«ХОРАЗМ» - «ДИНАМО». ПРЕВЬЮ

Рукн: Янгиликлар » Про-Лига

Якуний турнинг қизиқарли баҳсларидан бири Урганчда бўлиб ўтади. Шу куни мухлислар икки кўхна шаҳар Хоразм ва Самарқанд жамоалари қарама-қаршилиги гувоҳига айланишади. Одатимизга биноан, учрашув олдидан жамоаларнинг ўзаро ўйинлари ва бир қатор фактларга назар ташлаймиз.

ЎЙИННИ КОВАЛЕНКО БОШҚАРАДИ

Ўзбекистон Профессионал Футбол Лигасининг «Спорт» бўлими Олий лига жамоалари ўртасида Ўзбекистон миллий чемпионатининг 31 октябрь куни бўлиб ўтадиган сўнгги 26-тур учрашувларига ҳакамлар ва назоратчи ҳакамлар рўйхатини эълон қилди.

Ушбу рўйхатга биноан, 26-турнинг қизиқарли ўйинларидан бири бўлиши кутилаётган «Хоразм» – «Динамо» учрашувини бошқариб бориш ФИФА ҳаками Валентин Коваленкога топширилди.

«Хоразм» (Урганч) – «Динамо» (Самарқанд)

Ҳакамлар: В. Коваленко (Тошкент), Р. Серазетдинов (Тошкент), Л. Закутилин (Навои), Р. Тошмухамедов (Навои)

Назоратчи: С.Эрматов (Тошкент)

«ХОРАЗМ»:

Ушбу учрашув «Хоразм» жамоаси учун деярли ҳеч қандай аҳамият касб этмайди. Яъни, урганчликлар аллақачон Олий лигани тарк этиши лозим бўлган жамоа бўлиб туришибди. Аммо, унутмаслик лозимки «Хоразм» жамоаси минглаб мухлислари қаршисида жорий йилдаги сўнгги ўйинда фақат ғалаба учун тўп суриши аниқ.

«Хоразм» жамоасининг сўнгги беш учрашуви.

21 тур. «Хоразм» – «Нефтчи» – 2:1

22 тур. «Хоразм» – «Машъал» – 1:2

23 тур. «Олмалиқ» – «Хоразм» – 3:1

24 тур. «Хоразм» – «Андижон» – 1:1

25 тур. «Навбаҳор» – «Хоразм» – 4:1

«ДИНАМО»

Самарқанд жамоаси жорий мавсумда ҳам ҳеч бўлмаганда ўтган йилги натижа 10-ўринда қолиши учун бугун ғалаба қозониши керак. Қолаверса, «Динамо» ҳозиргача сафардан ғалаба билан қайтгани йўк, бугунги ғалаба эса бу нохуш анъанани бузиши мумкин. «Оқ-кўк»ларнинг сўнгги бешта учрашувдан бери мағлубиятга учрамаганликларини ҳисобга оладиган бўлсак, Виктор Жалилов шогирдларининг бу баҳсда ҳам очко қўлга киритишларига ишониш мумкин.

«Динамо» жамоасининг сўнгги беш учрашуви.

21 тур. «Динамо» – «Насаф» – 0:0

22 тур. «Локомотив» – «Динамо» – 2:2

23 тур. «Динамо» – «Шўртан» – 1:1

24 тур. «Металлург» – «Динамо» – 0:0

25 тур. «Динамо» – «Пахтакор» – 2:1

ҚИЗИҚАРЛИ ФАКТЛАР…

- Агарда бугун Жаъфар Ирисметов «Хоразм» дарвозасини ишғол этса, 11 йил ўтиб «Динамо» сафида «Хоразм» дарвозасига тўп киритган футболчи бўлади.

- 1997 ва 2000 йилларда «Динамо» сафида ҳаракат қилиб «Хоразм» дарвозасини ишғол этган Ҳамза Жабборов бугунги ўйинда «Динамо» мураббийлари штабидан ўрин олган.

- Шунингдек, 10 йил олдин самарқандликлар сафида тўп суриб, урганчликлар дарвозасига гол киритган Равшан Бозоров ҳам бугун «Динамо» мураббийлар штабидан ўрин олади.

- Эътиборлиси, 2000 йилда, яъни 10 йил олдин «Хоразм» сафида ҳаракат қилган ва «Динамо» дарвозасини ишғол этган Вали Султонов бугун «Хоразм»ни «Динамо»га қарши бош мураббий сифатида олиб тушади.

ЎЗАРО ЎЙИНЛАР ТАРИХИ

«Динамо» ва «Хоразм» жамоалари чемпионат баҳсларида шу кунгача умумий 13 маротаба рўбарў келган бўлиб, бу баҳсларнинг еттитасида самарқандликларнинг қўли баланд келган бўлса, учта баҳсда урганчликлар зафар қучишган. Уч ўйинда эса муроса йўли танланган. Куйида барча учрашувлар натижалари билан танишиб чиқишингиз мумкин.

1996 йил, 30 июнь. 13-тур

«Динамо» - «Динамо-Урганч» - 4:0

Голлар: Ҳамза Жабборов 38, 84, Иззат Файзуллаев 48, 72

Самарқанд, «Динамо» стадиони 3 000 томошабин

18-тур, 24 август

«Динамо-Урганч» - «Динамо» - 0:1

Гол: Дмитрий Роман, 79-пен.

Урганч, 9 000 томошабин.

1997 йил, 19 апрель. 8-тур

«Афросиёб» - «Хоразм» - 4:1

Голлар: Ҳамза Жабборов 21, 37, 62, Олим Тиллаев 81 – В.Баранов 72.

