Ўтган ўйин

Про-Лига-2018. 36-ТУР
19.11.2018
«Норин»
«Динамо» стадиони
3:1

ПРО-ЛИГА - 2018

Жамоа Ў Т-Н О
1 Андижон 32 57-29 63
2 Машъал 32 54-27 63
3 Истиқлол 32 52-33 57
4 Сурхон 32 62-36 53
5 Динамо 32 42-26 52
6 Шўртан 32 33-45 37
7 Хоразм 32 51-70 33
8 Норин 32 24-61 21
9 Орол 32 30-78 20

ПРО-ЛИГА - 2018

36-тур Машъал 4-1 Андижон
36-тур Истиқлол 3-0 Орол
36-тур Хоразм 0-0 Шўртан
36-тур Динамо 3-1 Норин
35-тур Шўртан 3-2 Сурхон
35-тур Норин 1-3 Машъал
35-тур Андижон 2-1 Истиқлол
35-тур Орол 1-3 Хоразм

Тугилган кунлар

Янгиликлар » Про-Лига

УЧИНЧИ ТУРДА ҲАМ ДУРАНГ

Рукн: Янгиликлар » Про-Лига

Ўзбекистон миллий чемпионатининг учинчи туридан ўрин олган «Динамо» ҳамда «Металлург» жамоалари иштирокидаги учрашув етарлича ҳужумкор руҳда ўтган бўлсада, нурсиз дуранг натижаси билан якун топди.

Ўйиндан олдин кўпчилик баҳснинг мезбонлар фойдасига якунланишини тахмин қилаётганди. Зеро, «Металлург» футболчиларидан фарқли ўлароқ, «Динамо» футболчилари ҳали чемпионатда ғалаба нашидасини суришмаганди. Айнан мана шу омил Азамат Абдураимовни ўйинни икки ҳужумчи билан бошлашга ундади ва ўйингоҳда йиғилган мухлислар илк дақиқаларданоқ севимли жамоалари ижросида ҳужумкор футбол гувоҳи бўлишди. Ўйиннинг 3-дақиқасида тажрибали яримҳимоячи Умид Абдураҳмонов тўпни жарима майдонида турган Александр Крикливыйга узатди, аммо украиналик ҳужумчининг зарбаси Маъмур Икромов учун фақатгина «совға» бўлди.

Рустам Мирсодиқов шогирдлари илк ҳужумларини 10-дақиқада юзага келтиришди. Умид Тожимовнинг зарбаси Ғаниев қўриқлаётган дарвозадан бироз баландроқ ўтиб кетди. Бўлимнинг ўрталарига келиб устунлик тўлиқ самарқандликлар томонига ўтди. Азамат Абдураимов шогирдлари кетма-кет беш марта стандарт вазиятларга эга бўлишди. Шундай вазиятлардан бирида Жаъфар Ирисметов жуда қулай имкониятни бой берди. Тажрибали ҳужумчининг берган айёрона зарбаси дарвоза устунига тегиб, меҳмонлар дарвозабони қўлига келиб тушди. 33-дақиқада «Металлург» футболчилари ҳисобни очишлари мумкин эди. Ҳимоячи Алексей Николаевнинг қўпол хатоси оқибатида ҳужумчи Зоҳид Абдуллаев дарвозабон билан яккама-якка ҳолатига чиқиб бориб Ғаниевни алдаб ўтган бўлсада, бўш қолган дарвозани ишғол эта олмади. Ушбу ҳужумдан сўнг дарҳол қарши ҳужумга ўтган самарқандликлар яна бир қулай имкониятни қўлдан бой беришди. Салим Мустафоев чап қанотдан тўпни жарима майдонига етказгач, бош билан чиройли зарба йўллаган Жаъфар Ирисметов гол уриши учун бир баҳя қолди. Кўп ўтмай, энди «Динамо» жарима майдончасида ҳимоячилар пала-партишликка йўл қўйишди ва Шуҳрат Йўлдошевнинг кучли зарбасини мезбонлар посбони жон ҳолатда қайтарди. Мезбонлар биринчи бўлимни ғалаба билан якунлашлари мумкин эди, лекин сўнгги сонияларда жарима майдонига ёриб кирган Жаъфарнинг зарбаси бироз кучсиз чиқди.

