Ўтган ўйин

Про-лига 2020
00.00.2020
«Динамо»
«Динамо» стадиони
0:0

СУПЕРЛИГА - 2019

Жамоа Ў Т-Н О
1 Пахтакор 26 75-18 69
2 Локомотив 26 39-16 49
3 Бунёдкор 26 37-33 43
4 Сўғдиёна 26 29-29 40
5 Металлург 26 32-25 35
6 Сурхон 26 26-33 35
7 Насаф 26 34-27 33
8 Навбаҳор 26 26-23 32
9 АГМК 26 36-37 32
10 Андижон 26 23-37 28
11 Қўқон-1912 26 31-45 26
12 Бухоро 26 18-37 24
13 Динамо 26 25-47 24
14 Қизилқум 26 24-48 24

СУПЕРЛИГА - 2019

26-тур Металлург 2-0 Сурхон
26-тур Бухоро 2-1 АГМК
26-тур Қўқон-1912 1-1 Навбаҳор
26-тур Насаф 1-2 Динамо
26-тур Андижон 1-0 Қизилқум
26-тур Локомотив 0-0 Пахтакор
26-тур Бунёдкор 2-2 Сўғдиёна
25-тур Сўғдиёна 1-1 Насаф

Тўпурарлар

Қадамбой Нурметов 5 (0)
Амиржон Сафаров 2 (0)

Тугилган кунлар

Янгиликлар » Про-Лига

«ДИНАМО»: ТАЙЁРГАРЛИК, ЯНГИ ФУТБОЛЧИЛАР ВА РЕЖАЛАР ҲАҚИДА

Рукн: Янгиликлар » Про-Лига

Олий лига жамоалари қаторида Самарқанднинг «Динамо» клуби ҳам янги мавсумга жиддий ҳозирлик кўрмоқда. Равшан Ҳайдаров қўл остидаги жамоа мавсум тайёргарлигини дастлаб Самарқандда бошлаган бўлса, иккинчи босқич йиғини 15-30 январь кунлари Тошкентда ўтказилди. Навбатдаги йиғин олдидан, жамоамиз бош мураббийи тайёргарлик, янги футболчилар ва режалар ҳақида батафсил сўзлаб берди.

ТАЙЁРГАРЛИК

- Равшан Акмалович, якунланган йиғиндан кўзлаган режаларингиз амалга ошдими?

- Тайёргарлигимиз режа асосида давом этмоқда, десам ҳам бўлади. Кўзлаганимиздек, иккинчи йиғин доирасида тўртта назорат учрашувларини белгилагандик ва ушбу баҳсларда жамоанинг янги футболчиларини синовдан ўтказиш билан бирга таркибнинг шаклланишига ҳам жиддий эътибор қаратдик. «Пахтакор», «Сўғдиёна», «Бухоро» ва «Олмалиқ» клубларига қарши тўп суриб икки дуранг, икки мағлубият қайд этган бўлсакда, энг асосийси жамоанинг тайёргарлигига катта урғу бердик. Чунки, бундай ўйинларда натижа эмас, энг аввало тайёргарлик муҳим ўрин тутади.

- Демак, якунланган йиғиндан кўнглингиз тўлди дейиш мумкин, шундайми?

- Мавсум олди йиғинлар давомида ҳар бир мураббий футболчисининг жароҳат олишидан хавфсирайди. Афсуски, буни биз ҳам четлаб ўтолмадик. Таркибдаги айрим футболчиларимизнинг жароҳат олганликлари сабабли уларни тўлиқ синовдан ўтказа олмадим. Азамат Бобожонов, Абдулла Набиев сингари футболчиларимиз эса жароҳатлари боис Тошкентдаги йиғинимизда иштирок эта олишмади. Жароҳат олган ўйинчиларимизнинг тезроқ сафга қайтишларини кутаяпман. Мана шу жиҳатни айтмаганда йиғиндан кўнглим тўлди.

ҒУЛОМ УРУНОВ ҲАҚИДА

- Таркибга янги келган футболчиларнинг тақдири қандай кечади?

- Мавсум олдидан сафимизга қўшилган футболчилардан яримҳимоячилар Алишер Маҳмудов ва Самандар Шодмоновларга жавоб бердик. Қолган футболчилар эса ҳозирча жамоа билан бирга тайёргарлик кўришмоқда.

- «Пахтакор» сафидан келиб қўшилган Ғулом Урунов янги мавсумни Самарқандда бошлайдими?

- Fулом Уруновни жуда яхши билганим ва катта ёрдами тегишига умид қилган ҳолда уни ижара асосида таклиф қилдик. Урунов борасида «Динамо» «Пахтакор» билан деярли келишувга эришган. Энди футболчининг ўзи билан келишувга эришсак, Урунов мавсумни «Динамо»да бошлайди.

ЯНГИ ФУТБОЛЧИЛАР БОРАСИДА

- Молдова терма жамоаси ҳужумчиси Анатолий Дорош ҳақида нима дея оласиз? Легионер «Динамо»да қоладими?

