Ўтган ўйин

Олий Лига-2017. 3-ТУР
12.03.2017
«Пахтакор»
«Пахтакор» стадиони
0:1

Анонс: Олий лига - 2017

3-тур Металлург - Локомотив
3-тур Бунёдкор - Насаф
4-тур Обод - Бунёдкор
4-тур Насаф - Сўғдиёна
4-тур Нефтчи - Қўқон-1912
4-тур Локомотив - Олмалиқ
4-тур Металлург - Шўртан
4-тур Машъал - Пахтакор

Олий лига - 2017

Жамоа Ў Т-Н О
1 Динамо 3 6-0 9
2 Локомотив 2 4-0 6
3 Насаф 2 4-2 6
4 Машъал 3 3-1 6
5 Пахтакор 3 3-2 4
6 Бунёдкор 2 1-0 4
7 Навбаҳор 3 4-4 4
8 Қўқон-1912 3 3-3 4
9 Обод 3 3-3 4
10 Бухоро 3 2-3 3
11 Қизилқум 3 3-5 3
12 Сўғдиёна 3 3-6 3
13 Шўртан 3 1-5 3
14 Нефтчи 3 1-2 2
15 Олмалиқ 3 2-4 1
16 Металлург 2 0-3 0

Олий лига - 2017

3-тур Сўғдиёна 3-2 Олмалиқ
3-тур Бухоро 0-1 Обод
3-тур Қўқон-1912 1-0 Қизилқум
3-тур Шўртан 0-2 Машъал
3-тур Навбаҳор 1-1 Нефтчи
3-тур Пахтакор 0-1 Динамо
2-тур Обод 1-1 Қўқон-1912
2-тур Қизилқум 2-1 Навбаҳор

Тугилган кунлар

Янгиликлар » Бошқа янгиликлар

ИВАН НАГАЕВ: «АСЛИДА ОЛИЙ ЛИГАНИНГ БИР ҚАТОР ЖАМОАСИДАН КУЧЛИМИЗ»

Рукн: Янгиликлар » Бошқа янгиликлар

Сўнгги йилларда Ўзбекистон миллий чемпионатида ёш ва иқтидорли ҳужумчилар сони кўпайиб бормоқда. Бир қатор тажрибали ҳужумчилар ўрнини Темурхўжа Абдухолиқов, Кенжа Тўраев, Баҳодир Пардаев, Александр Шадрин, Иван Нагаев сингари ҳужумчилар эгаллашмоқда. Бу албатта қувонарли. Зеро маҳоратли ҳужумчилар ўрнини ёш иқтидорли форвардлар тўлдиришмоқда. Хусусан, гап Иван Нагаев ҳақида бораркан, бу тезкор ва техникаси кучли бўлган 21 ёшли ҳужумчи қисқа фаолияти давомида ўз номини мухлисларимизга танитиб улгурди. Сўнгги икки йил давомида Ёшлар терма жамоаси сафида Осиё чемпионати ва Мисрда ўтган Жаҳон чемпионатида иштирок этди, «Насаф», «Металлург», «Навбаҳор» сафидаги ўйинлари билан мухлислар олқишига сабаб бўлди. Ҳозирда ушбу ҳужумчи қадрдон устози Аҳмад Убайдуллаев қўл остида «Динамо» сафида анча сермаҳсул ҳаракат қилиб, самарқандлик мухлисларнинг ёқимтойига айланди. Сўнгги уч ўйинда икки бор «дубл» қайд этган ва ҳафта қаҳрамонига айланган Иван Нагаев сешанба куни «Эрудит Спорт» нашрига интервью берди.

- Иван, бу сизнинг нашримизга бераётган илк суҳбатингиз. Шунинг учун келинг, суҳбатимизни футболдаги илк қадамларингиз хусусида бошласак.

- Болалигимдан футболга ошно тутиндим. Эртадан кечгача тўпнинг орқасидан югурардик. Тўпсиз тура олмасдим ҳисоб. Футболга бўлган меҳрим туфайли оиламдагилар мени футбол тўгарагига беришди. Тошкентдаги «ТашКабель» жамоаси қошидаги тўгаракка қатнай бошладим ва ушбу жамоа сафида ҳаракат қилдим. Биринчи мураббийим Александр Арипович қўл остида илк футбол сабоқларини олдим. Шундан сўнг Чиғайтой футбол мактаби тарбияланувчисига айландим ва Аҳмад ака Убайдуллаев қўл остида шуғуллана бошладим.

