ЧЕМПИОНАТ КУТИЛМАГАН МАFЛУБИЯТ БИЛАН БОШЛАНДИ: «ЦЕМЕНТЧИ» - «ДИНАМО» - 2:0

Рукн: Янгиликлар » Биринчи Лига

3 апрель, якшанба куни Ўзбекистон Биринчилиги баҳсларига старт берилди. Ушбу турнирда Олий Лига йўлланмаси учун кураш олиб борадиган «Динамо» жамоаси мавсумни сафарда кутилмаган мағлубият билан бошлади.

Кубок доирасидаги «Нефтчи»га қарши ўйиндан фарқли равишда Қувасойдаги баҳсда жамоа таркибида бир қатор ўзгаришлар бўлганди. Азамат Бобожонов, Омаджон Тайлоқов, Ислом Шарипов, Лазиз Нуриддинов сингари футболчилар ўрнига «Пахтакор»дан таклиф этилган Саиджамол Давлатжонов, Достон Ибрагимов сингари ёш футболчилар дебют ўйинини ўтказган бўлишса, тажрибали футболчилар Виктор Клишин ҳамда Алексей Николаев ҳам бошланғич таркибдан ўрин олишганди.

Учрашув ҳар икки томоннинг эҳтиёткор ҳаракатлари билан бошланган бўлсада, ҳар икки жамоа ҳам уч мингга яқин мухлислар олдида хавфли ҳужумларни ташкил этиб турди.

Танаффусдан сўнг ҳар икки томон ҳам ғалаба қозониш учун жиддий ҳаракатни бошлади. Бу борада Илҳом Шарипов шогирдларида гол уриш учун бир қатор вазиятлар юзага келди, бироқ имкониятлардан фойдаланишда меҳмонларга омад етишмади.

Ўйиннинг 77-дақиқасида эса «Динамо»чилар майдонда бир киши кам бўлиб қолишди. Захирадан майдонга тушган ёш ҳужумчи Жонибек Кўчимов ҳакам томонидан иккинчи марта огоҳлантирилиб, майдондан четлатилди. Таркибдаги устунлик «Цементчи» томонига ўтгач, водийликлар ҳужумкорликни оширишди. Натижада захирадан майдонга тушган тажрибали ҳужумчи Абдураззоқ Жўраев 79, 81-дақиқалардаги голи эвазига Қувасой клубига мавсумдаги илк ғалабани тақдим этди. «Динамо» эса мавсумни мағлубият билан бошлашга мажбур бўлди.

Вакилларимиз 2-тур учрашувини чоршанба куни Ёзёвоннинг «Ёзёвон-Лочинлари» клубига қарши ўтказади.

Биринчи Лига. 1-тур. 3 апрель (якшанба)

«Цементчи» (Қувасой) – «Динамо» (Самарқанд) – 2:0

Қувасой, 2617 томошабин.

Ҳакамлар: Д. Мухторов (Тошкент) – 8,0, И. Абдулаков (Тошкент вил.) – 8,1, И. Заитов (Тошкент вил.) – 8,2, С. Раҳмонов – 9.

Назоратчи: Ш. Бозоров (Наманган).

Голлар: А.Жўраев (79, 81).

«Цементчи»: Элдор Исабоев, Жўрабек Ёқубов, Раҳматилло Мелибоев, Абдухолиқ Қурбонов, Жамшид Қобулов, Сардор Сотволдиев, Нурлибек Таласбоев, Баҳодиржон Қодиров, Шукур Жумабоев, Элёр Мамасолиев, Даврон Маматов.

Захира: Илҳом Жуманов, Азиз Маткаримов, Алишер Файзуллаев, Муҳаммад Султон Фозилов, Абдураззоқ Жўраев, Оқилбек Маҳмудов, Ф.Жумақўзиев.

«Динамо»: Михаил Наумов, Акмал Бозоров, Алексей Николаев, Миркомил Локаев, Бунёд Исроилов, Саиджамол Давлатжонов, Жасур Азимов, Комил Шарофутдинов, Достон Ибрагимов, Алишер Холиқов, Виктор Клишин.

Захира: Рустам Тоштурдиев, Жонибек Кўчимов, Омаджон Тойлоқов, Орзумурод Аҳмедов, Лазиз Нуриддинов, Азамат Бобожонов, Ислом Шарипов.

Огоҳлантиришлар: Б. Қодиров (10), Р. Мелибоев (38), А. Жўраев (80) – Ж. Кўчимов (63), К. Шарофутдинов (84).

Четлатиш: Жонибек Кўчимов (иккинчи огоҳлантириш, 77).