ЗИЯЕВНИНГ «ХЕТ-ТРИК»И ЁШЛАРИМИЗГА ҒАЛАБА КЕЛТИРДИ

Рукн: Янгиликлар » Про-Лига

Шанба куни Жомбой туманидаги стадионда «Динамо» ва «Машъал» ўринбосарлар жамоаларининг Ёшлар лигаси доирасидаги учрашуви ўтказилди.

24-тур доирасидан ўрин олган баҳсда турнир жавдалида учинчи ўринни эгаллаб турган Муборакнинг «Машъал» жамоаси ёшлари Самарқандда меҳмон бўлишди. Ёмғир остида ўтган шиддатли учрашувда 19 ёшли Санъатилло Зияевнинг уч голи «Динамо» ўринбосарларига муҳим ғалабани келтирди. Воҳаликлар томонидан киритилган ягона гол муаллифи уч йил олдин «Ўзбекистоннинг энг яхши ёш футболчиси» дея топилган Шаҳзод Шайманов номига ёзилди.

Игорь Ремнев қўл остидаги жамоа ҳозирда турнир жадвалининг саккизинчи поғонасини эгаллаб турибди.

22 октябрь, шанба.

«Динамо» – «Машъал» - 3:1.

Жомбой, 54 томошабин.

Ҳакамлар: Р. Копадзе – 8,2, Ш. Комаров – 8,5, С. Хакимов – 8,3, В. Кострикин – 9.

Голлар: С. Зияев (33, 55, 82) – Ш. Шайманов (44).

Огоҳлантиришлар: И. Пардаев (45), М. Локаев (68) – С. Абдуллаев (53).