«ДИНАМО» «БУНЁДКОР» БИЛАН МУРОСА КЎЧАСИНИ ТАНЛАДИ

Рукн: Янгиликлар » Про-Лига

Олий Лига 7-турига старт берган “Бунёдкор” ҳамда “Динамо” клублари учрашувида 1:1 ҳисобидаги дуранг натижаси қайд этилди.

Тошкентда юздан ортиқ мухлислари қаршисида тўп сурган «Динамо» жамоаси баҳсда ҳисобни очди. Абдужамол Исроилов томонидан етказиб берилган тўпни Жавоҳир Қаҳрамонов ажойиб зарба билан Мурод Зуҳуров дарвозасига киритди, 0:1.

Голдан 5 дақиқа ўтгач, мезбонлар ҳам жавоб тўпини йўллашди. Достонбек Ҳамдамовнинг кучли зарбаси Наумов қўриқлаётган дарвоза «тўққизлиги»дан ўрин олди, 1:1.

Учрашув якунига қадар ҳар икки томонда ҳам ҳисобни ўзгартириш учун вазиятлар яратилган бўлсада, баҳс жамоаларнинг муроса кўчасини танлаши билан якунланди – 1:1.

«Динамо» жамоаси навбатдаги турда Самарқандда Жиззахнинг «Сўғдиёна» клубини қабул қилади. Ўйин 29 апрель куни ўтказилади.

Олий Лига. 7-тур.

20 апрель (пайшанба)

«Бунёдкор» (Тошкент) – «Динамо» (Самарқанд) – 1:1.

Тошкент, 705 томошабин.

Ҳакамлар: Т. Тўхтасинов (Андижон) – 8,4, З. Абдураҳмонов (Андижон) – 8,6, А. Мараджабов (Андижон) – 8,6, И. Худайдатов (Тошкент) - 9

Назоратчи: И. Шарипов (Бухоро).

ЎзПФЛ вакили: Ф. Магаметов.

Голлар: Д. Ҳамдамов (26) – Ж. Қаҳрамонов (21).

«Бунёдкор»: 25.Муроджон Зуҳуров(С), 2.Рустам Ашурматов, 4.Акром Комилов, 10.Элдор Шомуродов, 17.Достон Ҳамдамов, 19.Нурилло Тўхтасинов (97.Жавоҳир Эсонқулов, 56), 20.Сардор Азимов (31.Миржаҳон Мираҳмадов, 65), 21.Дилшод Аҳмадалиев, 28.Даврон Умиров, 29.Отабек Шукуров 30.Хуршид Ғиёсов

«Динамо»: 1.Михаил Наумов, 2.Миркомил Локаев, 6.Акмал Бозоров (С), 8.Жасур Азимов 10.Жавоҳир Қаҳрамонов, 14.Раду Рогак, 15.Шохрух Холматов, 18.Дамир Низанов (11.Абдумалик Абдуллаев, 59), 19.Ориф Мамажонов, 20.Амиржон Сафаров (21.Искандар Холмирзаев, 90+2), 22.Абдужамол Исроилов (5.Фирдавс Абдусалимов, 85)