Ўтган ўйин

Про-Лига-2018. 36-ТУР
19.11.2018
«Норин»
«Динамо» стадиони
3:1

ПРО-ЛИГА - 2018

Жамоа Ў Т-Н О
1 Андижон 32 57-29 63
2 Машъал 32 54-27 63
3 Истиқлол 32 52-33 57
4 Сурхон 32 62-36 53
5 Динамо 32 42-26 52
6 Шўртан 32 33-45 37
7 Хоразм 32 51-70 33
8 Норин 32 24-61 21
9 Орол 32 30-78 20

ПРО-ЛИГА - 2018

36-тур Машъал 4-1 Андижон
36-тур Истиқлол 3-0 Орол
36-тур Хоразм 0-0 Шўртан
36-тур Динамо 3-1 Норин
35-тур Шўртан 3-2 Сурхон
35-тур Норин 1-3 Машъал
35-тур Андижон 2-1 Истиқлол
35-тур Орол 1-3 Хоразм

Тугилган кунлар

Янгиликлар » Клуб хабарлари

Санжар Баротов: «Динамо»нинг «Андижон»га қарши ўйинлари Суперлига йўлланмаси учун имконият»

Рукн: Янгиликлар » Клуб хабарлари

“Динамо” ҳужумчиси Санжар Баротов Про-Лига доирасидаги ушбу турда Нукусда “Орол” жамоаси дарвозасига иккита гол уриб, Суперлигага чиқиш учун кураш олиб бораётган Самарқанд клубининг муҳим ғалабасини таъминлади. Голлар сонини 8 тага етказган ҳужумчи Про-Лига “А” гуруҳи тўпурарлиги учун ҳам курашмоқда. Куни кеча Про-Лигадаги ҳафта қаҳрамони билан суҳбатлашдик.

- Санжар, “дубль” билан табриклаймиз. “Орол” Нукусдаги ўйинларда “Шўртан”ни мағлуб этган, “Андижон”, “Истиқлол” клублари билан эса дуранг қайд этганди. “Орол” аутсайдерлар сафида бўлсада, ўз майдонида осонлик билан таслим бўлмайди...

- Табрик учун раҳмат. Чинданам, “Орол”ни Нукусда мағлуб этиш жуда қийин. Сабаби, бу ердаги стадион майдони табиий чим эмас, сунъий қоплама эканлиги жамоаларга қийинчилик туғдиради. Биз ҳам “Орол”га қарши ўйиннинг биринчи бўлимида бу майдонга мослаша олмадик. Иккинчи бўлим олдидан эса мураббийимиз Даврон ака Файзиев ҳужумкор тўп суришимизни айтиб, тўлиқ ҳужумда ўйнайдим. Дастлаб Павел Пуришкиннинг жарима зарбасидан кейин ҳисобни очган бўлсам, кўп ўтмай Илҳом ака Юнусов ва Миркомил Локаевнинг комбинациясидан кейин “дубль”га эришдим. Бу ғалаба биз учун жуда муҳим эди.

- “Динамо” сафига давралар оралиғида қўшилдингиз. Янги жамоага мослашиш жараёни қийин кечмадими?

- Йўқ, “Динамо” сафидаги кўпчилик футболчиларни яхши таниганим учун тезда мослашдим дея оламан. Хусусан, Илҳом ака Юнусов билан аввал “Насаф”да бирга ўйнаганмиз. Йиғиндаёқ голлар уриб, бу жамоага ўтиб адашмаганимни ҳис қилгандим.

- “Норин”да ҳам яхши ўйин намойиш этган эдингиз. Ҳаққулобод клубидан кетишингизга нима сабаб бўлди?

- Энг аввало Намангандан Сурхондарёга қатнаш, йўл анча узоқлик қилди. Шунингдек, молиявий жиҳатдан ҳам кичик муаммо бўлганди. Қолаверса, бу клуб раҳбарияти билан келишувимизда, агар яхшироқ таклиф тушса, бошқа жамоага қўйиб юборамиз дейишганди.

- Олдингизда яна қандай таклифлар бор эди?

- Муборакнинг “Машъал” жамоаси чақиргач, жамоа йиғинида иштирок этдим. Аммо, “Динамо”дан ҳам бош мураббий Даврон Файзиев таклиф билан чиққандилар, қолаверса, мен яхши билан Акмал Холмуродов ва бошқа футболчилар ҳам Самарқандга чорлаганларидан кейин “Динамо”га кўпроқ ёрдамим тегиши мумкинлигини ўйлаб шартнома имзоладим. Бундан жуда хурсандман.

- “Динамо” 3-даврани кетма-кет 4 та ғалаба билан бошлаб, кутилмаганда мухлислар қаршисида “Шўртан”га мағлуб бўлганини қандай изоҳлайсиз?

- Фикримча, бизни йўл ҳам чарчатганди. Сабаби, 4 сентябрь куни Самарқанддан Термизга келиб, “Сурхон” билан дуранг ўйнаб қайтган бўлсак, 7-8 сентябрь кунлари Тожикистонга бориб, “Хўжанд” билан ўйнаб келдик. 12 сентябрда “Шўртан” билан ўйинда чарчоқ аломатлари сезилди, менимча, ҳар қанча уринмайлик, кутилмаганда мағлуб бўлдик.