- Ушбу футболчи 28 январь куни сафимизга қўшилди. 2-3 кунлик йиғинда ҳам молдовалик ҳужумчининг тажрибали эканлиги яққол кўриниб турди. Унинг Жаҳон чемпионати саралаш баҳсларида ўтган йили терма жамоаси сафида Европанинг кучли термаларига қарши майдонга бежизга тушмаганлиги аниқ. Мингафсуски «Олмалиқ»га қарши сўнгги ўйинимиз олдидан легионер жароҳат олди ва шу боис назорат баҳсида ҳам ўзини кўрсатишга қийналди. Унга ҳозирча жавоб берган бўлсакда, вақт ўтиб жароҳатидан қутилса бундай тоифадаги ҳужумчини сафимизда кўришдан хурсанд бўлардим.

- Мавсум бошланишига тобора кам вақт қолмоқда. Айтингчи, энди таркиб ҳозирги футболчилар билан шакллантириладими ёки ҳали янги ўйинчилар жалб этиладими?

- Мақсадим - биринчи навбатда ўтган йилги таркибни сақлаб қолиб, уларнинг сафига яна 3-4 нафар янги футболчилар ва ёшларимиз билан жамоани имконқадар мукаммалаштириш. Яширмайман, кўз остимга олиб қўйган янги футболчилар бор. Аммо уларнинг сафимизга қўшилиши борасидаги саволга жавоб беришга ҳали вақт бор. Бу борада клуб раҳбарияти қарор қабул қилади.

МУРАББИЙЛАР ШТАБИ

- Ёрдамчингиз Владимир Андреев жамоани тарк этди. Энди мураббийлар штаби қандай кўриниш олади?

- Менга ҳозирда ёрдамчим Игорь Ремнёв ва дарвозабонлар мураббийи Алишер Латиповлар ёрдам беришмоқда. Клуб раҳбариятига мурожаат этиб, жисмоний тайёргарлик бўйича мутахасис лозимлиги таклифини киритганман. Жамоамиз ёшлар мураббийи бўлиб эса яна бир маҳаллий мутахасис – Камо Газаров фаолият бошлади. Ушбу мураббийлар билан бирга ишлаймиз.

РЕЖАЛАР

- Навбатдаги йиғин қачон бошланади? Жамоанинг кейинги режалари қандай?

- 2 февралдан бошлаб Самарқанддаги қароргоҳимизда учинчи йиғинга киришдик. Бир ҳафта давом этадиган ушбу йиғинда асосий эътибор ташкилий масалаларга қаратилади. Хусусан, бир қатор футболчиларимиз билан шартнома имзолаймиз. Таркиб борасида аниқликлар киритамиз. Февраль ойининг иккинчи ўн кунлигидан бошлаб эса яна Тошкентда йиғин бошлаб, ПФЛ Кубоги ва назорат баҳслари орқали сўнгги тайёргарлик ишларини олиб борамиз. Март ойи бошида, чемпионат бошланишидан бир ҳафта олдин эса Навоий ёки Бухорода маҳаллий жамоалардан бири билан ўртоқлик учрашуви ўтказишни ўйлаб турибмиз. Бу дастлабки тур - Қаршидаги «Насаф» билан ўйиндан олдин сўнгги тайёргарлигимиз бўлади.

Усмон ИБОДОВ суҳбатлашди.

Ўқилди (марта): 1974. Киритилган сана: 2014-02-04 00:00:00.

Навбатдаги ўйин

Про-лига 2020
«Динамо»
«Динамо» стадиони
Про-лига

Фото-галерея

Динамо - АГМК - 1-0. / 2019, 8-тур
Динамо - 2015
Сурхон - Динамо 1:0 / Суперлига-2019, 2-тур.
Матбуот анжумани

Сўровнома

ҲОЗИРЧА СЎРОВНОМА ЎТКАЗИЛМАЯПТИ.
Сўровномалар архиви

Хабарлар лентаси

26.09 Асад Дўрмонов: «Самарқанддаги ғалаба «Нефтчи» учун ҳозирча мавсумдаги энг муҳими бўлди»
26.09 «Динамо» минимал ҳисобда «Нефтчи»га мағлуб бўлди
24.09 «Динамо» - «Нефтчи»: 58 йиллик рақибларнинг 47-тўқнашувида ким устун келади?
18.09 «Динамо» Ғузорда аламли тарзда ғалабани қўлдан чиқарди
15.09 Сергей Лушчан: «Стандарт вазиятлар «Динамо»нинг устунликларидан бири, бундан фойдаланишимиз шарт эди»
14.09 Муҳим баҳсда «Динамо» «Турон»ни мағлуб этди
06.09 Шохруҳ Абдураҳмоновнинг дубли Ўзбекистон ёшлар жамоасига «Сурхон» устидан йирик ғалабани келтирди
04.09 Сергей Лушан: «Динамо»да Месси ёки Роналду каби юлдузлар йўқ, лекин меҳнаткаш жамоа бор»
04.09 Пенальти ва четлатишга қарамай, «Динамо» Тошкентдан очко билан қайтди
03.09 «Динамо» «Зомин» устидан йирик ҳисобда ғалаба қозонди

Видео

UFF.UZ веб-студиясида яратилди.
© 2020. fcdinamo.uz
Барча ҳуқуқлар ҳимояланган.
Сайтдан маълумотлар олинганда fcdinamo.uz манзили манба сифатида кўрсатилиши шарт.