Ўтган ўйин

Про-лига 2021
24.03.2021
«Динамо»
«Динамо» стадиони
2:1

СУПЕРЛИГА - 2019

Жамоа Ў Т-Н О
1 Пахтакор 26 75-18 69
2 Локомотив 26 39-16 49
3 Бунёдкор 26 37-33 43
4 Сўғдиёна 26 29-29 40
5 Металлург 26 32-25 35
6 Сурхон 26 26-33 35
7 Насаф 26 34-27 33
8 Навбаҳор 26 26-23 32
9 АГМК 26 36-37 32
10 Андижон 26 23-37 28
11 Қўқон-1912 26 31-45 26
12 Бухоро 26 18-37 24
13 Динамо 26 25-47 24
14 Қизилқум 26 24-48 24

СУПЕРЛИГА - 2019

26-тур Металлург 2-0 Сурхон
26-тур Бухоро 2-1 АГМК
26-тур Қўқон-1912 1-1 Навбаҳор
26-тур Насаф 1-2 Динамо
26-тур Андижон 1-0 Қизилқум
26-тур Локомотив 0-0 Пахтакор
26-тур Бунёдкор 2-2 Сўғдиёна
25-тур Сўғдиёна 1-1 Насаф

Тўпурарлар

Қадамбой Нурметов 5 (0)
Амиржон Сафаров 2 (0)

Тугилган кунлар

Янгиликлар » Про-Лига

Эркинжон Турдимов Самарқанд футболида қандай ишларни амалга оширмоқда?

Рукн: Янгиликлар » Про-Лига

Самарқанд вилояти ҳокими Эркинжон Турдимовнинг сайъ-ҳаракати ва ташаббуси билан жорий йилдан вилоятда футболга жиддий эътибор қаратилмоқда.

ВАЪДАГА ВАФО

Хусусан, Ўзбекистон Республикаси Президентининг 2018 йил 5 мартдаги “Жисмоний тарбия ва спорт соҳасида давлат бошқаруви тизимини тубдан такомиллаштириш чора-тадбирлари тўғрисида”ги ПФ–5368-сон фармонига мувофиқ, истиқболли ва иқтидорли футболчиларни тайёрлашнинг самарали тизимини яратиш, профессионал футбол клублари учун сифатли спорт захирасини шакллантириш, моддий техник базасини яхшилаш борасида Самарқандда ҳам кенг кўламли ишлар олиб борилмоқда.

Хабарингиз бор, бундан уч ой аввал «Динамо» клуби билан учрашган вилоят ҳокими Эркинжон Турдимов 2019 йилдан клубни шахсан ўз назорати остига олишини, бошқарув тизими ва молиялаштириш манбаларини тўғри йўлга қўйишни, жамоа учун энг аввало шароитларни яхшилаб, сўнг натижа талаб қилинишини айтган эди. Қолаверса, “Самарқанд” телеканалидаги халқ билан очиқ мулоқот кўрсатуви давомида ҳам, мухлисларнинг талаб ва таклифлари ўрганиб чиқилишини маълум қилиб, “Динамо” Самарқанддек шаҳар ва вилоятга муносиб бўлиши шартлигини таъкидлаганди. Ваъдага мувофиқ, Самарқанд вилоят футбол Ассоциацияси президенти Эркинжон Турдимов ўзгаришларни вилоят футболи пойдевори саналмиш болалар-ўсмирлар футбол академиясидан бошлади.

АКАДЕМИЯ

Январь ойи якунида вилоят ҳокими бошчилигидаги ишчи гуруҳ Самарқанд шаҳрида жойлашган ЎФА ва «Динамо» футбол клуби тасарруфидаги Самарқанд вилоят футбол академиясида бўлиб, болалар футболининг бугунги ҳолатини кўздан кечирди ва энг аввало ишни вилоят футболи пойдевори бўлмиш академияни оёққа турғизишдан бошлаш лозимлигини таъкидлади. Дастлаб барча муаммо ва камчиликлар аниқланиб, академия тарбияланувчиларига шароитларни яхшилаш борасида чора-тадбирлар ишлаб чиқилди. Академия янгича кўриниш олиши, ишлар янгича тарзда олиб борилиши учун қурилиш ва бунёдкорлик ишлари бошлаб юборилди.

«ДИНАМО» КЛУБИ ҚАРОРГОҲИ

Катта ўзгаришлар амалга оширилаётган навбатдаги манзил “Динамо” футбол клуби қароргоҳи бўлди. Жамоа базасидаги ҳолат билан шахсан танишган Эркинжон Оқбўтаевич Самарқанд вилоятининг бош жамоаси моддий-техник базасини яхшилаш, шароитларни яратиш борасида бир қатор кўрсатмалар берди. Бугунги кунда “Динамо” ПФК қароргоҳида қурулиш-таъмирлаш бригадалари томонидан ободонлаштириш ва реконструкция ишлари олиб борилиб, футболчиларга барча шароитлар яратилмоқда. Шунингдек, яқин орада Жомбой туманида “Динамо” клуби учун футбол базаси қурилиши режалаштирилган.

СТАДИОН

Режага мувофиқ, янги футбол мавсуми олдидан “Динамо” стадионида ПФЛ талаблари даражасида шароитларни яратиш ва ўйингоҳни 2019 йилги чемпионатга ҳозирлаш ишлари ҳам бошланиш арафасида. Мамлакатимизнинг энг кўркам ва сифатли майдонларидан бири бўлмиш стадион чими ҳам мутахассислар томонидан қишки парваришлаш натижасида март ойидаёқ тайёр ҳолга келади.