Биринчи турда «Хоразм» жамоасига қарши учрашувда бўлгани каби бу ўйинда ҳам динамочилар иккинчи бўлимни ғалабага бўлган катта иштиёқ билан бошлашди. Ўйингоҳда йиғилган мухлислар ҳам жамоани қўллаб қувватлаб, гол талаб қилишаётганди. Иккинчи бўлимнинг илк дақиқаларидан футболчилар катта куч билан олдинга интилишди ва қатор хавфли ҳужумлар юзага кела бошлади. Рақибига катта босим ўтказа бошлаган мезбонлар бирин кетин голли вазиятлар яратишган бўлишсада, «сўнгги нуқта»ни қўядиган футболчи етишмади. Бу оралиғда Ирисметов, Бойдуллаев, Абдураҳмоновларда дарвозани ишғол этиш учун имкониятлар юзага келди, аммо шу куни улардан омад юз ўгирди. Мезбонларни иккинчи бўлимда катта куч билан «ташланишини» Мирсодиқов шогирдлари кутган чоғи, улар қарши ҳужумлардан бахтларини излашди. Гарчи тезкор ҳужумчилар Боян Калевич, Илёс Қурбоновлар ҳужумда қанча фаол бўлишга ҳаракат қилишмасин, иккинчи бўлимда майдонга тушган Учқун Қобилов ва Девид Ониялар ҳимоя қўрғонида мустаҳкам тўп суришди.

 Ўйин якуни сари «Динамо» футболчилари илк ғалабани қўлга киритиш ва ўз мухлисларини қувонтириш мақсадида ҳужумкорликни тўхтатишмади. Мезбонлардан дарвозабон ва ҳимоячи Учқун Қобиловдан ташқари барча футболчилар майдоннинг иккинчи томонига ўтиб Маъмур Икромов дарвозасини ишғол қилишга жон жаҳдлари билан киришишмасин, барибир тўп «Металлург» дарвозасига киришни хоҳламасди… Ҳакам ҳуштаги янграгач, «Металлург» футболчилари хурсанчиликларини яшириб ўтиришмади, минглаб мухлислар эса бу сафар ҳам «Динамо» стадионини кайфиятсиз тарк этишди.

 

3 апрель (шанба). Олий лига. 3-тур. 

Самарқанд, «Динамо» стадиони, 6875 томошабин.

«ДИНАМО»  – «МЕТАЛЛУРГ» – 0:0

Ҳакамлар: Р. Бобомуродов (Навои) – 7,9, В. Шашков (Тошкент) – 8,6, Т. Абдуллаев (Тошкент) – 9,0, З. Қодиров (Навои) - 9.

«Динамо»: Т.Ғаниев, Д.Ония, А.Николаев, А.Хвостунов, С.Мустафоев (У.Қобилов, 46), Э.Бойдуллаев, У.Абдураҳмонов, И.Ахмедов (С.Сайфиев, 52), А.Бозоров (Д.Краев, 81), А.Крикливый, Ж.Ирисметов.

«Металлург»: М.Икромов, О.Исабоев, С.Акбаров, Ҳ.Ҳошимов, Ғ.Ҳалимтоев (И.Қурбонов, 15), У.Тожимов, А.Мўминов, Ш.Йўлдошев, Д.Каримқулов, З.Абдуллаев, Б.Калевич.

Огоҳлантиришлар: А. Крикливый (86), А. Хвостунов (90) – Д. Каримқулов (18), Б. Калевич (74).

Назоратчи: И. Нехочин (Наманган).­­

Ўқилди (марта): 1531. Киритилган сана: 2010-04-06 11:49:21.

Навбатдаги ўйин

Про-Лига-2018. 36-ТУР
19.11.2018
«Динамо»
«Динамо» стадиони
мавсум якунланди

Фото-галерея

Dinamo - Xujand 2:2 / 2018 20 aprel
Амиржон Сафаров. Гол
Динамо-2014. 2-тур. Динамо-Металлург-2:0

Сўровнома

Сизнингча, «Динамо» жамоасининг 2018 йилги мавсумдаги энг яхши футболчиси ким?
Натижалар
Сўровномалар архиви

Хабарлар лентаси

19.11 «ДИНАМО» МАВСУМНИ FАЛАБА БИЛАН ЯКУНЛАДИ
16.11 УЧРАШУВНИ АСҚАР НАЖАФАЛИЕВ БОШҚАРАДИ
09.11 МУБОРАКДА МАҒЛУБИЯТ
05.11 Даврон Файзиев: “Суперлига йўлланмаси учун охиригача курашамиз”
04.11 “ДИНАМО”ДАН МУҲИМ ҒАЛАБА
03.11 “Динамо” – “Истиқлол” учрашувидан олдин “Сирож биз сен билан” акцияси ўтказилади
03.11 Илк марта! “Спорт ТВ” “Динамо” – “Истиқлол” учрашувини “жонли эфир”да намойиш этади
29.10 «ДИНАМО» УРГАНЧДАН ҒАЛАБА БИЛАН ҚАЙТДИ
23.10 Даврон Файзиев: «Сурхон»ни мағлуб этишимиз шарт эди»
22.10 МУҲИМ ҒАЛАБА: «ДИНАМО» - «СУРХОН» - 1:0

Видео

UFF.UZ веб-студиясида яратилди.
© 2018. fcdinamo.uz
Барча ҳуқуқлар ҳимояланган.
Сайтдан маълумотлар олинганда fcdinamo.uz манзили манба сифатида кўрсатилиши шарт.