Ўтган ўйин

Про-Лига-2018. 36-ТУР
19.11.2018
«Норин»
«Динамо» стадиони
3:1

ПРО-ЛИГА - 2018

Жамоа Ў Т-Н О
1 Андижон 32 57-29 63
2 Машъал 32 54-27 63
3 Истиқлол 32 52-33 57
4 Сурхон 32 62-36 53
5 Динамо 32 42-26 52
6 Шўртан 32 33-45 37
7 Хоразм 32 51-70 33
8 Норин 32 24-61 21
9 Орол 32 30-78 20

ПРО-ЛИГА - 2018

36-тур Машъал 4-1 Андижон
36-тур Истиқлол 3-0 Орол
36-тур Хоразм 0-0 Шўртан
36-тур Динамо 3-1 Норин
35-тур Шўртан 3-2 Сурхон
35-тур Норин 1-3 Машъал
35-тур Андижон 2-1 Истиқлол
35-тур Орол 1-3 Хоразм

Тугилган кунлар

Янгиликлар » Про-Лига

АЖОЙИБ ГОЛЛАР «ДИНАМО»ГА ИЛК ҒАЛАБАНИ КЕЛТИРДИ

Рукн: Янгиликлар » Про-Лига

Турнинг қизиқарли ва кескин курашларга бой ўтган ўйинларидан бири Самарқандда бўлиб ўтди. Шу куни Азамат Абдураимов шогирдлари пойтахтнинг «Локомотив» жамоасини қабул қилишди.

Ҳали чемпионатда ғалаба нима эканлигини билмай келаётган кўҳна шаҳар чарм тўп усталари «Локомотив»га қарши ўйинда фақат ғалаба қозонишни мақсад қилишганди. «Локо» футболчилари ҳам ўтган турда мағлубиятга учраганликлари учун Самарқанддан очко билан қайтишни режалаштирганликлари маълум эди. Қизиғи, шу куни «Локомотив» жамоасини Ўзбекистон миллий терма жамоаси бош мураббийи лавозимига сайланган Вадим Абрамов майдонга туширди.

Ўйиндаги илк голли вазият 6-дақиқада майдон эгалари томонидан содир этилди. Кучли зарба соҳиби Эркин Бойдуллаевнинг чамаси 30 метрлардан йўллаган зарбаси Филимонов қўриқлаган дарвозадан бироз баланд ўтиб кетди. 14-дақиқада эса, Дилшод Жабборов самарқандликлар посбонини кучли зарба билан синовдан ўтказди.

Биринчи бўлимнинг ярми ўтгач, жамоалар «разведка» ишларини тугатишди ва навбати билан ҳужумлар уюштиришга ўтишди. Азамат Абдураимов шогирдлари асосан ўнг қанотдан ҳужумларга урғу беришган бўлса, Вадим Абрамов шогирдлари марказдан ҳужумлар ташкил этиб туришди. 27-дақиқада ёш Турғун Қобилов майдон марказидан ўнг қанотдаги Сирож Сайфиевга чиройли тўп оширишни амалга оширди ва ўз навбатида Сайфиев ҳам жарима майдонига кириб бораётган Александр Крикливийни тўп билан таъминлади. Аммо, украиналик ҳужумчининг бош билан берган зарбаси россиялик дарвозабон қўриқлаётган дарвозадан сантиметрлар ноаниқ кетди. Орадан беш дақиқа ўтиб, яна Сайфиев Крикливийни қулай имкониятга олиб чиқди, бироқ бу сафар ҳам Александрдан омад юз ўгирди. Деярли тенгкурашлар остида якунланган дастлабки бўлим, ҳисобда ҳам ўз аксини топди.

Ўйиннинг иккинчи қисмида ҳар икки жамоа таркибида ўзгаришлар бўлиши тайин эди. Азамат Абдураимов иккинчи бўлимнинг бошидан ёш футболчилар Салим Мустафоев ва жорий йилдаги илк ўйинини ўтказган Турғун Қобиловлар ўрнига тажрибали Илҳом Юнусов ва Жаъфар Ирисметовларни майдонга туширди. Вадим Абрамов эса, Евгений Гоголь ва Дилшод Жабборов ўрнига Александр Токов ва Янис Мандзукасларни ўйинга туширди. Айнан ушбу ўзгаришлар ўйинда катта бурилиш ясади. Заҳирадан фойдаланиш борасида Абдураимовнинг қарори ўзини тўла оқлаган бўлса, Абрамов туширган футболчилар «темирйўлчилар» ўйинига деярли таъсир этмади.

Қарийб бир ой майдонга тушмаган Илҳом ва Жаъфарнинг майдонга туширилиши «Динамо» ҳужумкорлигини оширди ва қатор ҳужумлардан голнинг «ҳиди» келаётган эди, гўё.

Ниҳоят, учрашувнинг 56-дақиқасида «Динамо» стадиони ларзага келди. Тўпни майдон марказида эгаллаган Крикливый жарима майдони сари интилаётган Ирисметовни тўп билан таъминлади, Жаъфар эса ҳаволатиб йўлланган ажойиб зарбаси билан тўпни собиқ жамоадоши Филимонов устидан дарвозага жойлади. 1:0

Голдан кейин тошкентликлар дарҳол ҳужумга ўтишди ва Ненад Петрович томонидан йўлланган зарба жорий йилдаги илк ўйинини ўтказган тажрибали дарвозабон Романенко томонидан бартараф этилди.