УЗОҚ КУТИЛГАН ЎЗГАРИШ

Бир неча йиллар давомида Навоий ва Сурхондарё вилоятларидаги самарали раҳбарлик фаолиятидан яхши маълумки, вилоятнинг бош жамоалари - “Қизилқум” ва “Сурхон” клуби муваффақиятларида Эркинжон Турдимовнинг ҳиссаси катта эканлигини маҳаллий мухлислар ҳали ҳамон эслашади. Бир неча йиллар давомида Самарқандда футболга эътибор ҳаминқадар эдики, айтайлик, вилоят болалар футбол академияси ёки “Динамо” клуби қароргоҳида қилинаётган ҳозирги янгиланиш, ўзгаришлар охирги марта неча йил олдин амалга оширилганлигини ҳатто эслай ҳам олмайсан киши.

«ДИНАМО»ГА ЯНГИ АВТОБУС БЕРИЛАДИ

Вилоят ҳокими ташаббуси билан 2019 йилги янги мавсум олдидан «Динамо» футбол клуби моддий техник базасини яхшилаш мақсадида жамоага Самарқанд вилояти ҳокимияти ва клуб ҳомийлари томонидан янги замонавий автобус берилмоқда. Ҳозирда янги автобусга “Динамо” клуби рамзлари туширилиб, буюртма асосида тайёрланган. Автобус 2019 йилги чемпионат стартидан бошлаб “Динамо” хизматида бўлади.

ТАЙЁРГАРЛИК

Жамоа йил аввалидан режалаштирилган янги мавсум ҳозирлигининг дастлабки қисмини Самарқандда, 3 ва 4-босқичини эса Тошкентда ўтказмоқда. Дастлабки назорат баҳсларида “Динамо” Навоийда “Қизилқум” жамоасини 2:3 ҳисобида мағлуб этиб қайтган бўлса, Қаршида “Насаф” билан дуранг (0:0) қайд этди. Тошкентда ўтаётган йиғинда эса Даврон Файзиев шогирдлари ўртоқлик учрашувларида “Бунёдкор”ни 2:1, “Сурхон”ни 3:0, бугун 16 февраль куни эса Суперлиганинг яна бир вакили “Қўқон-1912” клубини 3:2 ҳисобида мағлуб этиб, янги мавсумга жиддий тайёргарлик кўришмоқда.

МАҚСАД – СУПЕРЛИГА

Энг кўп аҳолига эга катта вилоятнинг раҳбари барча соҳалар қатори футболга ҳам алоҳида эътибор қаратаётгани, Самарқандда болалар футболидан тортиб, профессионал футбол клуби даражасигача назорати доирасидан четда қолмаётгани, муаммо ва камчиликларга ўз вақтида муносабат билдираётгани замирида энг аввало, футболсевар Самарқанд халқининг кайфияти, мамлакат келажаги саналмиш болалар футболининг истиқболи кўзланган. Берилаётган эътиборга яраша “Динамо” клуби олдига бу йил Суперлигага чиқиш вазифаси юклатилган.

“Қарс икки қўлдан чиқади” деганларидек, “Динамо” жамоаси ҳам масъулиятини ҳис этган ҳолда янги мавсумда раҳбарият ва мухлислар ишончини оқлашга жиддий бел боғлаган.

“Динамо” клуби матбуот хизмати.

Ўқилди (марта): 1220. Киритилган сана: 2019-02-18 00:00:00.

Навбатдаги ўйин

Про-лига 2021
30.03.2021
«Динамо»
«Истиқлол» стадиони
18:00

Фото-галерея

Жамоа дарвозабони Михаил Наумовдан "селфи"!
Жаъфар Ирисметов
Жавохир Кахрамонов

Сўровнома

ҲОЗИРЧА СЎРОВНОМА ЎТКАЗИЛМАЯПТИ.
Сўровномалар архиви

Хабарлар лентаси

13.10 Эркинжон Турдимов «Динамо» жамоасини Суперлига йўлланмаси билан табриклади
05.09 «Бухоро» - «Динамо». Кўҳна шаҳарлар жамоаларининг 48-тўқнашуви
12.08 Пешқадамлар тўқнашуви: «Динамо» «Нефтчи»нинг Фарғонадаги мағлубиятсиз сериясига чек қўя оладими?
05.05 59 йиллик рақибларнинг 50-тўқнашуви. «Динамо» - «Нефтчи» ўзаро ўйинлари тарихи, таркиблар трансфер баҳоси ва мураббийлар фикри
06.04 Ҳаким Фузайлов: «Динамо» ютган бўлса-да, очиғи ўйиндан қониқмадим»
05.04 «Динамо» «Орол» мағлуб этиб, пешқамликни сақлаб қолди
25.03 Фахриддин Алимов: «Мақсадим – Про лигада тўпурар бўлиш ва «Динамо» билан Суперлигага чиқиш»
25.03 Ҳаким Фузайлов: «Самарқанддаги ажойиб футбол атмосфераси ҳам сўнгги дақиқаларда ғалаба қозонишимизга ёрдам берди»
24.03 Мавсумни ғалаба билан бошладик
23.03 «Динамо» жамоаси таништирув маросимини ўтказди

Видео

UFF.UZ веб-студиясида яратилди.
© 2021. fcdinamo.uz
Барча ҳуқуқлар ҳимояланган.
Сайтдан маълумотлар олинганда fcdinamo.uz манзили манба сифатида кўрсатилиши шарт.