«СЎҒДИЁНА» - «ДИНАМО»: МУРАББИЙЛАР ҚАНДАЙ ФИКРДА?

Рукн: Янгиликлар » Про-Лига

«Сўғдиёна» - «Динамо» (0:0) учрашувидан кейин ҳар икки жамоа бош мураббийлари иштирокида матбуот анжумани ўтказилди.

Олег Тюлькин: «ГОЛ УРОЛМАСЛИК - ФОЖЕАМИЗ»

- Бугун ҳар икки жамоа иштирокидаги тенг ўйинга гувоҳ бўлдик. Фикримча, дуранг адолатли натижа бўлди. Бу ўйинда икки жамоадан бирини кучли деб айта олмайман. Ҳар иккала жамоа футболчилари яхши ҳаракат қилишди ва охиргача майдонда ғалаба учун курашди. Мухлислар жамоаларни ўйин давомида ажойиб тарзда қўллаб-қувватлашди. Футбол бу футбол. Дуранг ҳаққоний натижа. Гол уролмаслигимиз бу бизнинг фожеа. Агар гол урмасак қандай ғалаба ҳақида ўйлаш мумкин. Таркибда муаммолар бор эди, аммо кейинги ўйинларгача барчаси ўз ўрнига тушиши керак. Олдимизда «Бунёдкор» билан муҳим баҳс бор. Кубок учрашувига жиддий тайёргарлик кўрамиз.

Игорь Шквирин: «Динамо» курашувчан жамоа»

- Ўйин қийин бўлишини билган эдик. “Динамо” курашувчан жамоа. Майдонда 10 киши бўлиб ўйнаганимизга қарамай, футболчилар майдонда яхши ҳаракат қилишди. Буни “Динамо” мураббийлари ҳам эътироф этишди. Агар вазиятлардан унумли фойдаланганимизда натижани ўз фойдамизга ҳал қилган бўлар эдик. Бугун яна муҳлисларни хурсанд қилолмадик. Ўйиндан ўйинга бу қандайдир ёмон анъанага айланмоқда. Майда қадамлар билан олдинга бормоқдамиз. Ишлашда давом этамиз. Менимча, бугун биз 2 очко йўқотдик. Ўйинга реал қараганда, бир футболчи кам бўлиб ўйнаб ҳам бир нечта вазиятлар ярата олдик. 10 киши бўлиб ҳам ғалаба қозониш мумкин. Бунга мисоллар жуда кўп.