Ўтган ўйин

Суперлига-2019. 26-ТУР
30.11.2019
«Насаф»
«Қарши» стадиони
1:2

СУПЕРЛИГА - 2019

Жамоа Ў Т-Н О
1 Пахтакор 26 75-18 69
2 Локомотив 26 39-16 49
3 Бунёдкор 26 37-33 43
4 Сўғдиёна 26 29-29 40
5 Металлург 26 32-25 35
6 Сурхон 26 26-33 35
7 Насаф 26 34-27 33
8 Навбаҳор 26 26-23 32
9 АГМК 26 36-37 32
10 Андижон 26 23-37 28
11 Қўқон-1912 26 31-45 26
12 Бухоро 26 18-37 24
13 Динамо 26 25-47 24
14 Қизилқум 26 24-48 24

СУПЕРЛИГА - 2019

26-тур Металлург 2-0 Сурхон
26-тур Бухоро 2-1 АГМК
26-тур Қўқон-1912 1-1 Навбаҳор
26-тур Насаф 1-2 Динамо
26-тур Андижон 1-0 Қизилқум
26-тур Локомотив 0-0 Пахтакор
26-тур Бунёдкор 2-2 Сўғдиёна
25-тур Сўғдиёна 1-1 Насаф

Тўпурарлар

Қадамбой Нурметов 5 (0)
Амиржон Сафаров 2 (0)

Тугилган кунлар

Янгиликлар » Про-Лига

Илҳом Шарипов янги мавсум режалари, таркибдаги ўзгаришлар, Агамуродов мураббийлиги ҳақидаги интервьюси

Рукн: Янгиликлар » Про-Лига

Ўтган йили Суперлигага имтиёзли равишда қайтарилган “Динамо” клуби яна шу йилнинг ўзидаёқ муваффақиятсизликка учраб про-лигага тушиб кетди. Уларнинг кучлилар орасида қандай иштирок этганини барча яхши билади, шу сабабли энди бу ҳақида яна тўхталиб ўтиш шарт эмас. Хўш, омадсизликдан клуб қандай хулоса чиқарди? Янги мавсумда жамоа қандай кўринишда бўлади? Клубни ким бошқаради? Таркибда қандай ўзгаришлар юз беради? Кўриб турибсизки, саволлар бисёр. Албатта, ҳозирга қадар “Динамо”ни бир қатор ўйинчилар тарк этганлиги ҳақида ҳам маълумотлар бор. Барчасини ҳисобга олган ҳолда клуб менежери Илҳом Шарипов билан боғландик ва айрим масалаларга ойдинлик киритилди.

- Қишки йиғинни бошлаганимизга 10 кундан ошди. Ҳозирча Самарқандда кунига икки маҳалдан шуғулланиб турибмиз. Бизнинг режа ва мақсадимиз фақат битта: Суперлигага қайтиш. Айни дамда селекция масаласи бўйича ишлаяпмиз. Бош мураббийимиз Тачмурод Агамуродовнинг акаси яқинда оламдан ўтди. Шу сабабли Тачмурод Шамакович Туркманистонга бориб келди. Селекция ишларини албатта мураббий билан маслаҳатлашган ҳолда амалга оширамиз. Биз йиғинимизни Тошкентда давом эттирмоқчимиз. Аммо ҳали про-лиганинг тақвими тасдиқлангани йўқ. Агар ҳаммаси маълум бўлганида биз ҳам шунга қараб тайёргарлик режасини ишлаб чиқардик. Ҳозирча чемпионат қачон бошланишини ҳеч ким билмайди. Бизга шу нарса муаммо бўляпти – дея гап бошлади, Шарипов.

- Сиздан айнан бош мураббий ҳақида сўрамоқчи эдим. Клуб про-лигага тушиб кетганидан кейин “Динамо”ни испаниялик мураббий бошқариши мумкинлиги ҳақида хабарлар чиққанди. Бу ростмиди?

- Йўқ, бу фақат миш-миш.

- Агамуродов билан янги шартнома имзоландими?

