46
6 Бухоро 30 42-40 46
7 Машъал 30 40-31 44
8 Олмалиқ 30 31-32 44
9 Қўқон-1912 30 42-47 41
10 Металлург 30 43-39 40
11 Қизилқум 30 34-40 37
12 Динамо 30 24-35 32
13 Сўғдиёна 30 33-51 31
14 Шўртан 30 31-52 27
15 Нефтчи 30 26-48 27
16 Обод 30 15-73 9

Олий лига - 2017

30-тур Пахтакор 3-0 Обод
30-тур Навбаҳор 1-0 Насаф
30-тур Шўртан 1-1 Қизилқум
30-тур Локомотив 3-2 Бунёдкор
30-тур Бухоро 1-0 Сўғдиёна
30-тур Машъал 1-0 Динамо
30-тур Металлург 1-0 Нефтчи
30-тур Қўқон-1912 1-2 Олмалиқ

Тугилган кунлар

Янгиликлар » Бошқа янгиликлар

БАҲОДИР НАСИМОВ: «РУБИН»ДА БАРЧАСИ КЎНГИЛДАГИДЕК»

Рукн: Янгиликлар » Бошқа янгиликлар

«Динамо» собиқ ҳужумчиси, "Рубин"да тўп сураётган ҳамюртларимиздан бири Баҳодир Насимов келажаги порлоқ сифатида тилга олинаётган футболчилардан бири ҳисобланади. Расман қозонликлар аъзосига айланганидан кейин Насимовнинг "Рубин"даги ҳаёти бошланди. Ҳамюртимиз аввалига ўринбосарлар таркибида майдонга тушди. Кейин эса Қурбон Бердиев аста-секин ҳамюртимизни асосий таркибда майдонга туширишни бошлади. Умуман олганда, Баҳодирнинг Қозондаги ишлари ёмон эмас. Яқинда футболчи Самарқандда бўлиб қайтди. Жонажон шаҳрида икки ҳафта дам олгач, Баҳодир Германияда ўқув йиғинини бошлаган клуби сафига бориб қўшилди. Шундан бир ҳафта ўтгач, биз футболчи билан боғланиб суҳбатлашишга муваффақ бўлдик.

«Узоқ танафусдан кейин, клуб барча футболчиларга дам берд ива мен Самарқандда оилам даврасида яхши хордиқ чиқардим. Энди, эса яна ўз ишимизга шўнғидик», - дея гап бошлади 23 ёшли ҳужумчи.

- Баҳодир, клубингиз сафига Қозонга бориб қўшилдингизми?

- Йўқ, Самарқанддан Москвага, Россия пойтахти орқали Мюнхенга етиб келдим ва клуб ихтиёрига қўшилдим. Германиядаги ўн кунлик йиғиндан сўнг, машғулотлар Австрияга кўчирилади ва у ерда қатор ўртоқлик учрашувларни ўтказамиз.

- Германиядаги машғулотлар қандай кечмоқда?

- Барча уйида яхши хордиқ чиқариб келган. Ҳозирда бош мураббийимиз Қурбон Бекиевич футболчиларнинг жисмоний ҳолатни тиклаш учун машғулотлар ўтказмоқда. Кунига икки маҳалдан машғулотлар ўтказаяпмиз.

- Жаҳон Чемпионатини ҳам кузатиб бораяпсизми?

- Албатта. Футболчилар билан бирга ўйинларни томоша қилаяпмиз. Айниқса, жамоадошларимизнинг ўйинларини, яна кимдир ўз ватани терма жамоасига мухлислик қилмоқда.

- ЖАР – Мексика учрашувини ҳам «Рубин» футболчилари билан томоша қилган бўлсангиз керак. Клубдагилар ҳакамимиз Равшан Эрматов ҳақида сиздан сўрашдими?

- Албатта. Жамоадошларим ҳам ҳакамимизнинг ҳаракатларини юқори баҳолашди.

- Мундиалда қайси терма жамоага мухлислик қилаяпсиз?

- Жаҳон Чемпионатида икки терма жамоага мухлислик қиламан. Булар Испания ва Бразилия термаларидир. Манимча, Испания, Бразилия, Аргентина, Англия термалари чемпионлик учун курашсалар керак.

- Қозондаги фаолиятингиз давомида Самарқандни соғиниб қолгандирсиз?

- Ҳа, мен учун бошида роса қийин бўлди. "Рубин"га борган пайтимда зерикдим. Чунки Самарқандда олти йил ўйнаб ўрганиб қолгандим. Лекин аста-секинлик билан янги жамоамга мослашиб олдим. Тан оламан, Қозонга борган дастлабки пайтларимда Самарқандни жуда соғингандим.

- «Рубин»да сиз билан боғлиқ ҳеч қандай муаммо йўқми?

- Йўқ, ҳаммаси яхши. Шароитлар ҳам кўнгилдагидек, нолишга ҳожат йўқ. Мен билан ҳам муносабат яхши. Умуман у ерда хамма билан бирдек муносабатда бўлишади.

- У ердаги ҳар бир иштирокингизни диққат билан кузатиб боряпмиз. Кўпинча ўринбосарлар таркибида майдонга тушяпсиз. Баъзида эса "Рубин"нинг асосий учрашувида заҳирадан майдонга тушяпсиз. Бу нарса вазиятдан келиб чиққан холда юз беряптими?