27-тур, 30 сентябрь.

«Хоразм» - «Афросиёб» - 1:0

Гол: А.Голиков, 61

1999 йил, 6 июнь. 13-тур

«Динамо» - «Хоразм» - 5:3

Голлар: Олег Дачев 11, Илҳом Шарипов 50, Сарвар Шарипов 58, Равшан Бозоров 68, Жаъфар Ирисметов 80 – Владимир Баранов 29, 47, Аркадий Чичельницкий 88.

18-тур. 14 август

«Хоразм» - «Динамо» - 1:1

2000 йил, 1 апрель. 4-тур

«Хоразм» - «Динамо» - 1:0

35-тур. 22 сентябр

«Динамо» - «Хоразм» - 3:1

Голлар: Ҳамза Жабборов 28, 35, Темур Облоқулов 32 – Вали Султонов 42.

2006 йил, 1 апрель. 4-тур.

«Динамо» - «Хоразм» - 1:0

Гол: Дилшод Шарофутдинов, 85.

Самарқанд, 8 500 томошабин.

27-тур. 15 октябрь.

«Хоразм» - «Динамо» - 0:4

Голлар: Руфат Исроилов 17, Дилшод Шарофутдинов 42, Баҳодир Насимов 45, Мурод Ҳамроев 56 Хоразм, 500 томошабин.

2009 йил, 22 март. 3-тур

«ДИНАМО» – «ХОРАЗМ» 1:1 (1:0)

Самарқанд. 6256 томошабин.

Ҳакамлар: Я.Нажафалиев – 7,9; С.Петров – 8,8; Х.Мирзааҳмедов – 8,7; Р.Бобомуродов – 9,0

Голлар: И.Юнусов (55) – Ш.Раимжонов (35)

«Динамо»: Олег Горвиц, Марат Ахмеров (Акмал Бозоров, 46), Дэвид Ония, Спартак Муртазоев, Эркин Бойдуллаев, Илҳом Юносов, Сергей Токов, Учқун Қобилов (Эвертон, 43), Сирожиддин Сайфиев, Андрей Акопянц, Баҳодир Насимов.

«Хоразм»: Эркин Жаббаров, Шерзод Шарипоов, Абдумажид Тоиров, Рустам Қурбонбоев, Жасур Ҳамроев, Афзал Азизов, Умид Исоқов (Александр Ежов 88), Илёс Хайров (Миржалол Қурбонов 71), Владимир Баранов (Мурод Абдумуротов 62), Шерзод Райимжонов.

Огоҳлантиришлар: А.Бозоров (56), А.Акопянц (84), И.Юнусов (85) – В.Баранов (50), М.Қурбонов (80)

Назоратчи: Е.Казаков.

15 октябрь. 28-тур.

«ХОРАЗМ» - «ДИНАМО» - 3:1 (2:0)

Урганч. 9351 томошабин.

Ҳакамлар: А.Ҳотамов-9,1; Б.Қодиров-8,4; Х.Шодмонов-8,2; Р.Бобомуродов-9,0.

Голлар: А.Бобожонов (21, 47), Р.Қурбонбоев (40) - Д.Ибрагимов (90). «Хоразм»: Ғ.Ҳасанов, Ш.Шарипов, Ф.Холмуродов, А.Тоиров, Р.Қурбонбоев, Ж.Ҳамроев, И.Хайров (М.Қурбонов, 66), А.Бобожонов (З.Холмуродов, 60), Т.Васильев (М.Абдумуротов, 16), В.Баранов, Ш.Раимжонов.

«Динамо»: Т.Ғаниев (А.Парванов, 50), С.Мустафоев, Д.Ония, Э.Бойдуллаев, С.Акрамов (С.Зиеёв, 69), А.Бозоров, У.Абдураҳмонов, Ж.Ибрагимов, Э.Жаҳонов, Ҳ.Раҳмонов (Г.Бабаян, 80), У.Қобилов.

Огоҳлантириш: М.Абдумуродов (42, «Хоразм»).

Назоратчи: А.Попов.

2010 йил, 13 март. 1-тур.

Самарқанд. «Динамо» стадиони 10 112 томошабин.

«ДИНАМО» - «ХОРАЗМ» 1:1 (0:1)

Ҳакамлар: А.Хотамов – 8,8; Ж.Саидов – 8,6; Х.Мирзааҳмедов – 7,4; Х.Рўзиев – 8,0.

Голлар: Жаъфар Ирисметов (48) – Илёс Хаиров (30).

«Динамо»: Темур Ғаниев, Алексей Николаев, Девид Ония, Акмал Бозоров (Дмитрий Краев, 86), Александр Хвостунов, Эркин Бойдуллаев, Илҳом Юнусов, Умид Абдураҳмонов, Сирожиддин Сайфиев (Ислом Аҳмедов, 60), Александр Крикливый (Ҳамдам Раҳмонов, 79), Жаъфар Ирисметов.

«Хоразм»: Ғайрат Ҳасанов, Обид Жўрабоев, Михаил Махвиладзе, Даврон Файзиев, Рустам Қурбонбоев, Маъруф Пўлатов, Илёс Хайров, Мурот Абдумуротов (Эвертон, 68), Зафар Холмуродов (Зафар Полвонов, 61), Рўзим Аҳмедов, Леван Мдивнишвили (Гувончмуҳаммад Овеков, 78).

Огоҳлантиришлар: А.Бозоров (81), Э.Бойдуллаев (88), Т.Ғаниев (90+3), А.Хвостунов (90+4) – М.Абдумуродов (63), Р.Аҳмедов (90+4).

Назоратчи: А.Абдуллаев.

«Динамо» клуби Матбуот хизмати.