Тошкентдаги йиғинда сўнгги икки ўйинини ўтказган «Динамо» жамоаси «Навбаҳор» ва «Андижон» клубларига қарши майдонга тушди.
«Навбаҳор»га қарши ўйинда вакилларимиз 2:2 дуранг натижасини қайд этишди. Дастлаб Ҳамдам Раҳмонов ва мураббийлар кўригидан ўтаётган Вусол Мегерамовлар голлари билан «Динамо»ни ҳисобда олдинга олиб чиққан бўлишса, кейин «Навбаҳор» футболчилари мувозанатни тиклашди, 2:2.
Якшанба куни эса «Динамо» «Андижон»га қарши ўйин ўтказди. Шу куни Баҳром Ҳакимов жамоа таркибида синовдан ўтаётган бир қатор янги футболчиларни майдонга туширди. Шиддатли кечган баҳсда Отабек Зокиров томонидан киритилган голга андижонликлар учта тўп билан жавоб беришди, 1:3.
Эслатиб ўтамиз, бундан олдинроқ «Динамо» «Олмалиқ» (1:1) ва «Сўғдиёна» (0:1) билан ўйин ўтказиб дуранг ва мағлубиятга учраганди. |