Ўтган ўйин

Про-лига 2021
24.03.2021
«Динамо»
«Динамо» стадиони
2:1

СУПЕРЛИГА - 2019

Жамоа Ў Т-Н О
1 Пахтакор 26 75-18 69
2 Локомотив 26 39-16 49
3 Бунёдкор 26 37-33 43
4 Сўғдиёна 26 29-29 40
5 Металлург 26 32-25 35
6 Сурхон 26 26-33 35
7 Насаф 26 34-27 33
8 Навбаҳор 26 26-23 32
9 АГМК 26 36-37 32
10 Андижон 26 23-37 28
11 Қўқон-1912 26 31-45 26
12 Бухоро 26 18-37 24
13 Динамо 26 25-47 24
14 Қизилқум 26 24-48 24

СУПЕРЛИГА - 2019

26-тур Металлург 2-0 Сурхон
26-тур Бухоро 2-1 АГМК
26-тур Қўқон-1912 1-1 Навбаҳор
26-тур Насаф 1-2 Динамо
26-тур Андижон 1-0 Қизилқум
26-тур Локомотив 0-0 Пахтакор
26-тур Бунёдкор 2-2 Сўғдиёна
25-тур Сўғдиёна 1-1 Насаф

Тўпурарлар

Қадамбой Нурметов 5 (0)
Амиржон Сафаров 2 (0)

Тугилган кунлар

Янгиликлар » Клуб хабарлари

АЗАМАТ БОБОЖОНОВ: «БУНЁДКОР» ДАРВОЗАСИГА КИРИТГАН ГОЛИМ ФАОЛИЯТИМДАГИ ЭНГ ЧИРОЙЛИСИ»

Рукн: Янгиликлар » Клуб хабарлари

Нафақат турнинг, балки мавсумнинг энг кутилмаган натижаларидан бири амалдаги чемпион - «Бунёдкор»нинг ўз майдонида «Динамо»га мағлубиятга учрагани бўлди. Шу куни учрашувнинг фаол ўйинчиларидан бири бўлган Азамат Бобожонов «Динамо» тарихидаги «Бунёдкор» устидан қозонилган илк ғалабани таъминлаган гол муаллифи бўлди. Куни кеча футболчи клуб расмий сайтига интервью берди.

ФУТБОЛГА КИРИБ КЕЛИШИ ВА ОЛИЙ ЛИГАДАГИ ФАОЛИЯТИ

- Азамат, аввало футболдаги дастлабки қадамларингиз ҳақида сўзлаб берсангиз?

- Болалигимдан футболга қизиққанлигим учун, футболнинг ашаддий мухлиси бўлган отам ва акам 10 ёшимда Нукусдаги футбол мактабига олиб боришди. У ерда илк футбол сабоқларини олгач, шаҳримиздаги футбол интернатида таҳсил олдим. 2007 йилда эса «Жайхун» жамоаси сафига қўшилдим. Биринчи лигада икки йил давомида тўп сургач, 2009 йилда Вали Келдиев «Хоразм» жамоасига таклиф этди. Айнан Урганч клубида 21 ёшимда Олий Лигадаги дебютимни нишонладим.

Хоразмни тарк этгач, 2010-2012 йиллар давомида «Машъал», «Бухоро» ва «Қизилқум» жамоаларида тўп суриб, тажриба орттирдим.

«ДИНАМО»ДАН ТАКЛИФ

- «Динамо» жамоасига таклиф этилишингиз қандай кечганди?

- 2013 йилги мавсум бошланиши олдидан «Динамо» жамоасига Камо Газаров бош мураббий этиб тайинланди ва у мени Самарқандга таклиф этди. Шундан сўнг, жамоада Равшан Ҳайдаров ҳам иш олиб борди. Бу мураббий қўл остида «Қизилқум»да ҳам ўйнаганлигим боис, Равшан Акмалович қўл остида ҳам муваффақиятли ўйин кўрсата олдим, деб ўйламан. Жамоа билан 2013 йилда 8-ўринни эгаллаганимиз боис, 2014 йилги мавсумни ҳам Самарқандда ўтказишга қарор қилдим. Кўҳна шаҳар ҳозирда менинг иккинчи уйимга айланган. Шукрки, бу ердаги фаолиятимдан нолимайман.

ЖОРИЙ МАВСУМ ҲАҚИДА

- Жорий мавсум биринчи даврасининг бошланиш ва якунланиш қисми «Динамо» учун омадли кечган бўлса, иккинчи давра анча омадсиз бошланди. Буни нима билан изоҳлайсиз?

- Мавсумнинг бошланиш қисмида ўз майдонимизда «Металлург», сафарда «Сўғдиёна» ва «Андижон» жамоаларини мағлуб этгандик. Бироқ ўша «Пахтакор»га қарши ўтган ўйиннинг сўнгги дақиқаларида ўтказилган тўпдан кейин мағлубиятга учрагач, жамоамизда руҳий шўнғиш кузатилди. Натижада кетма-кет ўйинларда омад биздан юз ўгирди. Давра сўнгида эса «Бухоро» ва «Навбаҳор»дан очко олиб, ўзимизга келгандек эдик. Аммо иккинчи давра бошланишида ҳам омадсизликка учрадик. Кетма-кет «Насаф», «Металлург» ва айниқса, «Сўғдиёна» билан ўйинларда умуман ўйинимизни йўқотиб қўйдик. Бу ёғига вазиятни ўзгартиришимиз шарт эди.

АГАМУРОДОВНИНГ КЕЛИШИ

- Тачмурод Агамуродов «Динамо»да иш бошлагач, клубда биринчи навбатда нима ўзгарди?