- Тачмурод Шамакович ҳақида фикримиз ижобий. Биз унга ишонамиз. Шунинг учун Агамуродов жамоамизда қолди. Унинг ҳам мақсади “Динамо”ни Суперлигага қайтариш. Тез орада мураббий билан янги шартнома имзоланади. Умуман олганда, Агамуродов масаласида раҳбарлар гаплашишган ва яна унинг клубда ишлашига ҳамма рози бўлган. Шундай экан, Тачмурод Шамаковичнинг “Динамо”ни бошқариши аниқ.

- “Динамо”ни бир қанча етакчи футболчилар тарк этишди. Шундай экан, таркибдаги ўзгаришлар ҳақида ҳам маълумот бериб ўтсангиз?

- Тўғри, жамоамизни етакчи ўйинчилар тарк этишди. Ихтиёр Тошпўлатов энди “Металлург”да ўйнайди. Дарвозабонимиз Ботирали Эргашевни эса бир йилга “Қўқон-1912”га ижарага бериб юбордик. Шунингдек, Акмал Холмуродов, Сирож Ҳамроев, Баҳодир Насимов, Сардор Эминов, Дилмурод Каримов, Жасур Ўрунов, Аббос Шодмонов каби футболчиларимиз ҳам энди бошқа клубларда ўйнашади.

- Клубни тарк этганларнинг ўрнини тўлдириш зарур. Бу борада ишлар қандай олиб бориляпти? Ҳозирда “Динамо”да янги қўшилган футболчилар борми?

- Ҳозирги таркибимизга ҳеч бўлмаганда 5 нафар янги футболчини қўшмасак бўлмайди. Акс ҳолда чемпионат давомида кучимиз етмай қолади. Бу йил Суперлигага чиқиш учун кураш ва ундаги рақобат кучли бўлади. “Турон”, “Истиқлол”, “Нефтчи”, “Шўртан” каби жамоалар ҳам Суперлигани кўзлаб туришибди. Улар билан рақобатлашишимиз керак. Мураббийимиз қайтиб келганидан кейин бамаслаҳат иш олиб борамиз. Биз таркибга иқтидорли ёшларни таклиф қиламиз. “Пахтакор”, “Насаф” каби жамоалардан асосий таркибга кира олмаган ўйинчиларини олишга ҳаракат қилиб кўрамиз.

- Ботирали Эргашевнинг трансфер нархи 500 миллион сўмни ташкил қилаётганди. Лекин уни “Қўқон-1912”га ижарага бериб юбординглар. Сир бўлмаса унинг ижара пули қанчани ташкил қилди?

- Ҳа, биз уни бир йилга ижарага бердик ва мавсум тугаганидан сўнг яна “Динамо”га қайтиб келади. У Суперлигада ўйнаб ўзининг ўйин сифатини ва тажрибасини оширади. Бундан ташқари, Эргашевнинг ойлик маоши ҳам бироз баландроқ эди. Про-лигада иштирок этишимиз натижасида унинг ойлик маошини тўлаш биз учун бироз қийинчилик туғдирарди. Шу сабабли Ботиралини текинга эмас, пулга ижарага бердик. Эргашевнинг ижара шартномаси учун бизга 50 миллион сўм тўлашди. Тўғриси, Эргашевнинг кейинги фаолияти ҳақида ўйладик. Чунки у чемпионатимиздаги энг кучли беш нафар дарвозабонлардан бири ҳисобланади. Шу боис Суперлигада иштирок этиши ўзи учун ҳам фойдали бўлади.

- Ўтган йилги муваффақиятсизликнинг сабабини қандай изоҳлаган бўлардингиз?

