09.05.1991

МАВСУМДАГИ ЭНГ ЙИРИК FАЛАБА

Рукн: Янгиликлар » Биринчи Лига

Биринчи Лига 14-тури доирасида «Косонсой» жамоасини қабул қилган «Динамо» жамоаси мавсумдаги энг йирик ғалабасига эришди.

Баҳсни ҳужумкор бошлаган вакилларимиз 16-дақиқада ҳисобни очишди. Сафга қайтган Азамат Бобожонов жарима майдони ичида икки ҳимоячини алдаб, дарвозанинг узоқ бурчагини нишонга олди, 1:0.

34-дақиқада эса қанотдан етказиб берилган тўпни Виктор Клишин бош билан йўлланган зарба эвазига дарвозанинг «тўққизлиги»ни нишонга олди, 2:0.

Иккинчи бўлимда захирадан футболчиларни туширган мураббийлар қарори ўзини оқлади. Дастлаб ёш ҳужумчи Амиржон Сафаров уч ҳимоячини ортда қолдириб, катта тезликда жарима майдонига ёриб кириб, ҳисобни 3:0га етказди.

Орадан беш дақиқа ўтмасдан, 62-дақиқада энди тажрибали форвард Алишер Холиқов жарима майдонида совуққонлик билан тўп суриб, айёрона зарба билан ҳисобни 4:0 га етказди. Тўртта голга жавобан 71-дақиқада қарши ҳужум уюштирган меҳмонлар Анвар Ҳожимирзаевнинг голи эвазига битта гол уришга эришишди, 4:1.

Биринчи Лига. 14-тур.

«ДИНАМО» – «КОСОНСОЙ» – 4:1

Самарқанд, 3565 томошабин.

Ҳакамлар: А. Эргашев (Тошкент) – 8,2, Х. Баҳодиров (Тошкент) – 8,3, Д. Клепиков (Тошкент) – 8,3, С. Ҳакимов - 8

Назоратчи: В. Шашков (Ташкент).

Голлар: А. Бобожонов (16), В. Клишин (34), А. Сафаров (57), А. Холиқов (62) – А. Ҳожимирзаев (71).

«Динамо»: Михаил Наумов, Миркомил Локаев, Бунёд Исроилов (Ҳакимхон Аъламхонов, 46), Акмал Бозоров, Омад Тойлоқов (Комил Шарофутдинов, 55), Виктор Клишин (Амиржон Сафаров, 54), Азамат Бобожонов (Алишер Холиқов, 46), Алексей Николаев (Лазиз Нуриддинов, 76), Ислом Шарипов, Тимур Шарипов, Жонибек Кўчимов.

«Косонсой»: Ислом Жўраев, Санжар Тошпўлатов, Амир Ибрагимов, Муҳаммаджон Расулов, Шахзод Убайдуллаев, Бобур Мамажонов, Даврон Исоқов, Сардор Теляков, Азиз Жўрабоев, Нодир Аламхонов, Фаррух Абдураҳимов.

Захира: Шавкат Каримов, Дилмурод Шодиев, Шерзод Хошимбоев, Жасур Жайноқов, Аббос Ғуломов, Анвар Хожимирзаев.

Огоҳлантиришлар: О. Тайлоқов (80), Л. Нуритдинов (90 + 2) – А. Ибрагимов (8), А. Жўрабоев (23).