Ўтган ўйин

Про-лига 2020
00.00.2020
«Динамо»
«Динамо» стадиони
0:0

СУПЕРЛИГА - 2019

Жамоа Ў Т-Н О
1 Пахтакор 26 75-18 69
2 Локомотив 26 39-16 49
3 Бунёдкор 26 37-33 43
4 Сўғдиёна 26 29-29 40
5 Металлург 26 32-25 35
6 Сурхон 26 26-33 35
7 Насаф 26 34-27 33
8 Навбаҳор 26 26-23 32
9 АГМК 26 36-37 32
10 Андижон 26 23-37 28
11 Қўқон-1912 26 31-45 26
12 Бухоро 26 18-37 24
13 Динамо 26 25-47 24
14 Қизилқум 26 24-48 24

СУПЕРЛИГА - 2019

26-тур Металлург 2-0 Сурхон
26-тур Бухоро 2-1 АГМК
26-тур Қўқон-1912 1-1 Навбаҳор
26-тур Насаф 1-2 Динамо
26-тур Андижон 1-0 Қизилқум
26-тур Локомотив 0-0 Пахтакор
26-тур Бунёдкор 2-2 Сўғдиёна
25-тур Сўғдиёна 1-1 Насаф

Тўпурарлар

Қадамбой Нурметов 5 (0)
Амиржон Сафаров 2 (0)

Тугилган кунлар

Янгиликлар » Клуб хабарлари

ФАРРУХ ШОТУРСУНОВ: «ДИНАМО» ҲОЗИР ЮҚОРИ СПОРТ ФОРМАСИГА КИРГАНДИ…»

Рукн: Янгиликлар » Клуб хабарлари

Мавсумнинг дастлабки қисми ва иккинчи давранинг бошида мухлислар кутган ўйинни кўрсата олмаган «Динамо» клуби мавсумнинг сўнгги чоракини анча муваффақиятли ўтказмоқда. Жамоа жадвалнинг сўнгги ўринларидан «қочиш»га улгуриб, сўнгги баҳсда Гулистондан ишончли ғалаба билан қайтиб, йилни турнир жадвали «экватори» - еттиликда ҳам тугатиши мумкин. Сўнгги ўйинларда бўлгани каби, Сирдарёдаги учрашувда ҳам «Динамо»нинг ёш ҳужумчиси Фаррух Шотурсунов жамоаси ғалабасини таъминлади. Шу боис сўнгги ўйинларда майдонни голсиз тарк этмаётган ҳужумчи билан суҳбат қилишга қарор қилдик.

- Фаррух, сизни жорий йил кашфиётларидан бири сифатида кўрсатиш мумкин. Мухлисларга яхшироқ таништириш учун футболдаги дастлабки қадамларингиз ҳақида маълумот берсангиз…

- Оддий болалардек мен ҳам кўча чангитиб тўп тепардим. Футболга қизиқишим юқори эканлиги боис, дадам мени футбол тўгарагига олиб борганди. 12 ёшимдан эса Чиғатойдаги футбол мактабида таҳсил ола бошладим. У ердан эса 17 ёшимда «Пахтакор» клубига таклиф этилдим. Уч йил давомида бу жамоа ўринбосарлари сафида тўп сурганлигимдан кейин, катта футболга кириб келдим.

- Олий лигадаги дебьютингизни ҳам эслай оласизми?

- Албатта. Шу йил бошида Равшан Акмалович «Қизилқум» клубига таклиф этди. Дебютимни ҳам шу йили нишонладим. Бу «Бухоро»га қарши сафардаги 3-тур ўйинида эди. Афсуски, ўша баҳсда 1:3 ҳисобида ғалаба қозонаётиб, 4:3 натижасида мағлубиятга учрагандик.

- «Динамо»га келишингиз қандай юз берди?

- Биринчи давра якунланмасидан олдин Равшан Ҳайдаров «Динамо» бош мураббийи сифатида иш бошлади. Давралар оралиғида эса мени ҳам Самарқандга чақирди ва мен «Динамо» билан шартнома имзоладим. Худога шукур, ҳозирда жамоа, мураббийимиз, мухлисларимиз ишончини оқлашга ҳаракат қилаяпман.

- Жамоа иккинчи давра бошланишини омадли ўтказди, деб бўлмайди. Аммо, кейинчалик бирданига барчаси ижобий томонга ўзгариб кетди. Бурилиш нуқтаси нима билан боғлиқ эди, сизнингча?

- 18-турда «Сўғдиёна»га қарши кечган учрашувдан кейин жамоамизда катта бурилиш бўлди деб ўйлайман. Ўз майдонимизда жиззахликлар билан ҳеч кимни қониқтирмаган дуранг натижасини қайд этганимиздан кейин мураббийимиз барчамиз билан алоҳида гаплашиб олди. Ўша ўйинда «Динамо»даги биринчи голимни урдим ва шу билан гол уришни бошладим. Кейин «Бухоро», «Локомотив» сингари кучли рақиблар устидан ғалаба қозондик.

- Олмалиқдаги ўйинда 9-сонияда гол уриб чемпионат рекордини янгиладингиз. Бу қандай юз берди?

- Ўйинни мезбонлар бошлашди ва тўп ҳимоя чизиғида етказилаётганда рақиблар хатога йўл қўйишди. Прессингдан кейин тўпни олиб дарвозага киритдим. Менимача, ҳам орада 10 сония вақт ҳам ўтмаганди.

- Чемпионатнинг сўнгги 6 ўйинида 7 мартаба рақиб дарвозасини ишғол этишга эришдингиз. Бу муваффақиятни нима билан изоҳлаган бўлардингиз?