- Ҳозиргача энг қийин ўйин қайси бўлди, сизнингча?

- Самарқандда “Шўртан”га қарши ўйинимизни кўрсатган бўлардим. 1:2 ҳисобида мағлуб бўлдик, омад рақиб томонда эди.

- Про-Лига якунланишига 10 тур қолди. 5-ўриндаги “Динамо” пешқадам “Андижон”дан 10 очко ортда қолмоқда. “Динамо”нинг Суперлигага чиқиш имкониятини қандай баҳолайсиз?

- Яхши имкониятимиз бор деб ўйлайман. Эътибор беринг, “Андижон” ҳам, “Сурхон” ҳам, “Машъал”, “Истиқлол” ҳам бир текис ўйнай олмаяпти. Масалан, “Норин” ҳам Андижондан дуранг билан қайта олди. Яъни, исталган баҳсда кутилмаган натижа бўлиб қолиши мумкин. Бош мураббийимиз ҳам, мухлисларимиз ҳам биздан фақат ва фақат 1-ўрин билан Суперлигага чиқишимизни исташмоқда. 2-3-ўринни олганларда ҳам “плей-офф” орқали Суперлигага чиқиш имконияти бўлсада, биз ҳам бошқалар қатори 1-ўрин билан тўғридан-тўғри йўлланма учун курашамиз. Буни ҳар куни бош мураббийимиз бизга уқтириб келмоқдалар.

- Келаси икки турда эса “Динамо”ни “Андижон”га қарши уйда ва сафарда кетма-кет иккита ўйин кутиб турибди. Сўнгги тўрта турда “Андижон”нинг ғалаба қозона олмаётгани бу ўйинга ҳам таъсир қилиши мумкинми?

- Йўқ, бу бизга таъсир қилмайди, ҳар қандай ҳолатда ҳам “Андижон” 1-ўринда бораётган пешқадам жамоа. Биздан юқорида бўлган жамоани мағлуб этиш иштиёқи янада баланд бўлади. “Андижон” ҳам дуранглардан кейин Самарқандга фақат ғалабани кўзлаб келиши аниқ. Машғулотларда жиддий тайёргарлик кўриб, мухлисларимиз ҳам бизни фаол қўллаб-қувватлаб турсалар, насиб қилса бу ўйинларда 3 очко эмас, 6 очко учун курашамиз. “Андижон” билан ўйинлар “Динамо” учун юқорига чиқиш учун яхши имконият. Ғалабага эриша олсак, Суперлига йўлланмаси учун яхши имконият ҳосил қиламиз. Тўғриси, фақат мухлислар ёки клуб эмас, биз футболчилар Суперлигага чиқишни ўзимиз ҳам жуда истаяпмиз ва бунинг учун охиригача кураш олиб борамиз.

Усмон ИБОДОВ суҳбатлашди.

Ўқилди (марта): 555. Киритилган сана: 2018-09-25 00:00:00.

Навбатдаги ўйин

мавсум якунланди
«Динамо»
«Динамо» стадиони
мавсум якунланди

Фото-галерея

Фирдавс Абдусалимов, 2016, сентябрь
Машъал - Динамо - 0-0 / 2018, июнь
Чимёнда тайёргарлик

Сўровнома

Сизнингча, «Динамо» жамоасининг 2018 йилги мавсумдаги энг яхши футболчиси ким?
Натижалар
Сўровномалар архиви

Хабарлар лентаси

06.12 АКМАЛ ХОЛМУРОДОВ – «ДИНАМО»НИНГ 2018 ЙИЛГИ ЭНГ ЯХШИ ФУТБОЛЧИСИ»!
05.12 ПФЛ ИШЧИ ГУРУҲИ САМАРҚАНДДА
22.11 Статистика: Мавсумнинг 1-ярмида 6-ўрин, 2-ярмида 1-ўрин...
19.11 «ДИНАМО» МАВСУМНИ FАЛАБА БИЛАН ЯКУНЛАДИ
16.11 УЧРАШУВНИ АСҚАР НАЖАФАЛИЕВ БОШҚАРАДИ
09.11 МУБОРАКДА МАҒЛУБИЯТ
05.11 Даврон Файзиев: “Суперлига йўлланмаси учун охиригача курашамиз”
04.11 “ДИНАМО”ДАН МУҲИМ ҒАЛАБА
03.11 “Динамо” – “Истиқлол” учрашувидан олдин “Сирож биз сен билан” акцияси ўтказилади
03.11 Илк марта! “Спорт ТВ” “Динамо” – “Истиқлол” учрашувини “жонли эфир”да намойиш этади

Видео

UFF.UZ веб-студиясида яратилди.
© 2018. fcdinamo.uz
Барча ҳуқуқлар ҳимояланган.
Сайтдан маълумотлар олинганда fcdinamo.uz манзили манба сифатида кўрсатилиши шарт.