«БУНЁДКОР» - «ДИНАМО» - 1:0

Рукн: Янгиликлар » Про-Лига

Олий лига 10-тури доирасида “Бунёдкор” меҳмони бўлган Самарқанднинг “Динамо” клуби тенгма-тенг кечган учрашувда сафардан кичик ҳисобдаги мағлубият билан қайтди.

Учрашув икки томон учун осон ўтди, деб бўлмайди. “Динамо”нинг тартибли ҳимоя чизиғи “қалдирғочлар”нинг қатор ҳужумларини қайтариб турди. Ҳимоячилар қўрғони уч маротаба ёриб ўтилган вазиятларда эса “Динамо” посбони Андрей Мельничук маҳорат кўрсатиб, яқин масофалардан йўлланган кетма-кет зарбаларни қайтарди. Вакилларимиздан Отабек Зокиров, Комил Шарофутдиновлар голли вазиятлардан фойдалана олишмади.

Учрашувнинг 78-дақиқасида Сардор Рашидов ва Минори Сато “девор” услубида ўйнашди. Натижада Рашидов қулай вазиятга чиқарилди. Сардорнинг охиста ва бурама зарбасини Мельничук тўсиб қололмади – 1:0.

Алоҳида таъкидлаб ўтиш керакки, шу куни Тошкентдаги стадионда юзлаб самарқандлик мухлислар етиб келиб, “Динамо” қўллаб-қувватлаб туришди.

Олий лига, 10-тур. 23 май (шанба)

“БУНЁДКОР” (Тошкент) – “ДИНАМО”(Самарқанд) 1:0 (0:0)

Ҳакамлар: З.Қодиров (Навоий) – 7,7; А.Снетков (Янгийўл) – 8,0; С.Шоюсупов (Тошкент) – 8,0; Э.Турсунов (Бухоро) – 8,0

Назоратчи: Артём Арутюнов (Тошкент)

ЎзПФЛ вакили: Фарҳод Магаметов (Тошкент)

Гол: Рашидов (78)

Огоҳлантиришлар: Каримов (41), Шакер Зуаги (70)

“Бунёдкор”: 25.Муроджон Зуҳуров, 2.Акмал Шораҳмедов, 4.Ҳайрулла Каримов (С), 6.Анвар Ғофуров, 7.Шакер Зуаги, 8.Жовлон Иброҳимов, 9.Минори Сато, 15.Обид Жўрабоев, 21.Сардор Рашидов, 27.Сардор Собирхўжаев, 40.Темур Аюпов (10.Анвар Бердиев 82)

Заҳира: 45.Акбар Тўраев, 11.Мирзоҳид Ғофуров, 13.Иван Милошевич, 20.Самир Бекрич, 28.Эргаш Исмоилов, 34.Владислав Нуриев

“Динамо”: 27.Андрей Мельничук, 5.Ильдар Маматказин, 6.Максимилян Фомин, 7.Отабек Зокиров, 10.Азиз Ибрагимов, 16.Акмал Холмуродов (С), 17.Жасур Азимов (23.Тимур Шарипов 69), 26.Комил Шарофутдинов, 29.Маъруфжон Муродов (19.Ислом Шарипов 66; 95.Фирдавс Абдусалимов 86), 33.Николай Чипиев, 55.Аваз Агалиев

Захира: 25.Мухиддин Худоёров, 4.Бунёд Исроилов, 9.Павел Смоляченко, 22.Муроджон Тўйчибоев.