Ўзбекистон ёшлар терма жамоасининг Хитойда ўтган Осиё Чемпионатида эришган чемпионлиги барчамизга чексиз қувонч ҳадя этди.
«Динамо» ПФК жамоаси ўз вақтида «Динамо» клубида тўп сурган, «Динамо» жамоасини бошқарган мутахассис Равшан Ҳайдаров бошчилигидаги Ўзбекистон U-23 терма жамоамизнинг Осиё чемпиони бўлганлиги билан Ўзбекистон футбол Ассоциацияси раҳбариятини, терма жамоамиз мураббийларини, футболчиларимизни ушбу ютуқ билан самимий табриклайди.
Ўзбек футболи учун 2018 йил муваффақиятли бошланди. Футболимиз тарихий ғалабага эришди. Умид қиламизки, Ачилбай Раматов раҳбарлигидаги ўзбек футболи бунданда катта ютуқларга эришади. Барчамизга чемпионлик муборак бўлсин! |