Ўтган ўйин

Суперлига-2019. 18-ТУР
18.08.2019
«Қизилқум»
«Навоий» стадиони
2:1

Анонс

18-тур Динамо - Бухоро
18-тур Бунёдкор - Локомотив
18-тур Металлург - Навбаҳор
18-тур Пахтакор - Андижон
18-тур Насаф - Қўқон-1912
18-тур Сўғдиёна - АГМК
18-тур Сурхон - Қизилқум

СУПЕРЛИГА - 2019

Жамоа Ў Т-Н О
1 Пахтакор 17 53-10 47
2 Локомотив 17 28-12 34
3 Бунёдкор 17 25-19 30
4 Насаф 17 25-16 27
5 Сўғдиёна 17 21-22 27
6 Навбаҳор 17 22-16 25
7 Сурхон 17 17-24 22
8 Металлург 17 19-19 20
9 Динамо 17 19-25 18
10 Қизилқум 17 17-35 17
11 Андижон 17 16-22 16
12 АГМК 17 20-28 16
13 Қўқон-1912 17 19-34 14
14 Бухоро 17 9-28 12

СУПЕРЛИГА - 2019

17-тур Қизилқум 2-1 Динамо
17-тур Бунёдкор 1-0 Металлург
17-тур Андижон 0-1 Навбаҳор
17-тур Бухоро 1-1 Сўғдиёна
17-тур Қўқон-1912 2-1 Сурхон
17-тур АГМК 0-3 Пахтакор
17-тур Локомотив 1-0 Насаф
16-тур Сўғдиёна 1-0 Қизилқум

Тўпурарлар

Қадамбой Нурметов 5 (0)
Амиржон Сафаров 2 (0)

Тугилган кунлар

Санжар Баратов

16.06.1991

Дилмурод Каримов

27.06.1989

Комил Шарофутдинов

03.06.1993

Ботирали Эргашев

23.06.1995

Янгиликлар » Про-Лига

ФАРҲОД ТОЖИЕВ: «ФАОЛИЯТИМНИНГ ЭНГ ЯХШИ ДАВРИ САМАРҚАНДДА ЎТГАНЛИГИ УЧУН «ДИНАМО»ГА ҚАЙТДИМ»

Рукн: Янгиликлар » Про-Лига

Иккинчи давра олдидан «Динамо» жамоаси ўз сафини тажрибали ҳужумчи Фарҳод Тожиев билан кучайтирди. Самарқанд футболи учун бегона бўлмаган ушбу форвард билан йил якунига қадар шартнома имзолангач, Фарҳод Тожиев клуб расмий сайтига интервью берди.

- Фарҳод, суҳбатимизни «Динамо»га ўтишингиз қандай рўй берганлигидан бошласангиз…

- Йил бошидан буён Малайзияда тўп сураётгандим. Яқинда эса клубим билан шартномам якунига етгач, Ўзбекистонга қайтишга қарор қилгандим. Малайзиядан қайтишимдан 2-3 кун олдин, «Динамо» клуби бош менежери Илҳом ака Шарипов билан қўнғироқлашгандим. Ўшанда Илҳом ака мен ва Дилшод Шарофутдиновдан Самарқандга қайтишимизни сўрагандилар. Тошкентга қайтаганим заҳоти яна Илҳом ака алоқага чиқиб, мени «Динамо»да кутаётганлигини айтдилар. Ўша пайт «Олмалиқ»дан ҳам таклиф чиққан ва улар Белоруссиядаги йиғинда иштирок этишимни сўрагандилар. Минскдаги йиғин якунида Самарқанддан яна қўнғироқ бўлгач, «Динамо»га ўтишга қарор қилдим.

- Бошқа таклифлар эмас, айнан «Динамо» танловига тўхталишингизга нима сабаб бўлди?

