ҚЎҚОНДА МАFЛУБИЯТ

Рукн: Янгиликлар » Про-Лига

Иккинчи давранинг дастлабки ўйинида Қўқонда маҳаллий жамоага қарши саф тортган «Динамо» жамоаси водийдан мағлубият билан қайтадиган бўлди.

Баҳром Ҳакимов қўл остида дастлабки ўйинда майдонга тушган «Динамо» футболчилари ўйиннинг дастлабки дақиқалариданоқ тенгкурашлар остида тўп суришди. Аммо баҳсдаги ҳисобни мезбонлар очишди. Носир Отақўзиев ўзи учун яратилган имкониятдан фойдаланиб Мельничук дарвозасини ишғол этди, 1:0.

Ушбу голдан кейин динамочилар ҳужумкорликни оширишди ва бу ўз самарасини узоқ куттирмади. Қанотдан етказилган тўпни Дилшод Шарофутдинов бош билан «Қўқон-1912» дарвозасига киритиб мувозанатни тиклади, 1:1.

Иккинчи бўлимда ҳам ҳар икки томон ғалабани илиб кетиш учун ҳужумкорликка зўр беришди. Натижада 76-дақиқада омад мезбонларга кулиб боқди. Чап қанот яримҳимоячиси Сардор Эминовнинг зарбаси ҳисобни 2:1 кўринишига келтирди.

Бу голга жавоб беришни истаган меҳмонлар ҳужумга ўтиб кетишди ва қарши ҳужумда яна жазоланишди – Носир Отақўзиев ўз «дубли»ни расмийлаштирди, 3:1.

16-тур. 2 август (якшанба)

«Қўқон-1912» (Қўқон) – «Динамо» (Самарқанд) 3:1

Қўқон, 4499 томошабин.

Ҳакамлар: Ҳ. Рўзиев (Тошкент) – 8.0, Т. Гайнулин (Тошкент) – 8.7, С. Шоюсупов (Тошкент) – 8.8, Ж. Мухторов (Тошкент) – 8.0.

Назоратчи: И. Мустафин (Тошкент).

Голлар: Н. Отақўзиев (20, 81), С. Эминов (76) – Д. Шарофетдинов (25)

"Қўқон-1912": Азиз Ашуров, Жалил Кимсанов, Баҳодир Акрамов, Носир Отақўзиев, Қувондиқ Рўзиев (Ориф Мамажонов, 67), Дониёр Усмонов, Азиз Тўхтабоев (Нодир Қўзибоев, 46), Сардор Эминов (Алексей Николаев, 79), Фурқат Ҳасанбоев, Илья Ильин, Игорь Голбан.

"Динамо": Андрей Мельничук, Ильдар Маматказин, Отабек Зокиров, Акмал Холмуродов, Фаррух Шотурсунов, Аваз Агалиев, Дилшод Шарофетдинов (Фирдавс Абдусалимов, 83), Артём Филипосян, Акмал Бозоров, Илҳом Юнусов, Сергей Рекун (Жасур Азимов, 23) (Ҳасан Асқаров, 66).

Захира: Муҳиддин Худоёров, Комил Шарофетдинов, Феруз Бобоқулов, Холмўмин Давронов.

Огоҳлантиришлар: Ж. Кимсанов (71) – О. Зокиров (31), Ж. Азимов (50), А. Холмуродов (62)

Энг яхши ўйинчилар: Д. Усмонов – Ф. Шотурсунов