«ДИНАМО» - «НАСАФ». PREVIEW.

Рукн: Янгиликлар » Про-Лига

Ушбу турдаги Самарқанд ва Қашқадарё вилояти бош жамоалари ўртасидаги қарама-қаршилик ҳар сафардагидек мухлису-мутахасисларда катта қизиқиш уйғотган. Келинг, Самарқанд ва Қарши жамоалари баҳси олдидан ушбу ўйин атрофидаги фактлар, муҳокама-ю, таҳлил ҳамда жамоаларнинг ўзаро ўйинлари тарихига назар ташлаймиз.

Самарқанддаги ўйинда очко ҳар икки жамоа учун сув ва ҳаводек зарур. Яъни, ғалаба «Динамо»ни турнир жадвалидаги «пастлик»дан бироз узоқлаштирса, «Насаф»ни совринли ўринлар учун имкониятларини оширади. Қолаверса, ушбу баҳс «Динамо»нинг янги бош мураббийи Виктор Жалилов бошқарувидаги илк ўйин бўлади. Бу борада мураббий ҳам дебют ўйинини муваффақиятли бошлашга катта иштиёқманд бўлиши аниқ. Украиналик таниқли мураббий Анатолий Демьяненко ҳам сафардаги илк очкосини қўлга киритишга бел боғлаган бўлиши аниқ. Шундай экан, шанба куни соат 16:00да «Динамо» марказий ўйингоҳида бизни жуда қизиқарли ўйин кутиб турганлигига шубҳа йўқ.

«ДИНАМО» - «НАСАФ» УЧРАШУВИНИ СЕРАЗЕТДИНОВ БОШҚАРАДИ

Ўзбекистон Профессионал Футбол Лигасининг «Спорт» бўлими Олий лига жамоалари ўртасида Ўзбекистон миллий чемпионатининг 25 сентябрь куни бўлиб ўтадиган 21-тур учрашувларига ҳакамлар ва назоратчи ҳакамлар рўйхатини эълон қилди.

Ушбу рўйхатга биноан, 21-турнинг қизиқарли ўйинларидан бири бўлиши кутилаётган «Динамо» – «Насаф» учрашувини бошқариб бориш пойтахтлик ҳакам Виктор Серазетдиновга топширилди.

«Динамо» (Самарқанд) – «Насаф» (Қарши)

Ҳакамлар: В. Серазетдинов (Тошкент), Х. Шодмонов (Бухоро), М. Шарипов (Бухоро), Р. Бобомуродов (Навои).

Назоратчи: А. Арутюнов (Тошкент).

ТАХМИНИЙ ТАРКИБЛАР

«Динамо»нинг тахминий таркиби:

Дарвозабон: Денис Романенко.

Ҳимоячилар: Акмал Бозоров, Девид Ония, Учқун Қобилов, Алексей Николаев

Ярим ҳимоячилар: Эркин Бойдуллаев, Илҳом Юнусов, Сирож Сайфиев, Умед Абдураҳмонов,

Ҳужумчи: Александр Крикливий, Жаъфар Ирисметов.

Заҳирадан майдонга тушиши мумкин бўлган футболчилар: Тимур Ғаниев, Омаджон Тайлоқов, Игорь Солтанич, Сергей Доценко, Турғун Қобилов, Дмитрий Краев, Ҳамдам Раҳмонов.

«Насаф»нинг тахминий таркиби::

Дарвозабон: Мурод Зуҳуров

Ҳимоячилар: Жаҳонгир Жиямуродов, Артем Филипосян, Хайрулло Каримов, Мақсуд Каримов.

Ярим ҳимоячилар: Лутфулло Тўраев, Ивелия Дорде, Самандар Шодмонов, Шавкат Саломов.

Ҳужумчилар: Камолиддин Мурзоев, Анвар Солиев.

Заҳирадан майдонга тушиши мумкин бўлган футболчилар: Михаил Наумов, Ботир Қораев, Николай Минчев, Андрей Яковлев, Дидар Ҳожиев, Баҳодир Муртазоев, Кенжа Тўраев, Зафар Холмуродов, Илҳом Шомуродов, Сергей Крот.

Қизиқарли фактлар…

- Мана, 7 йилдирки «Насаф» Самарқанддан ғалаба билан қайта олмаяпти.

- «Динамо»-«Насаф» учрашувларининг тўпурари бу 2008 йилги мавсумда «Динамо» сафида тўп сурган ҳозирда эса «Насаф»да ҳаракат қилаётган Зафар Холмуродовдир. «Зоф» лақабли «Насаф» тўпурари ўзаро ўйинларда «Динамо» дарвозасини 10 маротаба ишғол этган.

- «Динамо» иккинчи даврада ҳозирча бирорта ҳам ғалабага эришмаган.

- «Насаф» иккинчи даврадаги ҳали сафардаги бирор учрашувда ғалаба қозона олмаган. Қаршиликлар дуранг ҳам қайд эта олишмаган.

