МУРАББИЙЛАР ҚАНДАЙ ФИКРДА?

Рукн: Янгиликлар » Про-Лига

«Нефтчи» - «Динамо» (1:0) учрашувидан сўнг, ҳар икки жамоа бош мураббийлари ўйиндан кейинги фикрлари билан ўртоқлашишди.

Камо Газаров, «Динамо» бош мураббийи:

- «Бугунги ғалаба билан «Нефтчи» жамоасини табриклайман. «Нефтчи» ўйин давомида кўплаб имкониятларни юзага келтирди ва уларнинг биридан унумли фойдаланиб қолди. Жамоамиз ҳақида тўхталадиган бўлсам, жамоамиз таркибига келиб қўшилган футболчилар ҳали тўла киришиб кета олишгани йўқ. Навбатдаги ўйинларда ўзимизни кўрсатишга ҳаракат қиламиз».

Юрий Саркисян, «Нефтчи» бош мураббийи:

- «Жамоамиз ҳар бир учрашувда фақат ва фақат ғалаба учун майдонга тушади ва бугунги ўйин ҳам бундан мустасно бўлгани йўқ. Ғалабани қўлга киритдик. Фарғона аҳолини янги мавсум бошлангани ва шу мавсумни мана шундай ғалаба билан бошлаганимиз билан табриклайман».

Манба: www.pfl.uz