ОЛЕГ ТЮЛЬКИН: «БИТТА ВАЗИЯТ ЎЙИН ТАҚДИРИНИ ҲАЛ ЭТДИ»

Рукн: Янгиликлар » Про-Лига

«Қизилқум» - «Динамо» (1:0) учрашувидан кейин жамоамиз бош мураббийи Олег Тюлькин матбуот анжуманида иштирок этди.

- Афсуски, учрашувдаги мезбонларнинг ягона хавфли ҳужуми гол билан якунланди ва бу учрашув тақдирини ҳал этди. Иккала жамоа учун ҳам қийин ўйин бўлди. Стандарт вазиятдан кейин гол ўтказиб юбордик. Очиғи, бугунги мағлубиятдан кейин нима қилишини билмай қолдик. Биз чемпионатни якунлашимиз керакми? Тўрт тур қолганда қабул қилинган қарор нафақат бизни, балки бутун мамлакат ишқибозларини карахт аҳволга солди дейиш мумкин. Регламент бор, тартиб қоида бор. Регламент бу футболнинг конституцияси. Самарқанд, Жиззах, фарғоналик мухлислар футболни севмайдими... Кейинги ўйинимиз «Нефтчи»га қарши. Улар ҳам биз каби ҳолатда. Аммо ҳар қандай вазиятда ҳам ғалаба қозониш учун ҳаракат қиламиз.