- Тажрибали мутахассис чоршанба куни бизга таништирилгач, дастлабки кунги машғулотлардан бошлаб футболчиларга ўз қарашларини сингдира бошлади. «Бунёдкор» билан ўйин олдидан учта машғулот ўтказиб, жамоанинг руҳий ҳолатини яхшилашга уринди. Муваффақиятсизликларни унутиб, ҳар қандай рақибга нисбатан қўрқмай ўйнаш лозимлигини уқтирди.

«БУНЁДКОР» УСТИДАН FАЛАБА ВА ЭНГ ЧИРОЙЛИ ГОЛИ

- Амалдаги чемпион - «Бунёдкор» билан ўйин олдидан ғалабага ишонч бор эдими?

- Ҳеч бўлмаганда дурангга умид қилгандик, ҳар ҳолда. Жамоамиз мураббийлари ҳимояда ишончли ўйнаб, ўз омадимизни қарши ҳужумда излашимизга кўрсатма беришганди. Натижада, «Бунёдкор» ҳужумга кўп эътибор бергани учун бизда ҳам қарши ҳужумда вазиятлар юзага кела бошлади. Вазиятлардан унумли фойдаланганимизда 2-3 та гол уришимиз ҳам мумкин эди. Қўшиб берилган дақиқаларда эса омад шу куни биз томонда эканлигига амин бўлдик.

- Чамаси 40 метр масофадан тепилган жарима тўпини голга айлантирдингиз. Олдин ҳам шундай голлар урганмисиз?

- Жарима зарбаларидан голлар урганман, аммо «Бунёдкор» дарвозасига киритилган гол фаолиятимдаги энг чиройлиси. Айланма зарбам дарвозабонни чалғитди ва натижада ғалабага эришдик. Бу муваффақият жамоанинг руҳиятини тубдан ўзгартирди. Ўз кучимизга ишончимиз ортди. Бу ёғига ҳам мухлисларимиз бизни қўллаб-қувватлашда давом этишса, нафақат лигада қолиш учун, балки янада юқори ўринлар учун курашамиз, деб умид қиламан.

ҚОРАҚАЛПОҚ ФУТБОЛИ

- Азамат, сиз Олий Лигамиздаги Қорақалпоқ футболи намояндаларидан бири саналасиз. Айтингчи, Нукусда Олий Лигада иштирок этадиган жамоа ташкил этиш учун нима тўсқинлик қилмоқда?

- Ҳақиқатдан ҳам, Қорақалпоғистондан чиққан бир қанча футболчилар Олий Лиганинг турли жамоаларида тўп суришмоқда. Жумладан, мен, «Насаф»да Азамат Алланиязов, «Бухоро»да Ойбек Нурбоев, «Сўғдиёна»да Саламат Қуттибоев, «Қизилқум»да терма жамоага чақирилаётган Наврўзбек Олимовлар. Келажакда Нукусда ҳам Олий Лигада иштирок этувчи клуб ташкил этилса, мен каби бошқа қорақалпоғистонлик футболчилар ҳам жон деб жамоамиз шаъни учун курашган бўлардик.

Усмон ИБОДОВ суҳбатлашди.

 

МАЪЛУМОТНОМА:

Азамат БОБОЖОНОВ

1988 йил, 8 июнь куни Нукус шаҳрида туғилган.

Амплуаси: Яримҳимоячи

Тўп сурган клублари:

2007-09 – «Жайҳун» (Нукус)

2009-10 – «Хоразм» (Урганч)

2010 – «Машъал» (Муборак)

2011/1 – «Бухоро» (Бухоро)

2011/2 – «Қизилқум» (Зарафшон)

2012 – «Қизилқум» (Зарафшон)

2013 йилги мавсумдан «Динамо» жамоаси аъзоси.

Ўқилди (марта): 1935. Киритилган сана: 2014-08-26 00:00:00.

Навбатдаги ўйин

Про-лига 2021
30.03.2021
«Динамо»
«Истиқлол» стадиони
18:00

Фото-галерея

Динамо - Бунёдкор 1-2 / 2019
Техрон Турдалиев хотирасига...
Акмал Бозоров

Сўровнома

ҲОЗИРЧА СЎРОВНОМА ЎТКАЗИЛМАЯПТИ.
Сўровномалар архиви

Хабарлар лентаси

06.04 Ҳаким Фузайлов: «Динамо» ютган бўлса-да, очиғи ўйиндан қониқмадим»
05.04 «Динамо» «Орол» мағлуб этиб, пешқамликни сақлаб қолди
25.03 Фахриддин Алимов: «Мақсадим – Про лигада тўпурар бўлиш ва «Динамо» билан Суперлигага чиқиш»
25.03 Ҳаким Фузайлов: «Самарқанддаги ажойиб футбол атмосфераси ҳам сўнгги дақиқаларда ғалаба қозонишимизга ёрдам берди»
24.03 Мавсумни ғалаба билан бошладик
23.03 «Динамо» жамоаси таништирув маросимини ўтказди
14.03 «Олдимизга фақат битта мақсад қўйилган – Суперлигага чиқиш». «Динамо» клуби директори ва бош мураббийи мухлислар билан учрашди
24.02 Ўртоқлик учрашуви. «Динамо» Ғузорда «Шўртан»ни мағлуб этди
31.01 Ўртоқлик учрашуви. «Динамо» Қаршида «Насаф» билан дуранг қайд этди
28.01 «Динамо» икки нафар легионер билан шартнома имзолади

Видео

UFF.UZ веб-студиясида яратилди.
© 2021. fcdinamo.uz
Барча ҳуқуқлар ҳимояланган.
Сайтдан маълумотлар олинганда fcdinamo.uz манзили манба сифатида кўрсатилиши шарт.