Ўтган ўйин

Олий Лига-2017. 3-ТУР
12.03.2017
«Пахтакор»
«Пахтакор» стадиони
0:1

Анонс: Олий лига - 2017

3-тур Металлург - Локомотив
3-тур Бунёдкор - Насаф
4-тур Обод - Бунёдкор
4-тур Насаф - Сўғдиёна
4-тур Нефтчи - Қўқон-1912
4-тур Локомотив - Олмалиқ
4-тур Металлург - Шўртан
4-тур Машъал - Пахтакор

Олий лига - 2017

Жамоа Ў Т-Н О
1 Динамо 3 6-0 9
2 Локомотив 2 4-0 6
3 Насаф 2 4-2 6
4 Машъал 3 3-1 6
5 Пахтакор 3 3-2 4
6 Бунёдкор 2 1-0 4
7 Навбаҳор 3 4-4 4
8 Қўқон-1912 3 3-3 4
9 Обод 3 3-3 4
10 Бухоро 3 2-3 3
11 Қизилқум 3 3-5 3
12 Сўғдиёна 3 3-6 3
13 Шўртан 3 1-5 3
14 Нефтчи 3 1-2 2
15 Олмалиқ 3 2-4 1
16 Металлург 2 0-3 0

Олий лига - 2017

3-тур Сўғдиёна 3-2 Олмалиқ
3-тур Бухоро 0-1 Обод
3-тур Қўқон-1912 1-0 Қизилқум
3-тур Шўртан 0-2 Машъал
3-тур Навбаҳор 1-1 Нефтчи
3-тур Пахтакор 0-1 Динамо
2-тур Обод 1-1 Қўқон-1912
2-тур Қизилқум 2-1 Навбаҳор

Тугилган кунлар

Янгиликлар » Бошқа янгиликлар

АҲМАД УБАЙДУЛЛАЕВ: «САМАРҚАНДДА КУЧЛИ ЖАМОА БЎЛИШИ КЕРАК»

Рукн: Янгиликлар » Бошқа янгиликлар

Биринчи даврани бўш ўтказган «Динамо» клуби масаланинг ечимини топиш мақсадида бош мураббийни алмаштиришга қарор қилдилар. Хабарингиз бўлса керак, Виктор Жалилов истъефога чиқарилди ва унинг ўрнига Аҳмад Убайдуллаев тайинланди. Ушбу мутахассис юртимизда ўзига яраша ном қозонган ва етарли малакага ҳам эгадир.

Айниқса, Ўзбекистон ёшлар терма жамоаси билан Осиё ва Жаҳон чемпионатларида иштирок этгани ҳам унинг қандай мураббий эканлигини кўрсатиб турибди. Боз устига Убайдуллаев 1994 ва 1997 йиллар давомида «Динамо»ни бошқариб келган. Кўриб турганингиздек, у яна собиқ клубига қайтиб борди. Лекин бу мураббийга осон бўлмаслиги тайин. Чунки «Динамо»нинг турнир жадвалидаги аҳволи ҳавас қилгудек даражада эмас. Шундай экан, янги бош мураббийнинг қандай натижа кўрсатишини вақт кўрсатади. Яқинда биз самарқандликларнинг янги устози билан учрашиб, суҳбат уюштирдик.

- Аҳмаджон ака, авваламбор сизни янги лавозим билан табриклаймиз. Олдингизда жуда катта маъсулиятли иш турибди…

- Албатта. Буни жуда яхши тушуниб турибман. «Динамо» таклифини қабул қилишимдан олдин барчаси ҳақида ўйлаб кўрдим. Афсуски, биринчи даврадан кейин жамоанинг турнир жавдалидаги ҳолати жуда ёмон. Ҳар ҳолда етти очко бу 13 та ўйин учун жуда кам очко ҳисобланади. Менинг олдимда иккинчи даврада жамоани тайёрлаш ва Олий лигада олиб қолиш вазифаси турибди. Худо хохласа бу ишни амалга оширсак, кейинги йилдан бошлаб олдимизда юксак режаларни қўямиз. Ҳар ҳолда Самарқандек шаҳарда юқори ўринлар учун курашадиган кучли жамоа бўлиши керак. Шахсан Самарқанд вилоят ҳокими билан бўлган суҳбатимизда вилоят ҳокимининг футбол жонкуяри эканлигини билдим. У киши барча саволларни бирга ечишимизни айтиб ўтдилар. Бугунданоқ енг шимариб ишлашни бошлаймиз. Агар барчамиз бир ёқадан бош чиқариб ишласак аҳволни ўнглашимизга ишонаман.