- Биласиз, "Рубин"да легионер кўп. Лекин бир ўйинда уларнинг беш нафари майдонга туша олади. Шунинг учун ўзимизни кўрсата олсаккина мураббий асосий учрашувда майдонга туширади. Агар ўсиш бўлмаса ўринбосарлар баҳсида ўйнатаверади. Қачонки, асосий таркибга керак эканлигимизни кўрсата олсак, шу заҳоти бизни таркибга киритади.

- "Рубин" таркибида майдонга тушган дастлабки учрашувда ҳаяжонланмадингизми?

- Очиғини айтганда, янги жамоам сафидаги биринчи учрашувда майдонга тушганим боис озгина ҳаяжонландим. Лекин мен учун унчалик қийин бўлгани йўқ. Ўшанда "Анжи" билан 0:0 ҳисобида дуранг ўйнадик.

- Айтингчи, "Рубин"да сизни нима деб чақиришяпти?

- Оддийгина Баха деб чақиришади.

- Жамоадаги энг яқин дўстингиз ким?

- У ерда барча футболчилар билан илиқ муносабатдаман. Кўпинча ҳамюртларим - Вагиз Галиулин ва Даврон Мирзаев билан бирга бўламан. Қозонда жамоавий руҳ яхши шаклланган.

- Дарвоқе, клуб қароргоҳида қайси футболчи билан истиқомат қиласиз?

- Туркиялик Ҳасан Кабзе билан. Унинг олдинги ўйинларини телевизор орқали кўриб борардим. У мендан юртимиз ва ундаги жамоалар ҳақида, айтайлик "Бунёдкор" ҳақида сўрайди. Ҳасан Россияда ўйнагани учун рус тилида гапиришни билади. Бундан ташқари турк тили ҳам ўзбек тилига ўхшашиб кетади.

- Олдинги Баҳодир Насимовдан ҳозирги Баҳодир Насимов тубдан фарқ қиляптими?

- Мен бу саволингизга жўяли жавоб айта олмасам керак. Фарқи шундаки, ҳозирги Баҳодир Насимов гол ура олмаяпти (кулади).

- Ўзбекистон терма жамоаси устози Вадим Абрамов Арманистон билан ўтказиладиган ўртоқлик учрашувига таркибни эълон қилди. Бу таркибга сиз чақирилганингиз йўқ. Аммо терма жамоадан таклиф бўлишини кутгандингизми?

- Вадим Абрамов интервью берганида легионерларга дам беришини ва уларни ҳозирча безовта қилмоқчи эмасман деб айтибди. У ёғини эса мен билмайман.

- Россияда ҳам "Динамо"нинг ўйинларидан боҳабар бўлиб турдингизми?

- Бўлмасамчи! Ўзбекистон чемпионати ўтказилган куни «Динамо» сайти орқали натижалардан хабар олиб тураман. Шунингдек, бошқа футбол сайтлари орқали ҳам ўйин натижаларини кузатиб бораман.

- Россия премьер лигасида легионерлар учун гол уриш қийинми?

- Йўқ, нимага? У ерда 3:0, 4:0 ҳисобидаги натижалар камдан-кам бўлади. Негадир голли имконият етарли даражада бўлмаяпти. Киритилаётган голлар асосан стандарт вазиятлардан, бурчак тўплари, жарима тўплари орқали амалга ошириляпти.

Ўқилди (марта): 1641. Киритилган сана: 2010-06-17 00:00:00.

Навбатдаги ўйин

Олий Лига-2017. 30-ТУР
25.11.2017
«Динамо»
«Муборак» стадиони
Мавсум тугади

Фото-галерея

Мухлислар
Фирдавс Абдусалимов, 2016, сентябрь
Динамо - Навбахор
«Динамо» - «Орол» - 6:1. Жонибек Кучимов

Сўровнома

Сизнингча, «Динамо» жамоасининг 2017 йилдаги энг яхши футболчиси ким?
Натижалар
Сўровномалар архиви

Хабарлар лентаси

08.12 ЎФФ ВАКИЛЛАРИ САМАРҚАНДДА БЎЛИШДИ
07.12 «ДИНАМО» ЭНГ КЎП ОЧКОНИ КИМДАН ОЛДИ?
04.12 «ДИНАМО»: 2017 ЙИЛДА ҚАНДАЙ ЭЪТИБОРЛИ ВОҚЕАЛАР БЎЛДИ?
02.12 «ДИНАМО» - 2017: ЭНГ, ЭНГ, ЭНГ…
28.11 «ДИНАМО» ЖАМОАСИ ТАЪТИЛГА ЧИҚДИ
27.11 «ДИНАМО-WOMEN» БИРИНЧИ ЛИГА-2017 ҒОЛИБИ!
25.11 «ДИНАМО» МАВСУМНИ 12-ЎРИНДА ЯКУНЛАДИ
24.11 «ДИНАМО» МУХЛИСЛАРИ МУБОРАККА БОРИШАДИ
23.11 СЎНГГИ ТУР УЧРАШУВИНИ ЗОКИР ҚОДИРОВ БОШҚАРАДИ
21.11 ОЛЕГ ТЮЛЬКИН: «ЛОКОМОТИВ» САВИЯ ЖИҲАТДАН БИЗДАН УСТУН»

Видео

UFF.UZ веб-студиясида яратилди.
© 2017. fcdinamo.uz
Барча ҳуқуқлар ҳимояланган.
Сайтдан маълумотлар олинганда fcdinamo.uz манзили манба сифатида кўрсатилиши шарт.