ҲИСОБДА АКС ЭТМАГАН ЎЙИН

Рукн: Янгиликлар » Про-Лига

11-тур доирасида Самарқандда «Машъал» жамоасини қабул қилган «Динамо» футболчилари бутун ўйин давомида катта устунликка эришиб аламли мағлубиятни тан олишга мажбур бўлишди.

Учрашувнинг дастлабки дақиқаларидан мезбонлар ҳужумкорликка интилиб, кетма-кет ҳужумлар уюштира бошлашди. Аммо баҳсдаги ҳисоб меҳмонлар томонидан очилди. 18-дақиқада Зафар Тўраев «Динамо» ҳимоя чизиғига ёриб кириб ҳисобни очди, 0:1.

Шундан сўнг мезбонлар яна катта куч билан олдинга ўтишди. Азиз Ибрагимов, Николай Чипев, Комил Шорофутдиновлар кетма-кет жуда қулай имкониятда дарвозага аниқ зарба йўллай олишмади. Биринчи бўлим сўнггида Маъруф Муродов ҳимоячиларни ортда қолдириб зарба берди, бироқ Носиров жамоасини муқаррар голдан қутқариб қолди.

Иккинчи бўлимни ҳам ҳисобда ортда қолаётган майдон эгалари ҳужумкорлик билан бошлади. 50-дақиқада Агалиев ва Ибрагимов тандемининг ҳужумига озгина аниқлик етишмади. Ўйин якунгача мезбонлар ҳужумкорликни туширишмади, аммо майдондаги устунлик ҳисобда акс этмади. Шу куни анча ҳужумкор ўйин кўрсатган мезбонлар аламли мағлубиятни тан олишга мажбур бўлишди.

Олий лига, 11-тур. 30 май (шанба)

«Динамо» - «Машъал» - 0:1 (0:1)

Гол: Зафар Тўраев (18).

Ҳакамлар: Темур Тўхтасинов (Андижон), Расулжон Фозилов (Тўрақўрғон), Мўминжон Мажидов (Косонсой), Рустам Лутфулин (Тошкент).

Назоратчи: В.Э.Валицкий (Тошкент).

«Динамо»: 27.Андрей Мельничук, 16.Акмал Холмуродов, 5.Илдар Маматказин, 6.Максимилиан Фомин, 55.Аваз Агалиев, 10.Азиз Ибрагимов, 33.Николай Чипов, 7.Отабек Зокиров (95.Фирдавс Абдусалимов, 75), 26.Комил Шарофутдинов, 17.Жасур Азимов (4.Бунёд Исроилов, 78), 29.Маъруф Муродов.

Захира: 15.Муҳиддин Худоёров, 9.Павел Смоляченко, 19.Ислом Шарипов, 22.Мурод Тўйчибоев, 23.Темур Шарипов.

«Машъал»: 30.Ботир Носиров, 20.Шерзод Файзиев, 5.Ғиёсжон Комилов, 7.Жаҳонгир Жиямуродов, 13.Шаҳзод Шайманов, 55.Микита Букаткин, 90.Зафар Тўраев (16.Холмурод Холмуродов 84), 18.Аббос Шодмонов (88.Қаҳрамон Баҳодиров, 90+1), 26.Зоҳир Қўзибоев, 27.Владислав Иванов (77.Достон Абдураҳмонов 70), 10.Жамшид Хасанов.

Захира: 1.Санжар Қувватов, 4.Иқбол Бобохонов, 8.Аббос Омонов, 41.Шоҳруҳ Достонов.

Огоҳлантиришлар: Шаҳзод Шайманов (3), Жаҳонгир Жиямуродов (40), Шерзод Файзиeв (78), Аббос Шодмонов (85).