Ўтган ўйин

Про-Лига-2018. 34-ТУР
08.11.2018
«Машъал»
«Муборак» стадиони
1:0

ПРО-ЛИГА - 2018

Жамоа Ў Т-Н О
1 Андижон 30 54-24 60
2 Машъал 30 47-25 57
3 Истиқлол 30 48-31 54
4 Сурхон 31 60-33 53
5 Динамо 31 39-25 49
6 Шўртан 30 30-43 33
7 Хоразм 30 48-69 29
8 Норин 30 22-55 21
9 Орол 30 29-72 20

ПРО-ЛИГА - 2018

34-тур Орол 0-3 Сурхон
34-тур Хоразм 0-1 Андижон
34-тур Машъал 1-0 Динамо
34-тур Истиқлол 2-0 Норин
33-тур Норин 2-3 Хоразм
33-тур Динамо 1-0 Истиқлол
33-тур Орол 3-0 Шўртан
33-тур Андижон 1-0 Сурхон

Тугилган кунлар

Янгиликлар » Про-Лига

«ДИНАМО» - «ХОРАЗМ» ЎЙИНИДА МУРОСА КЎЧАСИ ТАНЛАНДИ

Рукн: Янгиликлар » Про-Лига

Ниҳоят, мухлисларимиз орзуқиб кутган дамлар ҳам етиб келди. 13-март шанба куни Самарқандда футбол ҳавоси кириб келди. Шу куни пешиндан кейин мухлислар «Динамо» стадиони томон оқиб кела бошлашди.

Деярли мухлислар билан тўлган ўйингоҳда даставвал чемпионатнинг очилиш маросими бўлиб ўтди. Таниқли санъаткорлар Козим Қаюмов, Мардон Мавлоновларнинг дилтортар қўшиқлари остида ўйингоҳ ҳақиқий байрамона кайфиятга кирди.

Соат миллари 15:00га яқин қолгач, майдонда ҳозирда ўзаро принципиал рақиблар ҳисобланаётган «Динамо» ва «Хоразм» футболчилари тушиб келишди.

Ўйин олдидан сўзга чиққан Самарқанд вилояти ҳокими Ўктам Барноев Самарқандда XIX миллий чемпионатини очиқ деб эълон қилди ва мадҳиямиз садолари остида ҳар икки жамоа сардорлари юртимиз байроғини кўтаришди.

Футболчилар эсдалик учун жамоавий расга тушишгач, мухлисларнинг қўллаб қувватлашлари остида ўйинни бошлашди. Ҳар икки жамоа ҳам дастлаб «разведка» ишларини олиб боргач, кейин ҳужумга ўтишни бошлади. Аммо, бўлим ўрталаригача голга тортадиган яққол вазият юзага келмади. Ўйин асосан майдон марказида кечди.

Илк хавфли ҳужумни 25-дақиқада «Хоразм»га қайтган Рўзимбой Аҳмедов юзага келтирди. Икки ҳимоячини ортда қолдирган 23 ёшли ҳужумчи дарвозага кучли зарба берди, унинг зарбасини Темур Ғаниев қийинчилик билан бартараф этди.

Бу орада майдон эгалари ҳам Юнусов ва Бойдуллаевнинг майдон марказидаги устунликлари билан марказдан ҳужумлар уюштириб туришди. Натижада Жаъфар Ирисметов, Илҳом Юнусов, Умид Абдураҳмоновларда ҳам қулай имкониятлар юзага келди.

Ўйиннинг учдан бир қисми ўтаётган бир пайтда «Хоразм» футболчилари бурчакдан стандарт вазиятни амалга ошириш имкониятини қўлга киритишди. Меҳмонлар вакили Илёс Хайров томонидан етказилган тўп кутилмаганда Умид Абдураҳмонов томонидан ўз дарвозасига киритилди. 0:1

Ҳисобда меҳмонлар олдинга чиқиб олишгач, мухлислар кўз ўнгида тўп сураётган самарқандлик футболчилар катта куч билан ҳужумга ўтишди. Бунинг эвазига бир неча дақиқа давомида Азамат Абдураимов шогирдлари хоразмликларни жарима майдонлари ичига «қамаб қўйишди». Бироқ, бўлим сўнгигача кетма-кет амалга оширилган стандарт вазиятлари фақатгина хавфли вазият сифатида эсга қолди.

Танафусда мураббийлардан тўғри кўрсатма олган «оқ-кўклар» ўйиннинг иккинчи қисмини тўлиқ устунлик билан бошлашди. Энди қанотлардан ҳужумлар уюштиришга ўтган динамочилар иккинчи бўлим бошида ниятларига етишишди. Ўйиннинг 48-дақиқасида чап қанотдан етказилган тўпдан кейин Жаъфар Ирисметов «Хоразм» дарвозабони Ғайрат Ҳасанов дарвозасини ишғол этиб ўйингоҳни ларзага келтирди. 1:1

Голдан руҳланган майдон эгалари ҳужумлар билан рақибни кучли босим остида ушлашга ҳаракат қилишди. Аммо, шу куни қарши ҳужумда ҳаракат қилган Вали Султонов шогирдлари бунга йўл қўйишмади. Айнан мана шундай вазиятлардан бирида қарши ҳужумга ўтган урганчликлар тўпни тезкор Рўзим Ахмедовга етказишди. Унинг берган навбатдаги кучли зарбасини Темур Ғаниев катта қийинчилик билан бартараф этиб, жамоаси жонига оро бўлди.