УЧРАШУВЛАР ТАРИХИ

Ушбу клубларнинг ўзаро ўйинлари тарихига назар соларканмиз, «Динамо» «Насаф» жамоаси учун ноқулай рақиб бўлганлигини билиб оламиз.

Ушбу клубларнинг учрашувлар тарихи 1997 йилдан бошланган. Яъни, “Насаф” жамоаси айнан шу йили ташкил этилган. Жамоалар шу кунгача 25 маротаба ўзаро учрашишган. Ўйинларнинг 11 тасида “Насаф”нинг қўли баланд келган, 6 тасида эса “Динамо” ғалаба қозонган. 8 маротаба ўйинларда муроса кўчаси танланиб, дуранг қайд этилган. Тўплар нисбати 31-28 қаршиликлар фойдасига. Келинг, баҳс олдидан қўшни вилоят жамоаларининг ўзаро ўтказган барча ўйинларига назар ташлаймиз.

1997. I - давра

«НАСАФ» - «АФРОСИЁБ» - 1:1

Голлар: Зафар Холмуродов – Хамза Жабборов

II - давра

«АФРОСИЁБ» – «НАСАФ» - 1:3

Голлар: Тимофеев – Давлатов (2 та), Саидов.

* * *

1999

I - давра

«САМАРҚАНД» – «НАСАФ» – 1:1

Голлар: Газаров 11 пен - Поддубнй 17 пен

II – давра

«НАСАФ» – «САМАРҚАНД» – 3:3

Голлар: Умед Абдураҳмонов, Шуҳрат Жабборов (2 та).

* * *

2000. I-давра

«ДИНАМО-С» – «НАСАФ» – 4:0

Голлар: Қобил Алиқулов 15, Муҳсин Муҳамадиев 17 пен, Ойбек Усманхўжаев 74, 87

II - давра

«НАСАФ» - «ДИНАМО-С» – 2:0

Голлар: Абдуллаев 70, Ш. Тошпўлатов 74]

* * *

2001. I-давра

«ДИНАМО-С» – «НАСАФ» – 1:0

Гол: Шухрат Жабборов

II - давра

«НАСАФ» – «ДИНАМО-С» – 2:0

* * *

2002. I - давра

«ДИНАМО-С» – «НАСАФ» 1:1

Голлар: Рафаэль Баласанян – Зафар Холмуродов

II - давра

«НАСАФ» – «ДИНАМО-С» – 1:0

* * *

2003. I - давра

«НАСАФ» – «ДИНАМО-С» - 4:2

II - давра

«ДИНАМО-С» – «НАСАФ» - 1:2

* * *

2004. I - давра

«НАСАФ» – «ДИНАМО-С» – 2:1

Голлар: Дилшод Мавлонов 79, Зафар Холмуродов 87 - Алишер Пўлатов 14.

Қарши. «Насаф» стадиони 8,000 томошабин.

II - давра

«ДИНАМО» – «НАСАФ» - 1:1

Голлар: Сирожиддин Сайфиев 15 - Рўзиқул Бердиев 73.

* * *

2005

I - давра

«ДИНАМО» – «НАСАФ» – 0:0

II - давра

«НАСАФ» – «ДИНАМО» – 3:0

Голлар: Камолиддин Кенжаев 14, Баҳодир Аннаматов 42, Зафар Холмуродов 52.

Қарши. «Насаф» стадиони. 7,000 томошабин

* * *

2006. I - давра

«ДИНАМО» – «НАСАФ» - 2:0

Голлар: Руслан Вагапов 87 пен, Александр Ковалёв 90+2

Самарқанд. «Динамо» стадиони . 15,000 томошабин

II - давра

«НАСАФ» – «ДИНАМО» – 1:0

Голлар: Зафар Холмуродов

Қарши. «Насаф» стадиоин. 6,000 томошабин.

* * *

2007. I - давра

«НАСАФ» – «ДИНАМО» – 1:1

Голлар: Зафар Холмуродов 54 - Мурод Ҳамроев 57.

Қарши. «Насаф» стадиони 5,000

II - давра

«ДИНАМО» – «НАСАФ» – 2:0

Голлар: Боҳодир Насимов 1, Фарҳод Тожиев 56

Самарқанд. “Олимпия” стадиони 7,800 томошабин.

* * *

2008. I – давра. 1-тур

«НАСАФ» – «ДИНАМО» – 1:0

Гол: Зафар Холмуродов 19

II – давра. 30-тур

«ДИНАМО» - «НАСАФ» - 3:0 (1:0)

Самарқанд. 5013 томошабин.

Ҳакамлар: А.Петров - 9,0; Х.Мирзаахмедов - 9,4; И.Худойдатов - 9,4; Н.Мешков - 9,0

Голлар: Б.Насимов (40), Ш.Зайниев (61), И.Қурбонов (80)

«Динамо»: О.Горвиц, О.Бердиев, Д.Файзиев, М.Ахмеров(Ш.Зайниев 46), А.Бозоров А.Бердиев(С.Абдуллаев 63), Л.Кошелев, Д.Шарофуддинов, Ж.Ҳамроев(Т.Нуриддинов 88), И.Қурбонов, Б.Насимов.

