Миллий терма жамоамизнинг учрашувлари боис, Олий лигада юзага келган танаффусдан фойдаланган «Динамо» жамоаси 5 июнь кунидан Тошкентда тўпланди.
Бир ҳафта давом этадиган ушбу тайёргарлик босқичи давомида жамоамиз назорат учрашувида майдонга тушиши режалаштирилган. Хусусан, «Динамо» 10 июнь душанба куни пойтахтимизда «Пахтакор» жамоасига қарши ўртоқлик учрашувида майдонга тушади.
Йиғин 12 июнь кунига қадар Тошкентда давом этиб, шундан сўнг футболчиларга икки кунлик дам берилади. 14 июндан жамоа яна Самарқандда йиғилиши кўзда тутилган.
Эслатиб ўтамиз, жамоамиз навбатдаги 11-турда 20 июнь куни Қаршида «Насаф» жамоасига қарши майдонга тушади. |