АЛАМЛИ МАҒЛУБИЯТ...

Рукн: Янгиликлар » Про-Лига

Про-Лига 13-тури доирасидаги “Динамо” – “Сурхон” учрашуви анча шиддатли ва томошабоп ўтди. Якунда омад меҳмонларга кулиб боқди.

Ўйинни ҳужумкор бошлаган “Динамо” вакиллари 15 ва 24-дақиқадаёқ Ҳакимхон Аъламхонов ва Далер Алмосжоновнинг голлари эвазига ҳисобни 2:0 га етказишганди.

Аммо 34-дақиқада ҳимоядаги хатоликдан кейин Сардор Эминов ҳисобни қисқартирган бўлса, 52-дақиқада Баҳриддин Ваҳобов ҳимоячилардан илдамроқ ҳаракат қилиб, мувозанатни тиклади, 2:2.

Ўйин якунига қадар ғалаба учун тўп сурган “Динамо” жамоаси аъзолари сўнгги сонияларгача ҳужумкорликни туширишмади. 90+4-дақиқада эса барча футболчилар ҳужумга эътибор қаратишганидан Дилшод Нуралиев шогирдлари унумли фойдаланишди. Тимур Усмонов қарши ҳужумда яккама-якка вазиятга чиқиб бориб, ҳисобни 2:3 га етказди.

Про-Лига. 13-тур.

7 июнь (пайшанба)

“ДИНАМО” – “СУРХОН” 2:3

Самарқанд, 1215 томошабин.

Ҳакамлар: Валентин Коваленко, Дамир Искандеров, Дилшодбек Жуманиёзов, Шерзод Қамаров.

Назоратчи – Д.Роман.

Комиссар – Мамур Саидқосимов.

Голлар: Ҳакимхон Аъламхонов, 15 (1:0). Далержон Алмосжонов, 24 (2:0). Сардорбек Эминов, 34 (2:1). Баҳриддин Ваҳобов, 52 (2:2). Тимур Усмонов, 90+4 (2:3).

"Динамо": Шохрухжон Эшбўтаев, Бунёд Исроилов, Ҳакимхон Аъламхонов, Фирдавс Абдусалимов, Илҳом Юнусов (Зоҳир Қўзибоев, 80), Жасур Ашуров, Жасур Азимов, Амиржон Сафаров (Мўйдинжон Мамазулумов, 58), Дамир Темиров (Миркомил Локаев, 64), Комил Шарофутдинов (Марадона Сафаров, 74), Далержон Алмосжонов.

"Сурхон": Азамат Аҳмедов, Нажмиддин Нормуродов, Сухроб Неъматов (Алишер Мирзаев,86), Убайдулло Холиқулов (Фарход Тожиев,46), Баҳриддин Ваҳобов (Тимур Усмонов,78), Аббосжон Пўлатов (Иброхим Раҳимов,68), Ислом Иномов, Даниел Насриддинов (Бек Абдуллаев,76), Сардорбек Эминов, Жавоҳир Алиқўзиев, Азизбек Усмонов

Огоҳлантиришлар: Жасур Азимов (67) – Баҳриддин Ваҳобов (13), Жавоҳир Алиқўзиев (29), Сардорбек Эминов (74), Тимур Усмонов (82).