Ўйиннинг бир соати ўтаётган бир паллада меҳмонлар ўз жарима майдонлари яқинида ўйин қоидасини бузишди. Эркин Бойдуллаевнинг берган кучли зарбаси дарвоза тўсинига тегиб майдонни тарк этди.

Ўйин якунигача ҳар икки жамоада ҳам ҳисобни ўзгартириш учун қулай вазиятлар бўлди. Аммо, имкониятлардан фойдаланишда ўйинчиларга аниқлик етишмади. Дуранг натижасидан қониққан меҳмонлар баҳс сўнгигача кўп ҳолларда ўйинни чўзишга ҳаракат қилишди.

Бирични турда анча қизиқарли ва муросасиз кечган ушбу қарама қаршиликда барибир муроса кўчаси танланди ва жамоалар очколарни бўлишиб олишди.

Навбатдаги турда «Динамо» Тошкентда «Пахтакор» меҳмони бўлса, «Хоразм» ўз майдонида Наманганнинг «Навбаҳор» жамоасини синовдан ўтказади.

 

Олий лига. 1-тур

Самарқанд. «Динамо» стадиони 10 112 томошабин.

«ДИНАМО» - «ХОРАЗМ» 1:1 (0:1)

Ҳакамлар: А.Хотамов – 8,8; Ж.Саидов – 8,6; Х.Мирзааҳмедов – 7,4; Х.Рўзиев – 8,0.

Голлар: Жаъфар Ирисметов (48) – Илёс Хаиров (30).

«Динамо»: Темур Ғаниев, Алексей Николаев, Девид Ония, Акмал Бозоров (Дмитрий Краев, 86), Александр Хвостунов, Эркин Бойдуллаев, Илҳом Юнусов, Умид Абдураҳмонов, Сирожиддин Сайфиев (Ислом Аҳмедов, 60), Александр Крикливый (Ҳамдам Раҳмонов, 79), Жаъфар Ирисметов.

«Хоразм»: Ғайрат Ҳасанов, Обид Жўрабоев, Михаил Махвиладзе, Даврон Файзиев, Рустам Қурбонбоев, Маъруф Пўлатов, Илёс Хайров, Мурот Абдумуротов (Эвертон, 68), Зафар Холмуродов (Зафар Полвонов, 61), Рўзим Аҳмедов, Леван Мдивнишвили (Гувончмуҳаммад Овеков, 78).

Огоҳлантиришлар: А.Бозоров (81), Э.Бойдуллаев (88), Т.Ғаниев (90+3), А.Хвостунов (90+4) – М.Абдумуродов (63), Р.Аҳмедов (90+4).

Назоратчи: А.Абдуллаев.

 

Ўқилди (марта): 1809. Киритилган сана: 2010-03-13 17:09:04.

Навбатдаги ўйин

Про-Лига-2018. 36-ТУР
19.11.2018
«Норин»
«Динамо» стадиони
14:30

Фото-галерея

Стадион ва мухлислар
Динамо - Навбахор
Жавохир Кахрамонов
Динамо - Кизилкум

Сўровнома

ҲОЗИРЧА СЎРОВНОМА ЎТКАЗИЛМАЯПТИ.
Сўровномалар архиви

Хабарлар лентаси

09.11 МУБОРАКДА МАҒЛУБИЯТ
05.11 Даврон Файзиев: “Суперлига йўлланмаси учун охиригача курашамиз”
04.11 “ДИНАМО”ДАН МУҲИМ ҒАЛАБА
03.11 “Динамо” – “Истиқлол” учрашувидан олдин “Сирож биз сен билан” акцияси ўтказилади
03.11 Илк марта! “Спорт ТВ” “Динамо” – “Истиқлол” учрашувини “жонли эфир”да намойиш этади
29.10 «ДИНАМО» УРГАНЧДАН ҒАЛАБА БИЛАН ҚАЙТДИ
23.10 Даврон Файзиев: «Сурхон»ни мағлуб этишимиз шарт эди»
22.10 МУҲИМ ҒАЛАБА: «ДИНАМО» - «СУРХОН» - 1:0
21.10 «ДИНАМО» САМАРҚАНД ФУТБОЛ АКАДЕМИЯСИДА «МАСТЕР-КЛАСС» ЎТКАЗДИ
21.10 «ДИНАМО» - «СУРХОН»: 24-ТЎҚНАШУВ КИМГА АТАЛАДИ?

Видео

UFF.UZ веб-студиясида яратилди.
© 2018. fcdinamo.uz
Барча ҳуқуқлар ҳимояланган.
Сайтдан маълумотлар олинганда fcdinamo.uz манзили манба сифатида кўрсатилиши шарт.