- Сабаби, ўзим ҳам Самарқандда тўп суришни истадим. Чунки, фаолиятимнинг энг ёрқин дамлари, энг яхши хотираларим айнан «Динамо» билан боғлиқ. Биласиз, 2007 йилда айнан «Динамо»да Олий Лигада дебют қилиб, ўшанда чемпионатнинг энг яхши тўпурарларидан бирига айлангандим. «Динамо» ҳам ўшанда 5-ўринни эгаллаганди. Самарқанд ва «Динамо» юрагимдан жой олганлиги, фаолиятимнинг энг яхши даври шу ерда ўтганлиги учун яна ўша натижаларни такрорлаш учун қайтдим.

- «Динамо»га ўтиш олдидан кимлар билан маслаҳатлашдингиз?

- Илҳом ака Шариповни жуда ҳурмат қиламан. Собиқ футболчи сифатида у киши барчамизни жуда яхши тушунади. Энг асосийси у киши «Динамо»да ўйин амалиётим бўлишини айтдилар. Қолаверса, клубга келмасимдан олдин Алексей Николаев, Темур Жўраевлар ҳам жамоа ҳақида илиқ фикрлар билдиришганди.

- «Олмалиқ»да ҳам қолишинигиз мумкинмиди?

- Биласизми, футболчи ҳамма жойда ҳам ўз сўзини айтиб, ўзини кўрсата олмайди. Олдинги йил «Олмалиқ»да тўп суриб, унчалик омадим келмаган. «Динамо»да эса бунгача икки марта ўйнаган бўлсамда, икки сафар ҳам бу жамоа айнан меники эканлигини ҳис қила олганман. Худога шукурки, негадир айнан Самарқандда доимо омадим юришади. Ўзимни ҳар томонлама кўрсата олганман. Шу боис бўлса керак, самарқандлик мухлислар билан ҳалигача алоқада эдим, уларнинг қўллаб-қувватлашини доим сезганман. Бу сафар ҳам «Динамо» сафида уларнинг ишончини оқлаш учун бор куч ва имкониятимни ишга соламан.

- 2007 йилги фаолиятингизни эслаб турсангиз керак…

- Бу дамларни эсдан чиқариб бўлмайди. Ҳар ўйинда Самарқанддаги «Олимпия» ўйингоҳи мухлислар билан тўларди. Фаолиятимдаги энг чиройли голимни ҳам айнан Олий Лигадаги дебют ўйинимда Зарафшонда «Қизилқум» - «Динамо» (1:2) ўйинида акробатик тарзда нишонлагандим. Раҳбарият ҳам жамоани доимо қўллаб-қувватларди, биз ҳам бир оила бўлиб кейинги ўйинни интизорлик билан кутардик. Ўша мавсум адашмасам, 19 та гол ургандим. Ундан кейин «Пахтакор», «Локомотив» ва яна бошқа жамоаларда ҳам фаолият юритган бўлсамда, айнан «Динамо»даги фаолиятим бир умр ёдимда қолган. Тачмурод Агамуродов қўл остида жуда аҳил жамоа йиғилганди. Бугун ҳам Илҳом Шарипов қўл остидаги жамоага қўшилиб, жамоа бир оилага айланганлигига гувоҳ бўлиб турибман.

- Малайзиядаги фаолияти давомида ҳам Олий Лигадан бохабар эдингизми?

- Албатта, чемпионатимизни интернет орқали кузатиб борардик. Йил бошида «Динамо»нинг пешқадамлигини кўриб, очиғи жуда қувонгандик. Чунки энди элитага қайтган ёш жамоадан ҳеч ким бундай натижа кутмаганди.

- Малайзияда бир қатор собиқ «Динамочилар» билан бирга тўп сургансиз…

- Чинданам, 2015 йили Малайзия чемпионатига Садриддин Абдуллаев, Боян Миладиновичлар билан илк марта борганимизда Дилшод Шарофутдинов ўша ерда эди. Энг қизиғи, биз борган клубда «Динамо»даги собиқ жамоадошимиз Дэвид Ония ҳам бор эди. Ўз вақтида, аниқроғи 2007 йил Дэвид Ония Самарқандга келганида биз унга рус тилини ўргатиб, ёрдамлашган бўлсак, 2015 йилда айнан Дэвид Малайзияда инглиз тили борасида бизга ёрдам берганди. Раҳматли юрак хуружи туфайли вафот этди. Ўшанда ажойиб дўстимизни йўқотганимиз учун жуда қайғуга ботгандик. У 7 йил Самарқандда яшаб, оилали бўлганлигини айтиб, яна бу шаҳарга қайтишини таъкидларди.