- Кейин эса бу мураббийингиз қўл остидаги ёшлар терма жамоасидан таклиф олдингиз…

- Худди шундай. Айнан Аҳмад Иноятович бошқарувидаги ёшлар жамоасидаги ўйинларимдан кейин Қаршининг «Насаф» клубига таклиф этилдим. Қашқадарёликлар сафида Олий лигадаги илк ўйинимни ўтказдим. Лекин у ерда кам ўйин амалиётига эга бўлганлигим учун бир йилдан сўнг жамоани тарк этдим.

- 2009 йилни эса «Металлург» сафида бошладингиз. Умуман олганда бекободликлар жамоасига фаолиятингиз давомида уч бор қайтгансиз. Бу нима билан боғлиқ?

- Шунчаки тақдир тақазоси. Қолаверса бу жамоа ҳам менга бегона эмас, анча қадрдон бўлиб қолган. Ўшанда бош мураббий Рустам ака Мирсодиқов жамоага таклиф этган ва мен «Металлург» шарафини ҳимоя қилганман. Ўтган йили ҳам жамоа машғулотларида иштирок этгандим. Бу йил бошида эса «Бунёдкор» билан шартнома имзолагандим, лекин клуб ўйин амалиётига эга бўлишим учун мени «Металлург»га беришга рози бўлди.

- Ярим йиллик мавсумдан кейин, иккинчи даврани «Динамо»да бошладингиз. Жамоанинг сўнгги ўринда бораётганлиги сизни чўчитмадими?

- Йўқ, албатта. Тўғри жамоа биринчи даврада жуда кўп очколарни йўқотганди, лекин мен аҳвол ўнгланишига ишонардим. Чунки бу ерда Аҳмад ака бошқарувида яхши жамоа ташкил этилаётган эди. Нимага эришган бўлсам бунга Аҳмад Иноятовичнинг ҳиссалари беқиёс. Айнан у киши мени «Динамо»га ёрдам бериш учун чақирганларида дарҳол рози бўлдим.

- Ўтган йили ҳам «Динамо»га ўтишга яқин эдингиз, бироқ сўнгги лаҳзада иккинчи даврани ҳам «Навбаҳор»да ўтказишингиз аниқ бўлди. Ўшанда Самарқандга кўчиб ўтишингизга нима тўсқинлик қилганди?

- Дарҳақиқат ўтган йили «Динамо» собиқ бош мураббийи Азамат Абдураимов мени жамоага таклиф этганди. Самарқанд клубига ўтишим деярли аниқлашганди, бироқ «Навбаҳор» мен билан ҳисоб-китоб ишларини қолдирди. Наманганликлар билан молиявий муаммоларни ҳал этмасдан, янги жамоага ўта олмасдим.

- Йил бошида «Бунёдкор» билан шартнома имзолагандингиз. Шу сабаб ҳозирда «Динамо»да ижара асосида тўп сураяпсизми?

- Йўқ, мен «Бунёдкор» билан шартномамни тугатганман. Ҳозирда «Динамо» жамоасининг тўлақонли аъзосиман. Шартномам йил якунида тугайди.

- Жамоанигз ҳозирда хавфли зона саналмиш 13-ўринни банд этиб турибди. Олий лигада қолиш имкониятларингизни қандай баҳолайсиз?

- Юқори баҳолайман. Ҳаттоки, мавсумни саккизликда тугатишимиз мумкинлигага ҳам ишонса бўлади. Чунки ҳозирда биз билан кучли олтиликдан жой олган жамоа ўртасидаги фарқ бор йўғи олти очкони ташкил этади. Энг яқин таъқибчиларимиздан ҳам бир очко ортда қолаяпмиз. Олдинда эса тўртта ўйин қолди. Сўнгги ўйинларда муваффақиятли тўп сураётганлигимизни инобатга олиб, қолган ўйинларда сафарда «Навбаҳор» ва «Бухоро»га қарши, ўз майдонимизда эса «Машъал» ва «Сўғдиёна» билан ўйинларда очко ола билишимизга ишонаман. Рақибларимизни ҳам қийин ўйинлар кутиб турибди. Шундай экан мухлисларни жуда қизиқарли ўйинлар кутиб турибди. Ҳозир бор эътиборимизни сафарда кечадиган «Навбаҳор»га қарши ўйинга қаратганмиз.