- Фикримча, «Динамо» ҳозирга келиб юқори спорт формасига кириб борди. Бироқ, афсуски яхши спорт формасида бўлганимизда чемпионат якунланиб қолмоқда. Умуман, голларни киритишимда жамоадошларимнинг ҳиссаси катта. Қолаверса, Равшан Ҳайдаровнинг ёш футболчиларга имконият бераётганлигини оқлашга интилаяпмиз.

- Якшанба кунги баҳсда сафарда «Гулистон» 0:2 ҳисобида мағлуб этилди. Ўйиндаги икки гол Олий лигадаги илк «дубл»гиз бўлди…

- Бундан жуда хурсанд бўлдим. «Гулистон» лигада қолиш учун бор куч ва имкониятини сарфламоқда. Шу боис ўйиннинг оғир ўтишини кутгандик. Сирдарёликлар гол уриш учун кўп ҳаракат қилишди, биз эса қарши ҳужумда уларни жазолашга интилдик. Якунда эса бизнинг тактикамиз самарали бўлиб чиқди. Иккита гол уриб ишончли ғалаба қозонган бўлсакда, мавсумдаги оғир ўйинлардан бирини ўтказдик.

- Чемпионат якунида мавсумдаги энг муҳим ва оғир баҳс сифатида қайси ўйинни кўрсатган бўлардингиз?

- Фикримча, чемпионлик учун курашаётган «Локомотив» устидан Самарқандда сўнгги сонияларда қозонган ғалабамиз энг муҳими бўлди. Энг қийин ўтган учрашув сифатида ҳам шу баҳсни айтса бўлади. Бутун ўйин давомида ҳимояланиб, вақт кутдик ва сўнгги 90+5-дақиқада гол ургандик. Бу ажойиб ғалаба бўлганди.

- Сўнгги турдаги «Нефтчи»га қарши ўйин билан мавсумни якунлайсизлар. Айтингчи, жорий чемпионатдаги мақсад ва режалар амалга ошдими? Мавсумдан қониқдингизми?

- Ҳали олдинда яна битта ўйин бор. Жума куни Фарғона жамоасини мухлисларимиз қаршисида мағлуб эта олсак мавсумдаги натижамиздан бироз қониқсак бўлади. Умуман, бу йилга мақсадларимга эришаяпман дея оламан. Шу йил Олий лигада фаолият бошлаб, голларим билан мухлисларимиз ишончини оқлашга интилаяпман. Қайсидир маънода мавсумдан қониқаяпман десам бўлади.

- Кейинги йилги режаларингиз қандай?

- Бу ҳақда ҳали ўйлаб кўрганим йўқ. Шахсан ўзим кейинги йил ҳам «Динамо»да қолишни истаган бўлардим. Шартномам йил сўнггида якунига етади. Жамоа мени ўз сафида олиб қолишни истаса Самарқандда фаолиятимни давом эттираман.

Усмон Ибодов суҳбатлашди.

 

Маълумотнома:

Фаррух Шотурсунов

Туғилган санаси: 1992 йил, 11 май

Туғилган жойи: Тошкент шаҳри.

Амплуаси: ҳужумчи

Тўп сурган клублари:

«Пахтакор» ўринбосарлари (2010-13)

«Қизилқум» (2013, биринчи давра)

«Динамо» (2013, иккинчи даврадан бошлаб).

Ўқилди (марта): 1620. Киритилган сана: 2013-11-06 00:00:00.

Навбатдаги ўйин

Про-лига 2020
«Динамо»
«Динамо» стадиони
Про-лига

Фото-галерея

«Пахтакор-2» - «Динамо» - 0:2. 2016, октябрь
Динамо жамоаси. 2015 йил, иккинчи давра
Динамо - Насаф 1:2. Назорат бахси, 2016 йил.

Сўровнома

ҲОЗИРЧА СЎРОВНОМА ЎТКАЗИЛМАЯПТИ.
Сўровномалар архиви

Хабарлар лентаси

18.10 Сергей Лушчан: «8 кун ичида 3та муҳим ўйин ўтказиш осон бўлмайди. Фақат ғалабани кўзлаймиз»
17.10 Нурматов ва Шобировнинг голлари «Динамо»га «Оқтепа» устидан ғалаба келтирди
26.09 Асад Дўрмонов: «Самарқанддаги ғалаба «Нефтчи» учун ҳозирча мавсумдаги энг муҳими бўлди»
26.09 «Динамо» минимал ҳисобда «Нефтчи»га мағлуб бўлди
24.09 «Динамо» - «Нефтчи»: 58 йиллик рақибларнинг 47-тўқнашувида ким устун келади?
18.09 «Динамо» Ғузорда аламли тарзда ғалабани қўлдан чиқарди
15.09 Сергей Лушчан: «Стандарт вазиятлар «Динамо»нинг устунликларидан бири, бундан фойдаланишимиз шарт эди»
14.09 Муҳим баҳсда «Динамо» «Турон»ни мағлуб этди
06.09 Шохруҳ Абдураҳмоновнинг дубли Ўзбекистон ёшлар жамоасига «Сурхон» устидан йирик ғалабани келтирди
04.09 Сергей Лушан: «Динамо»да Месси ёки Роналду каби юлдузлар йўқ, лекин меҳнаткаш жамоа бор»

Видео

UFF.UZ веб-студиясида яратилди.
© 2020. fcdinamo.uz
Барча ҳуқуқлар ҳимояланган.
Сайтдан маълумотлар олинганда fcdinamo.uz манзили манба сифатида кўрсатилиши шарт.