- Биласизми, ўтган йили бизга тажриба етишмади. Кўрдингиз, Суперлигада қолиш учун кураш охиригача жиддий бўлди. Учта клубда 24 тадан очко бўлиб қолганди. Аммо бизга бироз ўйин сифати ҳам етишмагани кўриниб қолди. Бундан ташқари, омад ҳам жамоамиздан юз ўгирганини айтган бўлардим. Таркибимиздаги бир қатор ўйинчилар бунгача фақат про-лигада ўйнашарди. Суперлигадаги рақобат эса жуда кучли эди. Натижада кучимиз етмай қолди. Лекин футболчиларимизнинг жисмоний тайёргарлиги яхши ҳолатда эди. Бироқ руҳий томондан йигитлар қийналиб қолишди. Сифатли футболчи эса руҳий томондан ҳам кучли бўлиши керак. Кетма-кет мағлубиятлар оқибатида ўйинчилар бора-бора руҳий тушкунликка тушиб қолишди. Шу боис ҳамма вақт футболчилар руҳий томондан ҳам кучли бўлишлари керак. Чунки ўзингиз ҳам кўриб турибсиз, футболда ҳар хил вазиятлар бўлиб қолиши мумкин. Ҳаётда эса ҳамма нарса бўлади. Оқ ва қора чизиқлар учраб туради. Лекин ҳар доим ҳаёт фақат қорадан иборат бўлавермайди. Ҳозирги пайтда ҳам таркибимиздаги етти нафар футболчиларимизга Суперлига клубларидан таклифлар бор. Бу ҳам ўйинчиларимизнинг имкониятлари яхши эканлигидан далолат. Тўғри, ўтган йили муваффақиятсизликка учраган бўлсак-да, футболчиларимиз охиригача курашишди. Натижада улар ўз ўйинлари билан бошқа клубларнинг қизиқишини уйғотди. Мисол учун Жасур Азимов, Шохруҳ Раимов, Амиржон Сафаров, Шохруҳ Абдураҳмонов, Шохруҳ Эшбўтаев, Қадамбой Нурметов, Дамир Темиров каби йигитларимизга ҳар куни Суперлига клубларидан қўнғироқлар бўляпти ва бизга мурожаат қилишяпти. Масалан, яқинда “Андижон”дан ҳам қўнғироқ бўлди ва Шохруҳ Абдураҳмонов, Жасур Азимов ҳамда Жасур Ўруновни олмоқчи эканини айтишди. Лекин вилоят ҳокимлиги уларнинг кетишига рухсат бермади. Чунки боя айтганимдек, бизнинг ҳам олдимизга қўйилган вазифамиз бор.

Манба: Sports.uz

Ўқилди (марта): 1432. Киритилган сана: 2020-02-07 00:00:00.

Навбатдаги ўйин

Мавсум тугади
«Динамо»
«Динамо» стадиони
таътил

Фото-галерея

Dinamo - Sugdiyona 1:0 / 2019, 4-тur.
Хавфли вазият. Азиз Ибрагимов
Мухлислар

Сўровнома

ҲОЗИРЧА СЎРОВНОМА ЎТКАЗИЛМАЯПТИ.
Сўровномалар архиви

Хабарлар лентаси

18.02 Назорат учрашуви. «Динамо» «Шўртан» билан дуранг ўйнади
17.02 «Динамо» «Шўртан»га қарши назорат учрашуви ўтказади
13.02 Агамуродов фаолиятини давом эттиради, жамоани 8 нафар футболчи тарк этди
07.02 Илҳом Шарипов янги мавсум режалари, таркибдаги ўзгаришлар, Агамуродов мураббийлиги ҳақидаги интервьюси
05.02 «Динамо» самарқандлик ёш футболчиларни кўрикка таклиф этади!
01.02 «Динамо» назорат баҳсида ғалаба қозонди
18.01 «Динамо» Ботирали Эргашевни «Қўқон-1912» клубига ижарага берди
16.01 Ихтиёр Тошпўлатов «Динамо»дан «Металлург»га ўтди
07.01 «Динамо» 11 январдан йиғин бошлайди
11.12 «Динамо»-2019: ким қанча ўйнади, нечта гол урди?

Видео

UFF.UZ веб-студиясида яратилди.
© 2020. fcdinamo.uz
Барча ҳуқуқлар ҳимояланган.
Сайтдан маълумотлар олинганда fcdinamo.uz манзили манба сифатида кўрсатилиши шарт.