Ўтган ўйин

Суперлига-2019. 26-ТУР
30.11.2019
«Насаф»
«Қарши» стадиони
1:2

СУПЕРЛИГА - 2019

Жамоа Ў Т-Н О
1 Пахтакор 26 75-18 69
2 Локомотив 26 39-16 49
3 Бунёдкор 26 37-33 43
4 Сўғдиёна 26 29-29 40
5 Металлург 26 32-25 35
6 Сурхон 26 26-33 35
7 Насаф 26 34-27 33
8 Навбаҳор 26 26-23 32
9 АГМК 26 36-37 32
10 Андижон 26 23-37 28
11 Қўқон-1912 26 31-45 26
12 Бухоро 26 18-37 24
13 Динамо 26 25-47 24
14 Қизилқум 26 24-48 24

СУПЕРЛИГА - 2019

26-тур Металлург 2-0 Сурхон
26-тур Бухоро 2-1 АГМК
26-тур Қўқон-1912 1-1 Навбаҳор
26-тур Насаф 1-2 Динамо
26-тур Андижон 1-0 Қизилқум
26-тур Локомотив 0-0 Пахтакор
26-тур Бунёдкор 2-2 Сўғдиёна
25-тур Сўғдиёна 1-1 Насаф

Тўпурарлар

Қадамбой Нурметов 5 (0)
Амиржон Сафаров 2 (0)

Тугилган кунлар

Янгиликлар » Про-Лига

Даврон Файзиев: «Суперлигага бекорга қўшилмаганлигимизни исботлаш керак»

Рукн: Янгиликлар » Про-Лига

Суперлига 4-тури доирасидаги «Динамо» - «Сўғдиёна» (1:0) учрашувидан кейин дастлаб Даврон Файзиев ғалабали ўйин ҳақида фикр билдирди.

- Даврон ака, аввало ўйин борасидаги таассуротлар билан ўртоқлашсангиз...

- Биласиз, “Динамо” – “Сўғдиёна” қарама-қаршилиги азалдан мини дерби мақомида бўлган. Ўзига хос қизиқарли баҳс гувоҳига айландик. Кескин курашларга бой жанговор ўйин бўлди. Омад бизга кулиб боққанидан хурсанман. Жамоа эса шунга яраша меҳнат қилмоқда. "Динамо" ҳар ўйинда энг ёмон жамоа эмаслигини исботламоқда. Мақсад ҳам шу. Суперлигага бекордан бекорга қўшишмаганини исботлаш керак. Қачон элитага қўшилганимиз ҳеч кимга қизиқ эмас ва бу баҳона бўлиб қолмаслиги лозим. Умид қиламанки, мавсум охиригача жамоамиз футболчилари пайдо бўлган иштиёқ сўнмайди.

Ўйиндан аввалги превьюларни ўқиганимда кўпчилик Файзиев ўз жамоасига қарши ўйнайди, деган гапларга кўзим тушди. Тўғри, мен мураббийликдаги илк қадамимни Жиззахда қўйганман. Лекин ҳаёт шундай қизиқ воқеаларга бойки, ҳозирги кунда мен самарқандликман. Тўғри, Жиззахда яшайман, аммо "Динамо"ни бошқараман. Бу ерда мени қаердан эканлигим муҳим аҳамиятга эга эмас. Менинг жамоам "Динамо" ва фақат унинг ғалабасини ўйлайман. Мураббийнинг ишига шунга қараб баҳо беришади. Мени бу каби таққослашларини истамайман. Самарқанд мени дунёга танитган. Чунки футболчилик давримда айнан шу жамоада ўйнаб танилганман. "Динамо" мен учун яхшигина трамплин бўлган. Бу ҳақда мени мураббий сифатида тайинлашганида ҳам таъкидлагандим.

- Биз тезда бугунги ўйинни унутиб, келгусидаги баҳс, яъни "Пахтакор" билан бўладиган учрашув ҳақида бош қотиришимиз лозим бўлади. "Динамо"ни жиддий ўйин кутмоқда. Айнан шу ерда жамоанинг ҳақиқий характери, умуман барча нарса кўринади. Рақиб оддий жамоа эмас. Ҳозирги кунда "Пахтакор" биздан бир бош устун. Бу ўйиндан аввал қўлни кўтариш эмас, ҳеч бир жамоа учрашувдан аввал рақибни ютолмайди. Шу боисдан ҳам биз жиддий тайёргарлик эвазига яхши ўйин кўрсатишга ҳаракат қиламиз.

- Ўтган ўйин билан таққослаганда фақатгина Санжар Баратов ўрнига Қадамбой Нурметовни қўйдингиз. Бу мураббийлик сезгими ёки мажбурликданми?

- Ғалабали таркибни ўзгартирмайдиган одатларим йўқ. Ўтган баҳсга нисбатан биргина ўзгаришни амалга оширдим. Бу эса иш берди. Баратов ўрнига туширилган Қадамбой гол уришни уддалади. Бу таъкидлаганингиздек, мураббийлик сезгиси. Машғулотлардаги иши билан Қадамбой бугун асосий таркибга лойиқлигини исботлади. Мен таркиб танлашда айнан машғулотлардаги ҳаракатларга эътибор қаратаман. Ғалабали таркиб ёки бошқа жиҳатларни инобатга олмайман.

