«ДИНАМО» МАВСУМНИ 12-ЎРИНДА ЯКУНЛАДИ

Рукн: Янгиликлар » Про-Лига

Олий Лига сўнгги 30-тури доирасида Муборакда «Машъал» жамоаси меҳмони бўлган «Динамо» жамоаси сафарда кичик ҳисобдаги мағлубиятга учради.

Учрашувдан олдин жамоанинг асосий ҳимоячилари Раду Рогак ва Аднан Ораховац жароҳатлари боис майдонга туша олишмади. Шу куни Муборакдаги учрашувда ҳам самарқандлик мухлислар «Динамо»ни қўллаб-қувватлаб туришди.

Ўйин тенгкурашлар остида бошланган бўлсада, 32-дақиқада мезбонлар ҳисобни очишди. Чамаси 25 метрлардан белгиланган жарима тўпини Зафар Тўраев қойилмақом зарбаси билан Михаил Наумов дарвозасига киритди, 1:0.

Иккинчи бўлимда «Динамо»чилар вазиятни ўнглаш учун ҳар қанча интилишмасин, ҳисобни ўзгартириш имкони бўлмади.

Мавсумдаги сўнгги тур ўйинида мағлубиятга учраган «Динамо» 2017 йилги мавсумни 12-ўринда якунлади.

Олий Лига, 30-тур

25 ноябрь, шанба

«Машъал» (Муборак) – «Динамо» (Самарқанд) 1:0

Ҳакамлар: З.Қодиров (Навоий), О.Жумаев (Навоий), Р.Самандаров (Навоий), И.Ибрагимов (Нукус)

Назоратчи: И.Шарипов (Бухоро)

ЎзПФЛ вакили: В.Штерн

Гол: Зафар Тўраев 32.

«Машъал»: 35. Жавоҳир Илёсов, 2. Искандар Шайкулов, 5. Шохжахон Қиличов, 10.Хумоюн Муртазоев, 18.Аббос Шодмонов, 19.Зоҳир Қўзибоев, 22.Бобур Қосимов (44.Асил Бегимқулов, 74), 27.Никита Павленко, 55.Аваз Агалиев, 77.Абдуллоҳ Олимов, 90.Зафар Тўраев (9.Жамолиддин Убайдуллаев, 70)

«Динамо»: 1. Михаил Наумов, 2. Миркомил Локаев, 4. Ҳакимхон Аъламхонов, 6. Акмал Бозоров (41. Жасур Қурбонов, 81), 8. Жасур Азимов, 15. Шохрухбек Холматов, 19. Орифжон Мамажонов (9. Сардор Сулаймонов, 64), 20. Амиржон Сафаров, 21.Искандар Холмирзаев, 50. Фарҳод Тожиев (11. Абдумалик Абдуллаев, 64), 90. Дониёр Исмоилов.