- Иккинчи даврадан нималарни кутаяпсиз?

- Бизни жуда қизиқарли ўйинлар кутиб турганлигига шубҳам йўқ. Умумий гапирадиган бўлсам, чемпионлик учун ҳам кураш қизийди деб ўйлайман. Кўпчилик, «Локомотив»ни чемпионликка жуда яқин дейишмоқда, аммо ҳали бу ҳақда гапириш жуда эрта. «Пахтакор», «Насаф» жамоалари ҳам чемпионлик учун кураш олиб боришса керак. «Динамо» эса Самарқандда ўтадиган «Пахтакор», «Бунёдкор», «Локомотив»га қарши ўйинларда ҳам грандларга жиддий қаршилик кўрсатишига ваъда берамиз. Ўзимнинг режа ва мақсадларимга келсам, «Динамо» сафида яна голлар уриб, Самарқанд жамоасини юқори ўринларга олиб чиқишга бор куч ва ғайратимни ишга соламан. Кубокда ҳам финалга чиқишимиз шарт.

Суҳбатимиз якунида миллий терма жамоамиз мухлислардан ҳар қандай ҳолатда ҳам Ўзбекистон миллий терма жамоамизни қўллаб-қувватлашларини сўраб қоламан. Айрим футболчилар шаънига интернетда жуда ножўя сўзлар айтишдан тийилиш лозим, бу футболчиларга салбий таъсир қилади. Олдимизда иккита ўйин қолди. Шундай экан, йигитларимизни ҳар доимгидан ҳам яхшироқ қўллаб-қувватлашларини сўраб қолган бўлардим. Жамоамиз айни дамда мухлислар далдасига муҳтож.

Усмон ИБОДОВ суҳбатлашди.

Ўқилди (марта): 1026. Киритилган сана: 2017-08-07 15:17:23.

Навбатдаги ўйин

Суперлига-2019. 18-ТУР
27.08.2019
«Бухоро»
«Динамо» стадиони
17:00

Фото-галерея

Динамо: футболчилар ва мухлислар
Dinamo-Surxon-5-0. Liga Kubogi 2019.
Насаф - Динамо
Динамо – Шуртан – 3:0. 2017, 8 март

Сўровнома

Сизнингча, «Динамо» - «Бухоро» учрашувида қандай натижа қайд этилади?
Натижалар
Сўровномалар архиви

Хабарлар лентаси

25.08 «Динамо» - «Бухоро» учрашуви 27 августга кўчирилди
19.08 Навоийда аламли мағлубият...
15.08 Даврон Файзиев: “Динамо”нинг мақсади энди финалга чиқиш”
14.08 Ўзбекистон Лига кубоги: «Динамо» ярим финалда!
10.08 Навбатдаги аламли мағлубият
07.08 Ботирали Эргашев: «Динамо» мухлислари доим биз билан елкама-елка туришади»
04.08 Лига Кубоги: «Динамо» - «Андижон» учрашуви нега вақтлироқ бошланади?
31.07 Даврон Файзиев: «Рақибдан кўпроқ ҳужум қилиб, аламли мағлубиятга учрадик...»
29.07 «Локомотив» - «Динамо»: 10 йиллик нохуш анъана бузиладими?
28.07 “Бунёдкор” – “Динамо” – 4:2

Видео

UFF.UZ веб-студиясида яратилди.
© 2019. fcdinamo.uz
Барча ҳуқуқлар ҳимояланган.
Сайтдан маълумотлар олинганда fcdinamo.uz манзили манба сифатида кўрсатилиши шарт.