«ДИНАМО» УРГАНЧДАН ҒАЛАБА БИЛАН ҚАЙТДИ

Рукн: Янгиликлар » Про-Лига

Про-Лига 32-тури доирасида Урганчга сафар қилган “Динамо” жамоаси Хоразмдан ишончли ғалаба билан қайтди.

Эътиборлиси, шу куни Самарқанддан ҳам бир гуруҳ футбол мухлислари Урганчга бориб, “Динамо”ни қўллаб-қувватлаб турдилар.

Ўйин сунъий қопламали майдонда ўтгани сабабли дастлабки бўлимда “Динамо” футболчилари асосан майдонга мослашишга ҳаракат қилдилар.

Иккинчи бўлимда эса жамоа ҳужумкор тўп сурди. 55-дақиқада Отабек Нарзуллаев ҳисобни очган бўлса, 67-дақиқада Дамир Темиров ҳисобдаги фарқни иккитага оширди.

70-дақиқада эса Санжар Баратовнинг ўрнига захирадан майдонга тушган Комил Шарофутдинов 3-голга муаллифлик қилди, 0:3.

Мезбонлар фақатгина ўйин якунида ҳисобни қисқартиришга эришдилар. Ҳабибулла Матёқубов ҳакам томонидан белгиланган 11 метрлик жарима зарбасидан унумли фойдаланди – 1:3.

“Динамо” навбатдаги учрашувни 3 ноябрь куни Самарқандда “Истиқлол” жамоасига қарши ўтказади.

Про-Лига. “А” гуруҳи.

29 октябрь (душанба)

“Хоразм” – “Динамо” - 1:3

Ҳакамлар: И. Ибрагимов, Ш. Раҳматов, А. Ғиёсов

Голлар: Отабек Нарзуллаев 55, - 0:1. Дамир Темиров 67, - 0:2. Комил Шарофутдинов 70, - 0:3. Ҳабибулло Матёқубов 83, - 1:3.

“Хоразм”: Ғайрат Ўдаев, Равшан Султонов, Айбек Нурбоев, Ҳабибулла Матёқубов, Фарруҳ Ҳайдаров, Темур Исмоилов, Жасур Отажонов, Сарвар Жуманиёзов, Муҳаммадқодир Раҳимберганов, Сирож Рўзметов, Акбар Муродов.

Захира: Асрбек Юлдашев, Темур Бекчанов, Асадбек Мамбетов, Сардор Матмуротов, Дадахон Юсупов, Ербол Сейтназаров, Миржалол Қурбонов.

“Динамо”: 27. Шохруҳ Раимов, 2. Миркомил Лоқаев, 6. Акмал Холмуродов (с), 10. Павел Пуришкин, 11. Жасур Ашуров, 17. Жасуро Азимов, 20. Дилмурод Каримов, 21. Дамир Темиров, 24. Аваз Агалиев, 41. Суҳроб Иззатов, 70. Отабек Нарзуллаев.

Захира: 16. Алижон Алимуҳаммедов, 18. Шерзод Жалилов, 19. Санжар Баратов, 23. Комил Шарофутдинов, 28. Тимур Шарипов, 50. Виктор Григорьев, 90. Аббос Жумақулов.