«ДИНАМО» - «НАСАФ» - 1:3

Рукн: Янгиликлар » Про-Лига

Турнинг энг шиддатли ўйинларидан бири Самарқандда бўлиб, қизиқарли кечган учрашувда «Динамо» «Насаф»га имкониятни бой берди.

Учрашув меҳмонлар ҳужумлари остида бошланди. Натижада ўйиннинг 6-дақиқасида қанотдан уюштирилган ҳужум натижасида Азамат Алланиёзов ҳисобни очди, 0:1.

Навбатдаги голни мухлислар бир соатдан зиёдроқ кутишди. Ниҳоят, ўйиннинг 69-дақиқасида чамаси 30 метрлардан белгиланган жарима тўпини Санъат Шихов тўппа-тўғри дарвозага жойлаб қўйди, 1:1.

Голдан кейин ҳар икки томон ҳам ғалабани ўз томонига оғдириш учун ҳужумларга берилиб кетди. Натижада 79-дақиқада Артур Геворкян қарши ҳужумда ўз қанотидан ажойиб тўп оширишни амалга ошириб, Шомуродовнинг бош билан ҳисобни ўзгартиришини таъминлаб берди, 1:2.

Бу ҳисоб майдон эгаларини қониқтирмасди. Шу боис Равшан Ҳайдаров шогирдлари ҳужумкорликни тўхтатишмади. Қизиғи, 85-дақиқада қаршилик футболчилар қарши ҳужум уюштираётган бир пайтда қанот ҳаками ўз байроқчасини кўтарди ва бунга ишониб «динамочилар»нинг ҳимоячилари ҳамда дарвозабони Зоҳид Абдуллаевга умуман қаршилик кўрсатишмади. Натижада оҳиста зарба йўллаган Абдуллаев фақатгина бош ҳакам Олим Толибжоновга қараб, жамоасининг учинчи голини киритганлигини тушунди, 1:3. Бу эса мезбон футболчиларининг ҳакамлар қарорига кескин муносабатда бўлишига сабаб бўлди. Аммо, энди эътироз билдиришдан фойда йўқ эди. Ҳакамлар ўзаро тушунмай, қарорни қабул қилиб бўлишганди.

Олий лига. 16-тур. 17 август (шанба)

Самарқанд, 8256 томошабин.

«Динамо» - «Насаф» - 1:3

Ҳакамлар: О.Толибжонов (Тошкент), М.Мажидов (Наманган), Р.Фозилов (Наманган), В.Нажафалиев (Тошкент)

Назоратчи: Р.Серазетдинов (Тошкент)

Голлар: Cанъат Шихов, 69 – Азамат Алланиёзов 6, Илҳом Шомуродов 79, Зоҳид Абдуллаев 85.

«Динамо»: А.Мелничук, И.Маматказин, А.Бозоров (А.Набиев, 82), А.Холмуродов, А.Агалиев, А.Саматов, И.Магдиев (К.Шарофутдинов, 57), А.Бобожонов, С.Шихов, С.Сайфиев (О.Тайлоқов, 90+2), Т.Мирзаев.

«Насаф»: Э.Суюнов, М.Каримов, Б.Қораев, И.Шомуродов (Ф.Сайфиев, 89), Ҳ.Каримов, А.Геворкян, Э.Бойдуллаев, И.Юнусов, Ш.Муҳаммадиев, С.Шодмонов (Ш.Гадоев, 52), А.Алланиёзов (З.Абдуллаев, 80).

Огоҳлантиришлар: А.Мельничук (86), Т.Мирзаев (90+5) – И.Шомуродов (42), А.Бобожонов (72).

Энг яхши ўйинчилар: С.Шихов – А.Геворкян