- Агар жамоангиз лигада ўз ўрнини сақлаб қолса, «Динамо» билан шартномангизни узайтирасизми?

- Албатта. Агар бош мураббий ва клуб раҳбарияти мени қолишимни хоҳласа Самарқандда қоламан. Чунки Аҳмад ака ўз олдига доимо юқори натижаларни қўядиган мутахасис. Аниқки, «Динамо» кейинги йил ўз олдига юқори мақсадларни қўяди. Бу мураббий билан ишлаш ҳар доим мароқли ва қизиқарли.

- Жорий мавсумда шахсий мақсадингиз борми?

- Бор. Голларим сонини 10тага етказиш. Мавсум бошида чемпионатни 10 гол билан якунлайман деб ўз олдимга вазифа қўйганман.

- Сўнгги уч ўйинда 4 гол киритдингиз, демакки яна тўрт ўйинда шунча гол киритсангиз мақсадингизга етишасиз.

- Сўнгги икки ўйин, айниқса «Шўртан»га қарши учрашув мавсумдаги энг омадли ўйин бўлди мен учун. Бу жамоага қарши кўрсатган ўйинимдан ўзим ҳам қониқдим ва дублга эришдим. Ҳозирда голларим сони 6тага етди. Умид қиламанки, сўнгги тўрт учрашувда яна тўрт гол киритиш уддасидан чиқаман ва жамоавий ва шахсий мақсадимизга етаман.

- Энг омадли учрашувни айтиб ўтдингиз. Энг оғир учрашув деб қайси баҳсни кўрсатасиз?

- Шубҳасиз «Пахтакор»га қарши ўйинимиз чемпионатдаги энг оғир баҳс бўлди менимча. Чунки шу куни ҳар икки жамоа ҳам ғалаба қозониш учун ҳаракат қилганди. Биз ҳам бу учрашувдан олдин «Насаф»ни сафарда мағлуб этганлигимиз боис мухлислар ҳам биздан ғалаба кутишаётганди. Шу куни бор кучимизни сарфладик, лекин омадимиз келмай дуранг қайд этдик.

- Умуман олганда жамоангиз сўнгги ўринларда бораётган бўлсада «Насаф», «Пахтакор», «Нефтчи», «Шўртан» сингари кучли жамоаларга қарши муваффақиятли тўп сурди. Аутсайдер жамоа фаворитлардан очко олиши кўпчилик учун кутилмаган эди?

- Тўғри, айни дамда биз сўнгги ўринларда бораяпмиз, лекин ман аниқ айта оламанки – «Динамо» ҳозирги таркиби билан бемалол юқори ўринларга ҳам даъвогарлик қила олади. Гап шундаки биринчи даврада жуда кўп очконинг йўқотилгани ҳозирда ўз таъсирини ўтказмоқда. Аслида биз Олий лиганинг бир қатор жамоасидан кучлимиз.

- Сўнгги ўйинларда учрашувнинг энг яхши футболчисига айланаяпсиз, голлар ураяпсиз, лекин Олимпия терма жамоасидан чақирув олганингиз йўқ. Термадаги янги мураббийлар штаби билан ўртада совуқчилик тушмаганми?

- Йўқ. Мен доимо ҳар қандай мураббий билан яхши муносабатда бўламан. Терма жамоага таклиф этишмаяптими, демак мен яна ўз устимда кўпроқ ишлашим ва уларга терма жамоага лойиқ футболчи эканлигимни кўрсатишим лозим.

