«СЎҒДИЁНА»НИ МАҒЛУБ ЭТИБ «ДИНАМО» 4-ЎРИНГА ЧИҚИБ ОЛДИ

Рукн: Янгиликлар » Про-Лига

Суперлига 4-тури доирасидаги Самарқандда ўтган “Динамо” – “Сўғдиёна” баҳсидаги муҳим ғалаба “Динамо” жамоасини 4-ўринга олиб чиқди.

“Динамо” бош мураббийи Даврон Файзиев олдинги турда ғалаба қозонган таркибдан фақат битта ўзгариш қилди, Санжар Баратов ўрнига Қадамбой Нурметов туширилди. “Сўғдиёна” устози Сергей Лушан эса ўтган турда мағлуб бўлган жамоа таркибида катта ўзгаришлар қилиб, таркибни янгилади.

Ўйин тенгкурашлар остида бошланиб, танаффусга қадар жамоаларда кўп имкониятлар юзага келмади. Иккинчи бўлим эса мезбонлар ҳужумлари остида бошланди. 51-дақиқада Миркомил Лоқаев қанотдан ҳужумга ўтиб, тўпни жарима майдонига етказди. Тўпга биринчи бўлиб етиб келган Қадамбой Нурметов эса бош билан рақиб дарвозасини ишғол этиб, Суперлигадаги илк голини киритди, 1:0.

Голдан кейин ҳам жамоалар ҳисобни ўзгартириш учун интилишди. Айниқса, 78-дақиқада Даврон Умиров иккинчи сариқ карточкани олиб, майдонни тарк этгач, “Динамо” қолган 10 дақиқаликда ҳисобдаги фарқни оширишга яқин эди, аммо гоҳида ҳимоячилар, гоҳида дарвозабон иккинчи голга тўсқинлик қилди.

Кетма-кет иккинчи ғалабадан сўнг “Динамо” жамоаси Суперлига турнир жадвалида 4-ўринга кўтарилиб олди.

Самарқанд жамоаси навбатдаги учрашувда 18 апрель куни Тошкентда “Пахтакор” меҳмони бўлади.

13 апрель (шанба)

Coca Cola Суперлига, 4-тур

“ДИНАМО” – “СЎҒДИЁНА” - 1:0

Самарқанд. “Динамо” стадиони. 5127 томошабин.

Ҳакамлар: Олим Тўйчибоев, Шохруҳ Аъзамов, Равшан Копадзе, Шухрат Ражабов.

Назоратчи: Султон Зайлобиддинов

Комиссар: Александр Давиденко

Гол: Қадамбой Нурметов, 51 (1:0).

“Динамо”: 1.Ботирали Эргашев, 2.Миркомил Лоқаев, 4.Хакимхон Аламхонов, 6.Акмал Холмуродов, 10.Амиржон Сафаров (7.Жасур Азимов, 46), 11.Қадамбой Нурметов (20. Сирож Ҳамроев, 83), 16.Бобур Қосимов, 18.Аббос Шодмонов, 23.Сардор Эминов (21. Дамир Темиров, 88), 27.Ихтиёр Тошпўлатов, 34. Шохруҳ Абдураҳмонов.

“Сўғдиёна”: 27.Милан Митрович, 2.Сардор Қулматов, 3.Искандар Шайқулов, 5.Кахи Махарадзе, 8.Сирож Мелиев, 10.Шохруз Норхонов, 14.Жамшид Болтабоев, 15.Мурод Ражабов (6. Нуриддин Ҳасанов, 55), 17.Достон Тошматов (70.Дурбек Камолов, 10 (11. Иззатилла Абдуллаев, 67), 28.Даврон Умиров, 97.Шахбоз Жўрабеков.

Огоҳлантиришлар: Мурод Ражабов (21), Даврон Умиров (75), Шахбоз Жўрабеков (76), Шохруз Норхонов (84).

Четлатиш: Даврон Умиров (79, 2СК).