- Таркиб борасида ўзгариш қилишингиз табиий. Шундай эмасми?

- Тўғри айтдингиз, яқин орада таркиб борасида ҳам ойдинлик киритамиз. Айрим футболчилар жамоани тарк этишади. Умуман олганда, бугунги жамоанинг ярмини янгилашимиз мумкин.

- Иккинчи даврада қайси футболчиларни «Динамо» сафида кўришимиз мумкин?

- Бу борада ҳали аниқ номларни айта олмайман. Шуниси аниқки, сафимизга янги футболчилар қўшилади.

- Айнан қайси чизиқларни кучайтириш жуда зарур деб ҳисоблайсиз?

- Деярли ҳар бир чизиқни кучайтириш лозим. Айниқса, дарвоза ва ҳужум чизиғини кучайтирмасак бўлмайди. Бизга моҳир дарвозабон ва голеадор ҳужумчи жуда зарур.

- «Динамо» клуби биринчи даврани анча бўш ўтказди. Шу сабабдан бош мураббий масаласи авж олганди. Охир-оқибат бу лавозимга сизнинг номзодингиз маъқул кўрилди. Умуман, бу жараён қандай юз берди?

- 23 июль куни мени вилоят ҳокимлигига чақиришди ва «Динамо» жамоасини бошқариш таклифини ўртага ташладилар. Мен эса уларнинг чақирувига розилик билдирдим. Мухлислар, вилоят фаоллари қаршисида бир қанча масалаларга ойдинлик киритиб олдик.

- Ушбу таклифни қандай қабул қилдингиз? Яъни, бу сиз учун кутилмаган ҳолат бўлиб туюлмадими?

- Аслида мен анча вақтдан буён бирор-бир жамоа билан ишлашни ният қилиб юргандим. Бу борада менга бир-иккита клублар ҳам қизиқиш билан қарашганди-ю, аммо уларнинг таклифи у қадар жиддий эмасди. «Динамо»нинг чақируви эса ҳар томонлама жиддий бўлиб чиқди. Унинг устига мен бу ерда ўз вақтида тўп сурганман ва мураббий бўлиб ишлаганман.

- Демак, сиз ушбу таклифни хурсандчилик билан қабул қилдингиз, шундайми?

- (Кулиб) Хурсандчилик билан 1-2 ўриндаги жамоаларни қабул қилиб олса бўлади. «Динамо» эса ҳозир охирги ўринда боряпти ва унинг масъулияти жуда ҳам катта. Бу ҳам етмаганидек, таркиб борасида қатор муаммолар бор. Иккинчи давранинг бошланиши ҳам «Динамо» учун мураккаб кечади. Нега деганда, сафарда «Насаф» билан кейин ўз майдонида «Пахтакор» билан ўйнайди. Тўғрисини айтганда, жамоанинг олий лигада жон сақлаб қолиши катта муаммодир.

- Шунинг учун ҳам Самарқанд халқи ва раҳбарлари сизга умид кўзи билан қарамоқдалар. Бу борада шахсий режангиз қандай? Ишни нимадан бошлашни ўйлаб турибсиз?

- Биринчи навбатда таркибни яхшилаш керак. Лекин бу шунчаки қилинадиган осон иш эмас. Барча яхши савиядаги ўйинчилар ўз жамоаларига эгалар. Бирор-бир футболчини қўлга киритиш ҳозирги пайтда жуда қийин бўлиб қолган. Агар унинг раҳбарлари шунчаки қўйиб юборишмаса, ўша ўйинчини таклиф қилиш осон эмас. Таркибни яхшилашдан ташқари, тезроқ хавфли зонани тарк этиб юқорига кўтарилиш лозим.

- Тўғри, «Динамо» бугунги кунга келиб қийин аҳволда турибди. Боз устига олий лигада қолиш учун бошқа клублар ҳам жон-жаҳдлари билан курашадилар. Сизнинг бу клубни олий лигада олиб қолишингизга кўзингиз етяптими?

- Буни вақт кўрсатади. Ҳозир бир нарса деб бўлмайди. Тўғри айтдингиз, айни пайтда ҳеч бир жамоа осонликча жон таслим қилишни истамайди. Ҳар бир мухлис ўз жамоасини олий лигада кўришни хоҳлайди.

- Бунгача ҳам «Динамо» клубида ишлагансиз. Айтингчи, ўша пайтдан қандай хотиралар сақланиб қолган?