«Насаф»: П.Леус, Я.Крушелницкий, Б.Қораев, Ҳ.Каримов, К.Тўраев, Н.Жўраев, Ш.Йўлдошев, Ж.Бобоев (Б.Муртазоев 62), И.Ильин(К.Каттақулов 88), Ф.Мусаев, С.Мамадалиев (М.Чкадуа 70)

Огоҳлантиришлар: А.Бердиев (20) - Б.Қораев (20), К.Тўраев (71)

Назоратчи: А.Иноятов.

2009 йил, 9-тур.

«ДИНАМО» - «НАСАФ» 0:0

Ҳакамлар: В.Агишев – 7,9; Р.Самандаров – 7,8; О.Жумаев – 8,2; Р.Тошмухамедов – 9,0

«Динамо»: Олег Горвиц, Дэвид Ония, Учқун Қобилов, Сирож Сайфиев, Рафаэл Баласанян (Сергей Токов, 42), Эркин Бойдуллаев, Илҳом Юнусов, Умид Абдураҳмонов, Ҳамдам Раҳмонов (Шерзод Зайниев,68), Александр Диндыков, (Боҳодир Насимов,60), Андрей Акопянц.

«Насаф»: Михаил Наумов, Ботир Қораев, Артём Филипосян, Анатолий Маткеевич, Жаҳонгир Жиямуродов, Лутфулла Тўраев, Ҳамза Каримов, Владимир Старецкий (Самандар Шодмонов,52), Жасур Бобоев, Олег Мельник (Рустам Қодиров,77), Камолиддин Мурзоев (Кенжа Тўраев, 67).

Огоҳлантиришлар: Р.Баласанян (23), У.Абдурахмонов (73), О.Горвиц (87), Б.Насимов (90+4) – В.Старецкий (38), К.Тўраев (71), Л.Тўраев (76)

Назоратчи: Р.Серазитдинов.

22-тур

Қарши, Марказий ўйингоҳ. 5325 томошабин.

«НАСАФ» - «ДИНАМО» – 0:2

Голлар: Б. Насимов (52), М. Аҳмеров (59).

Ҳакамлар: В. Коваленко (Тошкент) – 9,4, Д. Пислигин (Тошкент) – 9,0, А. Букатин (Тошкент) – 9,0, И. Танташев (Бухоро) - 9.

Амалга оширилмаган пеналти: С. Крот (««НАСАФ»), 80-дақиқа.

«Насаф»: Микола Павленко, Николай Минчев, Мақсуд Каримов, Ботир Қораев, Анатолий Маткевич (Жасур Бобоев, 54), Жаҳонгир Жиямуродов, Илҳом Шомуродов (Баҳодир Парадев, 84), Лутфулла Тўраев, Ҳамза Каримов, (Рустам Қодиров, 46), Артём Филипосян, Сергей Крот.

«Динамо»: Темур Ғаниев, Дэвид Ония, Учқун Қобилов, Александр Хвостунов, Салим Мустафоев, Эркин Бойдуллаев, Илхом Юнусов (Евгений Дудиков, 87), Умид Абдураҳмонов, Андрей Акопянц (Марат Ахмеров, 56), Сирожиддин Сайфиев, Баҳодир Насимов (Олег Мозговой, 76),

Огоҳлантиришлар: М. Каримов (47), К. Тураев (88) – У. Кобилов (66), У. Абдурахманов (79).

Назоратчи: А. Арутюнов (Тошкент).

2010 йил, 6-тур. 1 июнь (сешанба)

«НАСАФ» – «ДИНАМО» – 2:1.

Қарши, «Марказий» стадиони 8320 томошабин

Ҳакамлар: В. Агишев (Тошкент) – 8,5, В. Шашков (Тошкент) – 8,8, С. Петров (Тошкент) – 8,3, И. Танташев (Бухоро) - 9.

«Насаф»: Д.Козаченко, М.Каримов, Б.Қораев, Ж.Жиямуродов, К.Тўраев, Л.Тўраев, Ҳ.Каримов, А.Филипосян, С.Шодмонов (Ж.Бобоев, 50), С.Крот (К.Мурзаев, 80), Б.Қодирқулов (Б.Муртазоев, 69).

«Динамо»: Д.Романенко, Д.Ония, Э.Бойдуллаев, А.Даниленко, А.Бозоров, И.Юнусов, У.Абдураҳмонов, Ж.Ирисметов (Ҳ.Раҳмонов, 72), Д.Краев (А.Крикливий, 32), У.Қобилов, С.Сайфиев.

Голлар: Ҳ. Каримов (6), С. Крот (22) – А. Крикливый (45+1).

Огоҳлантиришлар: С.Шодмонов (19), Д.Козаченко (87) – А.Даниленко (28), У.Қобилов (42), У.Абдураҳмонов (75), Х.Раҳмонов (86), Д.Ония (90+2).

Назоратчи: Р.Нуримов.

Энг яхши ўйинчилар: С. Крот – А. Крикливый.