Даврон Файзиев: «4 та гол уриб, 2:2 дуранг ўйнаш аламли...»

Рукн: Янгиликлар » Про-Лига

“Қўқон-1912” – “Динамо” учрашувидан сўнг меҳмонлар устози Даврон Файзиев ўйин борасида тўхталди.

- Бугун Қўқон аҳлини мавсумнинг очилиш ўйини билан табриклайман. Жамоани ўз уйига қайтгани билан ҳам табриклайман. Ўйин борасидаги баҳони эса журналистлар беришса мақсадга мувофиқ бўлар эди. Бугунги баҳс шиддатли курашларга анча бой тарзда ўтди. Аламлиси, учрашувдаги барча голни бизнинг футболчилар киритишди. Биз ҳамиша ҳужумкор ўйин кўрсатиб келяпмиз. 4 та гол уриб, 2-2 ҳисобини қайд этиш аламли. Лекин ҳимояда хатоларга йўл қўйяпмиз. Бугунги баҳсда ғалаба қозонганимизда турнир жадвалидаги ҳолатимиз янада яхшиланган бўлар эдик. Эътибор беринг, 6-дурангни қайд этдик, агар ҳеч бўлмаганида шу ўйинларнинг иккитасида ғалабани сақлай олганимизда ҳозир 3-ўринда бўлардик. Биз ҳимояга асосланган эмас, мухлисларга ёқадиган футбол намойиш этаяпмиз. Бугун Самарқанддан келган барча мухлисларга раҳмат. Таркиб борасида 1-даврадан кейин қандай ўзгаришлар қила олишимизга кучимиз етади ҳали билмайман. Энг аввало кейинги ўйинлардаги зич тақвимда хатога йўл қўймай, зарур очколарни қўлга киритишимиз керак.