«ДИНАМО» ТОШКЕНТДА «БУНЁДКОР» ВА «БУХОРО» БИЛАН ЎЙНАЙДИ

Рукн: Янгиликлар » Про-Лига

“Динамо” жамоаси янги мавсумга тайёргарлик доирасидаги 4-йиғинни 5 февралдан Тошкентда бошлади.

Ушбу ўқув-машғулот йиғини давомида мураббийлар штаби янги футболчиларни кўрикдан ўтказиш ва назорат учрашувлари режалаштирилган. Хусусан, 8 февраль куни “Динамо” “Бунёдкор” жамоасига қарши майдонга тушса, 10 февраль куни Қозоғистоннинг “Қирон” клуби, 12 февралда эса “Бухоро” жамоаси билан ўртоқлик ўйинлари ўтказиш кўзда тутилган.

Ушбу йиғин 5 февралдан 18 февралгача давом этиб, сўнг футболчиларга икки кунлик дам берилади. 21 февралдан “Динамо” яна Тошкентда тайёргарлик ишларини давом эттиради.

Таркибдаги ўзгаришларга келадиган бўлсак, “Динамо” жамоаси сафида бир неча йил тўп сурган Жасур Азимов клуб билан хайрлашди. “Динамо” билан шартномаси якунига етган самарқандлик футболчи “Навбаҳор” клуби билан шартнома тузди. Жамоамиз номидан кейинги фаолиятида Жасур Азимовга омад тилаб қоламиз.

Ўтган мавсумдан буён “Динамо” клубида “Машъал”дан ижара асосида тўп суриб келган дарвозабон Шоҳруҳ Эшбўтаев жамоамизнинг тўлақонли аъзосига айланди. Дарвозабон “Динамо” билан янги шартномага имзо чекди.

“Динамо” жамоасининг 4-йиғиндаги назорат учрашувлари:

8 февраль. Тошкент.

“Бунёдкор” - “Динамо”

10 февраль. Тошкент.

“Динамо” – “Қирон”(Қозоғистон)

12 февраль. Тошкент

“Динамо” – “Бухоро”

“Динамо” жамоасининг 3-йиғинда ўтказган назорат учрашувлари:

25 январь. Қибрай

“Металлург” – “Динамо” – 1:0

26 январь. Тошкент

“Бунёдкор” – “Динамо” – 2:1

1 февраль. Навоий

“Қизилқум” – “Динамо” – 2:3

2 февраль. Қарши

“Насаф” – “Динамо” – 0:0.

«Динамо» клуби матбуот хизмати.