- Мен Самарқандга 1994 йили келгандим. Ўшанда жамоа биринчи лигада адашмасам 4 ёки 5-ўринда эди. Раҳбарият эса олдимизга олий лигага чиқиш вазифасини юклаганди. Биз эса вазифани бажариб олий лигага чиққанди. Умуман, Самарқандда 1997 йилгача ишладим ва бу вақт давомида жамоа яхши ўйинлар кўрсатган. Шунингдек, мен Ўзбекистон олимпия терма жамоасида ҳам ишлардим. 1998 йили эса «Пахтакор» бошқарувини ўз қўлимга олганман.

- Бундан кейин мураббийлар штабида сизга кимлар ёрдам беради?

- Ҳозирча ҳеч қандай ўзгартириш киритмайман. Фақат дарвозабонлар бўйича мураббий олишим керак.

- Биринчи даврада «Динамо»нинг ўйинларини кузатган пайтингиз ҳам бўлдими?

- Йўқ, кузатмадим. Лекин ҳозирда менда жамоанинг айрим уйинларидаги кассетаси бор ва уларни кўриб чиқяпман. Қолаверса, Ўзбекистон Кубоги баҳсида «Имкон-Олтиариқ» билан кечган ўйинни стадионда томоша қилдим.

- Ҳар қандай мураббий жамоани қабул қилиб олгач, ундаги футболчиларни ўрганиб чиқади ва ўзига ёқадиган ва ёқмайдиган футболчилар бўлиши мумкин. Айтмоқчиманки, айни пайтда кимнидир трансферга қўйиш масаласи кўндаланг турибдими?

- Ҳозир ҳали ҳеч қандай футболчи билан шартнома тузилмаган. Шу сабабли бу ҳақида гапиришнинг ҳожати йўқ.

- Олдинги иш жойларингизда асосан ёшлар билан ишлашни йўлга қўярдингиз. «Динамо»да ҳам ёшлар билан ишлашни йўлга қўясизми?

- Худди шундай. Мен доим ёшлар билан ишлашни биринчи навбатдаги вазифа деб биламан. Шундай экан, Самарқандда ҳам асосий эътиборни ёшларга қаратаман.

Манба: «Эрудит Спорт» газетаси.

Ўқилди (марта): 973. Киритилган сана: 2011-07-11 00:00:00.

Навбатдаги ўйин

Олий Лига-2017. 4-ТУР
31.03.2017
«Навбаҳор»
«Динамо» стадиони
16:00

Фото-галерея

Учрашув олдидан.
Жамоа дарвозабони Михаил Наумовдан "селфи"!
Динамо – Шуртан – 3:0. 2017, 8 март
«Пахтакор-2» - «Динамо» - 0:2. Омаджон Тайлоков

Сўровнома

Сизнингча, «Динамо» жамоасининг март ойидаги энг яхши футболчиси ким?
Натижалар
«Динамо» - «Навбаҳор» учрашувида қандай натижа қайд этилади?
Натижалар
Сўровномалар архиви

Хабарлар лентаси

24.03 «ДИНАМО» ЗОМИНДАН ҒАЛАБА БИЛАН ҚАЙТДИ
23.03 «ДИНАМО» МУХЛИСЛАРИ ЗОМИНГА БОРИШАДИ
23.03 ЮРИЙ МАМЕДОВ ЭНДИ ОРАМИЗДА ЙЎҚ…
22.03 «ДИНАМО»НИНГ ИККИ ФУТБОЛЧИСИ ЎЗБЕКИСТОН ЁШЛАР ТЕРМА ЖАМОАСИ БИЛАН ҚАТАРГА ЖЎНАБ КЕТДИ
20.03 «ДИНАМО» - «НАСАФ»: МУРАББИЙЛАР ҚАНДАЙ ФИКРДА?
19.03 «ДИНАМО» «НАСАФ» БИЛАН ДУРАНГ ЎЙНАДИ
18.03 «ДИНАМО» НАВРЎЗ ДАСТУРХОНИГА ТАКЛИФ ЭТИЛДИ
15.03 «ДИНАМО» «НАСАФ»ГА ҚАРШИ ЎРТОҚЛИК УЧРАШУВИ ЎТКАЗАДИ
13.03 ОЛЕГ ТЮЛЬКИН: «10 КУН ИЧИДА УЧТА ҒАЛАБАГА ЭРИШИШ АЖОЙИБ НАТИЖА»
12.03 «ДИНАМО» ОЛИЙ ЛИГА ТАРИХИДАГИ ЭНГ ЁШ ТАРКИБИДА МАЙДОНГА ТУШДИ

Видео

UFF.UZ веб-студиясида яратилди.
© 2017. fcdinamo.uz
Барча ҳуқуқлар ҳимояланган.
Сайтдан маълумотлар олинганда fcdinamo.uz манзили манба сифатида кўрсатилиши шарт.