- Максимилиан Фомин нега захирада қолиб кетмоқда?

- Ҳозирча таркибдаги барча футболчиларга имконият тақдим этолганим йўқ. Айни пайтда қўл остимда тенг иккита таркиб мавжуд. Айни пайтда эса уларнинг 15 нафаридан фойдаланиб келяпман. Барча ўз вақтига эга бўлади. Фомин масаласига келадиган бўлсам, ушбу ҳимоячи жамоамизга охирги сонияларда қўшилганди. Ундан ташқари Фомин сўнгги бор 3 ой аввал футбол ўйнаганди. Биз жамоа менежери Илҳом Шарипов билан биргаликда футболчига яхшилик қилиш мақсадида унга имконият бердик. Агарда машғулотларда аввалги мавқеига қайта олишини исботласа, унга албатта имконият тақдим этамиз.

- Омад ва шижоат билан узоққа бориш қийин. Имконият бўлганида қандай футболчи билан таркибни кучайтирардингиз?

- Тўғри, ҳар доим ҳам омад кулиб боқавермайди. Ҳозирги пайтда жамоани майдонда бошқарадиган етакчи футболчи йўқ. Менга қолса, имконият бўлса, жамоамизга ёшига қарамасдан Шавкат Саломов ёки Сервер Жепаровни олган бўлардим. Чунки улардаги етакчилик қобилияти, жамоани бошқариш, ўйинни қуришдаги ақлли ҳаракатлар ҳозирги футболчиларнинг аксариятида кўринмайди. Футболни барча кўради, аммо ҳамма ўзига кўради. "Сўғдиёна" - "Сурхон" учрашувини томоша қилганимда, Шавкат Саломовнинг ўйинини кўриб, унинг фойдали иш ҳаракати нақадар баландлигини ҳисоблаб чиқилса, барча кўради. Ёки Жепаровни олайлик, ҳозирги ҳолатида ҳам жамоадаги етакчи. Биз билан ўйинда жамоамиз бахтига Сервер жароҳат олиб майдонни эрта тарк этганди. Акс ҳолда қийин бўларди. Мен айнан ундан хавфсираб тургандим. Ҳозирги ёшларни тўғри тарбиялаш керак деб ўйлайман. Ёшлар бир ўйинда зўр ўйнаб қўйса, кейин уни 1 ҳафтача майдонда қидириб юрасиз. Биринчи лига ўйинларини кўп кузатаман, истеъдодли ёшлар кўп. Аммо улар ҳали пул ҳақида ўйламасдан, асосий эътиборни меҳнатга қаратишлари лозим. Пулни ортидан қувадиган ёшлар кўп. Масалан қайсидир футболчига, "укам, давай ҳаракат қилгин, мен сени “Динамо”га оламан десам, футболчи менга неч пул берасиз", дейди. Ўша футболчилар меҳнатни канда қилмай, кўпроқ ўз устида ишлашса, пул кейинчалик уларнинг ортидан ўзи қувиб келади.

Ўқилди (марта): 525. Киритилган сана: 2019-04-14 00:00:00.

Навбатдаги ўйин

Мавсум тугади
«Динамо»
«Динамо» стадиони
таътил

Фото-галерея

Сурхон - Динамо 1:0 / Суперлига-2019, 2-тур.
Динамо-2019. Тақдимот маросими. Элдор Мустафоев
Жаъфар Ирисметов

Сўровнома

ҲОЗИРЧА СЎРОВНОМА ЎТКАЗИЛМАЯПТИ.
Сўровномалар архиви

Хабарлар лентаси

18.02 Назорат учрашуви. «Динамо» «Шўртан» билан дуранг ўйнади
17.02 «Динамо» «Шўртан»га қарши назорат учрашуви ўтказади
13.02 Агамуродов фаолиятини давом эттиради, жамоани 8 нафар футболчи тарк этди
07.02 Илҳом Шарипов янги мавсум режалари, таркибдаги ўзгаришлар, Агамуродов мураббийлиги ҳақидаги интервьюси
05.02 «Динамо» самарқандлик ёш футболчиларни кўрикка таклиф этади!
01.02 «Динамо» назорат баҳсида ғалаба қозонди
18.01 «Динамо» Ботирали Эргашевни «Қўқон-1912» клубига ижарага берди
16.01 Ихтиёр Тошпўлатов «Динамо»дан «Металлург»га ўтди
07.01 «Динамо» 11 январдан йиғин бошлайди
11.12 «Динамо»-2019: ким қанча ўйнади, нечта гол урди?

Видео

UFF.UZ веб-студиясида яратилди.
© 2020. fcdinamo.uz
Барча ҳуқуқлар ҳимояланган.
Сайтдан маълумотлар олинганда fcdinamo.uz манзили манба сифатида кўрсатилиши шарт.