Миллий терма жамоамизнинг учрашувлари боис, Олий лигада юзага келган танаффусдан фойдаланган «Динамо» жамоаси 5 июнь кунидан бошлаб Тошкентда бир ҳафталик йиғин ўтказиб қайтди.
Йиғин доирасида 10 июнь куни вакилларимиз амалдаги чемпион «Пахтакор» жамоасига қарши майдонга тушишди. «Пахтакор» марказий стадионида кечган қизиқарли баҳсда собиқ «динамочи» Дилшод Шарофутдиновнинг киритган ягона голи тошкентликларга ўртоқлик ўйинида ғалаба келтирди.
Пайшанба кунидан бошлаб жамоамиз яна Самарқандда тўпланиб машғулотларга киришди.
Эслатиб ўтамиз, «Динамо» навбатдаги турда 20 июнь куни Қаршида «Насаф» меҳмони бўлади. |