- Олимпия терма жамоаси мураббийи Тохир Кападзенинг айтишича, сиз ва Суннатилла Мамадалиевнинг термага таклиф этилмаётганлигингизга сабаб, бу – ҳозирда «Динамо»нинг қийин аҳволда эканлиги учун экан. Яъни, лигада қолиш учун ўйнаётган жамоанинг футболчиларини ҳозирча безовта қилишни хоҳламаётган экан…

- Бўлиши мумкин. Нима бўлган тақдирда ҳам мураббийлар барчанинг ўйинини кўришмоқда, агар улар бизнинг хизматимизга эҳтиёж сезадиган бўлишса, ҳар қандай футболчи терма жамоада жон деб тўп суради.

- Сизнингча, ҳозирда чемпионатнинг энг яхши дарвозабони ва ҳимоячиси ким?

- «Бунёдкор» ва термамиз дарвозабони Игнатий Нестеров бугунги кунда мамлакатимизнинг биринчи рақамли посбонидир. Лекин ҳимоячиларнинг аниқ номларини айта олмайман. Чунки Олий лигада яхши ҳимоячилар жуда кўп.

- Суҳбат якунида яна нималар ҳақида гапиришни истардингиз?

- Фурсатдан фойдаланиб мухлисларимизга миннатдорчилик билдираман. Чунки жамоамиз иккинчи даврада қийин аҳволда бўлишига қарамай, стадионимизга минглаб мухлислар ташриф буюриб «Динамо»ни қўллаб-қувватлашмоқда, жамоа билан бирга бўлишмоқда. Бунинг учун уларга раҳмат дейман ва уларнинг ишончини оқлашга бор кучимизни сарфлаймиз.

Усмон Ибодов суҳбатлашди.

Ўқилди (марта): 1046. Киритилган сана: 2011-10-05 00:00:00.

Навбатдаги ўйин

Олий Лига-2017. 4-ТУР
31.03.2017
«Навбаҳор»
«Динамо» стадиони
16:00

Фото-галерея

«Пахтакор-2» - «Динамо» - 0:2. Ислом Шарипов
Рустам Истамов ёш футболчилар билан
Динамо - Насаф 1:2. Назорат бахси, 2016 йил.

Сўровнома

Сизнингча, «Динамо» жамоасининг март ойидаги энг яхши футболчиси ким?
Натижалар
«Динамо» - «Навбаҳор» учрашувида қандай натижа қайд этилади?
Натижалар
Сўровномалар архиви

Хабарлар лентаси

24.03 «ДИНАМО» ЗОМИНДАН ҒАЛАБА БИЛАН ҚАЙТДИ
23.03 «ДИНАМО» МУХЛИСЛАРИ ЗОМИНГА БОРИШАДИ
23.03 ЮРИЙ МАМЕДОВ ЭНДИ ОРАМИЗДА ЙЎҚ…
22.03 «ДИНАМО»НИНГ ИККИ ФУТБОЛЧИСИ ЎЗБЕКИСТОН ЁШЛАР ТЕРМА ЖАМОАСИ БИЛАН ҚАТАРГА ЖЎНАБ КЕТДИ
20.03 «ДИНАМО» - «НАСАФ»: МУРАББИЙЛАР ҚАНДАЙ ФИКРДА?
19.03 «ДИНАМО» «НАСАФ» БИЛАН ДУРАНГ ЎЙНАДИ
18.03 «ДИНАМО» НАВРЎЗ ДАСТУРХОНИГА ТАКЛИФ ЭТИЛДИ
15.03 «ДИНАМО» «НАСАФ»ГА ҚАРШИ ЎРТОҚЛИК УЧРАШУВИ ЎТКАЗАДИ
13.03 ОЛЕГ ТЮЛЬКИН: «10 КУН ИЧИДА УЧТА ҒАЛАБАГА ЭРИШИШ АЖОЙИБ НАТИЖА»
12.03 «ДИНАМО» ОЛИЙ ЛИГА ТАРИХИДАГИ ЭНГ ЁШ ТАРКИБИДА МАЙДОНГА ТУШДИ

Видео

UFF.UZ веб-студиясида яратилди.
© 2017. fcdinamo.uz
Барча ҳуқуқлар ҳимояланган.
Сайтдан маълумотлар олинганда fcdinamo.uz манзили манба сифатида кўрсатилиши шарт.