21 январь кунидан буён Тошкентда йиғин ўтказаётган «Динамо» жамоасида бир қатор футболчилар мураббийлар кўригидан ўтишмоқда.
Жумладан, ўтган мавсум «Пахтакор» билан чемпионликни қўлга киритган ҳимоячи Александр Клецков ҳозирда жамоа машғулотларида иштирок этмоқда. Шунингдек, Тўлқин Мирзаев, Азамат Мамажонов сингари футболчиларни ҳам мураббийлар синовдан ўтказишмоқда. Яна бир янги футболчи бу Юрий Мерхелдир. Белоруссиялик ушбу тажрибали ҳужумчи 2012 йилда Белорусь биринчи лигасининг тўпурарига айланган.
Дарвоқе, ўтган мавсумда жамоамизда муносиб тўп сурган украиналик дарвозабон Андрей Мельничук ва Андрей Ерохин ҳам жамоа билан бирга.
Кўрикдаги янги футболчиларнинг жамоада қолиш-қолмаслиги мураббийлар кўригидан сўнг маълум бўлади. |