АЗАМАТ АБДУРАИМОВ: «БИТТА ХАТО ҒАЛАБАДАН МАҲРУМ ЭТДИ»

Рукн: Янгиликлар » Про-Лига

Учрашувдан кейин ҳар икки жамоа бош мураббийлари журналистлар саволларига жавоб қайтаришди. Меҳмонлар мураббийидан сўнг, «Динамо» бош мураббийи ўйин ҳақида фикрлашди.

Азамат Абдураимов («Динамо» бош мураббийи):

- «Машъал» жамоаси иккинчи давра олдидан ўз таркибини анча кучайтириб олганлигини билардик. Жамоа ўйини ҳам анча шаклланган. Биз учрашувда фақат ғалабани кўзлагандик ва бунга яқин тургандик. Чунки, ўйин давомида устунликка эга бўлдик, мувозанатни ўзимизда сақлаб турдик. Биринчи таймда гол киритилгач, мен танаффус пайтида шогирдларимга ҳали ғалаба қозонмаганлигимизни, яна гол уришимиз кераклигини таъкидлагандим. Бироқ, биз иккинчи бўлим ўрталарида қўпол хатога йўл қўйдик ва бунинг оқибатида жуда қаттиқ жазоландик. Ғалаба ўз қўлимизда эди. Шундан кейин ҳам вазиятлардан фойдаланишимиз керак эди. Энди бизни Олмалиқда жуда оғир ўйин кутиб турибди. Қолаверса, водий жамоаларига қарши баҳслар кетма-кетлигида майдонга тушамиз. Бу ўйинларга тайёргарликни эртадан бошлаб юборамиз.