Ўйинда фаол бўлган Сирож Сайфиев 67-дақиқада Жаъфар Ирисметовни деярли яккама-якка вазиятга олиб чиқди, бироқ бу вазиятда тажрибали форвардга омад етишмади. Тўп дарвоза ёнгинасидан ўтиб кетди. 73-дақиқада яна Сирож Сайфиев жарима майдонига кириш арафасида меҳмонлар ҳимоячиси томонидан қоидага хилоф равишда тўхтатилди. Тўпга яқинлашган Алексей Николаев ажойиб жарима зарбаси билан «Динамо»даги илк голини киритди. 2:0.

Ушбу голдан кейин майдон эгалари ҳужумкорликни янада оширишди ва қатор голли вазиятлар юзага келтирмасинлар учинчи тўп «Локомотив» дарвозасидан ўрин олмади.

Тошкентликларда ҳам ҳисобни қисқартириш учун вазиятлар юзага келди. Хусусан, 75-дақиқада Жавлон Ибрагимов жарима майдони ташқарисида «Динамо» дарвозасининг устунини нишонга олди. 79-дақиқада ҳам қарши ҳужумда яхши ҳаракат қилган пойтахтликлар Латиф Абдуқодировнинг берган зарбасидан кейин ҳисобни қисқартиришлари мумкин эди, аммо бу вазиятда ҳам молдовиялик дарвозабон Денис Романенко дарвоза дахлсизлигини сақлади. Зарба бериш арафасида ҳимоячи билан тўқнашиб кетган Абдуқодиров эса майдонга қайта олмади ва заҳира имкониятларидан фойдаланиб бўлгани учун «темирйўлчилар» ўйин сўнгигача 10 киши бўлиб ўйнашга мажбур бўлдилар. Бу эса, «Локомотив»нинг деярли таслим этилганлигини билдирарди. Бешинчи турга келиб «Динамо» мухлислари қаршисида мавсумдаги илк ғалабасини қўлга киритиб, ўз ҳисобига зарур бўлган уч очкони ёзиб қўйди. 

 

Самарқанд, «Динамо» стадиони 8 537 томошабин.

«Динамо» - «Локомотив» - 2:0 (2:0)

Голлар: Жаъфар Ирисметов 56, Алексей Николаев 73.

Ҳакамлар: С.Зайлобиддинов (Фарғона) -7,3, Б.Норсафаров (Қарши) – 7,8, Н.Тошматов (Фарғона) – 7,4, И.Ибрагимов (Нукус) – 9,0

«Динамо»: Д.Романенко, Д.Ония, А.Хвостунов, А.Бозоров, С.Мустафоев (И.Юнусов, 46), А.Николаев, Э.Бойдуллаев, Т.Қобилов (Ж.Ирисметов, 46), С.Сайфиев, У.Абдураҳмонов, А.Крикливий (У.Қобилов, 68).

«Локомотив»: А.Филимонов, Е.Гоголь (А.Токов, 46), В.Почуев, Б.Йўлдошев, К.Махарадзе, Н.Петрович, Л.Абдуқодиров, Д.Жабборов (Я.Манзукас, 46), Ж.Ибрагимов, А.Восканян, Ф.Усмонов (О.Новкаров, 63).

Огоҳлантиришлар: Д. Романенко (12), У. Абдураҳмонов (67) – А. Филимонов (44), Ж. Ибрагимов (59), В. Почуев (70), Н. Петрович (87).

Ўқилди (марта): 1614. Киритилган сана: 2010-04-19 09:07:08.

Навбатдаги ўйин

Про-Лига-2018. 36-ТУР
19.11.2018
«Динамо»
«Динамо» стадиони
мавсум якунланди

Фото-галерея

Dinamo - Xujand 2:2 / 2018 yil 20 aprel
Футболчилар
Николай Чипев
Ислом Шарипов, 2016, сентябрь

Сўровнома

Сизнингча, «Динамо» жамоасининг 2018 йилги мавсумдаги энг яхши футболчиси ким?
Натижалар
Сўровномалар архиви

Хабарлар лентаси

19.11 «ДИНАМО» МАВСУМНИ FАЛАБА БИЛАН ЯКУНЛАДИ
16.11 УЧРАШУВНИ АСҚАР НАЖАФАЛИЕВ БОШҚАРАДИ
09.11 МУБОРАКДА МАҒЛУБИЯТ
05.11 Даврон Файзиев: “Суперлига йўлланмаси учун охиригача курашамиз”
04.11 “ДИНАМО”ДАН МУҲИМ ҒАЛАБА
03.11 “Динамо” – “Истиқлол” учрашувидан олдин “Сирож биз сен билан” акцияси ўтказилади
03.11 Илк марта! “Спорт ТВ” “Динамо” – “Истиқлол” учрашувини “жонли эфир”да намойиш этади
29.10 «ДИНАМО» УРГАНЧДАН ҒАЛАБА БИЛАН ҚАЙТДИ
23.10 Даврон Файзиев: «Сурхон»ни мағлуб этишимиз шарт эди»
22.10 МУҲИМ ҒАЛАБА: «ДИНАМО» - «СУРХОН» - 1:0

Видео

UFF.UZ веб-студиясида яратилди.
© 2018. fcdinamo.uz
Барча ҳуқуқлар ҳимояланган.
Сайтдан маълумотлар олинганда fcdinamo.uz манзили манба сифатида кўрсатилиши шарт.