Ўтган ўйин

Про-Лига-2018. 36-ТУР
19.11.2018
«Норин»
«Динамо» стадиони
3:1

ПРО-ЛИГА - 2018

Жамоа Ў Т-Н О
1 Андижон 32 57-29 63
2 Машъал 32 54-27 63
3 Истиқлол 32 52-33 57
4 Сурхон 32 62-36 53
5 Динамо 32 42-26 52
6 Шўртан 32 33-45 37
7 Хоразм 32 51-70 33
8 Норин 32 24-61 21
9 Орол 32 30-78 20

ПРО-ЛИГА - 2018

36-тур Машъал 4-1 Андижон
36-тур Истиқлол 3-0 Орол
36-тур Хоразм 0-0 Шўртан
36-тур Динамо 3-1 Норин
35-тур Шўртан 3-2 Сурхон
35-тур Норин 1-3 Машъал
35-тур Андижон 2-1 Истиқлол
35-тур Орол 1-3 Хоразм

Тугилган кунлар

Янгиликлар » Про-Лига

ТУР САРҲИСОБИ: ЭНГ КЎП ТОМОШАБИН САМАРҚАНДДА, ЭНГ ЧИРОЙЛИ ГОЛ БУХОРОДА

Рукн: Янгиликлар » Про-Лига

Мазкур турда мухлисларнинг қизиқиши янада ортди. Борган сари ишқибозларнинг стадионга ташрифи кўпаймоқда. 4-турда энг кўп томошабин йиғилган ўйин “Динамо” – “Бунёдкор” учрашуви бўлди, дея ёзади «Эрудит Спорт» нашри.

Самарқанддаги ўйингоҳга 13154 нафар мухлис ташриф буюрди. 5 мингга яқин томошабин ўйингоҳ ташқарисида қолганлиги маълум бўлди. Эътиборли жиҳати шундаки, ниҳоят “Бунёдкор” иштирокидаги ўйинга ҳам мухлисларнинг сони анча ортиб кетди. Бунгача чемпион ва Кубок соҳиби бўлган жамоанинг ўйинларини кўриш учун стадионга ҳатто 2000 мухлис ҳам келмаётганди. Аммо “Динамо” стадионига йиғилган ишқибозлар ҳозирча “Бунёдкор” учун энг кўп ташриф буюрган мухлислар сифатида қайд этилмоқда. Шунингдек, энг кам мухлис келган учрашув Тошкентда кузатилди. Турнинг сўнгги ўйини «Локомотив» - «Сўғдиёна» учрашувини томоша қилиш учун 2010 нафар мухлис келган. Муборакда эса “Машъал” “Пахтакор”ни қабул қилди ва Б.Вафоев номли стадионга 4612 мухлис келди. Аслида эса ушбу кўрсаткич “Машъал” учун энг яхшиси бўлди. Негаки, Муборакдаги ўйинга ҳозирча бунча ишқибоз келмаганди. Бу ҳам қизиқарли фактлардан бири бўлиб қолмоқда. Умумий қилиб айтадиган бўлсак, 4-турда жами стадионларга 45477 мухлис келган.

3-2-2

Fалаба, дуранг ва мағлубият футболнинг асосий устунларидан биридир. Одатдагидек, бу турда уч ҳолатга ҳам гувоҳ бўлдик. Ўз майдонида тўп сурган жамоалар ҳар доим ғалаба қозонаверишмайди. Мазкур турда бўлиб ўтган беллашувларнинг учтасида майдон эгаларининг қўли баланд келди. Яъни, “Навбаҳор” “Насаф”ни, “Бухоро” Металлург”ни, “Локомотив” эса “Сўғдиёна”ни енгди. Иккита учрашувда эса ғолиб номи аниқланмай қолди. Булар “Нефтчи” – “Қизилқум” (0:0) ҳамда “Олмалиқ” – “Андижон” (0:0) учрашувларидир. Икки етакчи жамоалар – “Пахтакор” билан “Бунёдкор” сафарда уч очкони қўлга киритган клубларга айландилар. “Пахтакорчилар” Муборакда “Машъал” (0:1), “бунёдкорчилар” эса Самарқандда “Динамо” (0:2) устидан зафар қозондилар.

ГОЛЛАР СОНИ КАМАЙМОҚДА

Футбол голлар билан янада жозибалидир. Аммо 4-турда дарвозалар унчалик кўп ишғол этилгани йўқ. Ҳисоблаб чиқилса, 11 марта тўп киритилди. Шулардан 6 таси мезбонлар, 5 таси эса меҳмонлар ҳисобига ёзилди. Иккита учрашувда эса ҳисоб очилгани йўқ. Энг кўп тўп киритилган ўйин “Локомотив” – “Сўғдиёна” учрашувида кузатилди. Унда тошкентликлар 3:1 ҳисобида ғалабага эришишди. Жамоалар асосан натижа учун ўйнашаётгани сабабли голлар сони камайишига олиб келяпти. Чунки кимдир гол урса, албатта ҳисобни ушлаб қолишга ҳаракат қилмоқда. Мухлисларга эса биринчи навбатда чиройли ўйин билан голлар керак. Дарвоқе, ушбу турда ўз дарвозасига гол уриб, рақибга ёрдам берган футболчилар ҳам бўлди. Жумладан, “Бухоро” – “Металлург” қарама-қаршилигида мезбонлар ҳимоячиси Ойбек Нурбоев кутилмаганда ўз дарвозасини ишғол қилиб қўйди. Аммо бу гол “Бухоро”нинг ғалабасига тўсқинлик қилмади. Энг қизиғи, учрашув охирида “Металлург” ўйинчиси Алишер Зиёвуддинов пенальтидан гол ура олмади. Шунингдек, “Динамо” – “Бунёдкор” учрашувида меҳмонларнинг муваффақиятига самарқандликлар ҳимоячиси Акмал Холмуродов ўз “ҳиссасини” қўшди.

ОГОҲЛАНТИРИШ ВА ЧЕТЛАТИШЛАР

Доимгидек бу турда ҳам ҳакамлар чўнтагидан кўплаб сариқ карточкаларни чиқаришди. Унинг орасида қизил карточка ҳам бор. Энг қўпол ўйин сифатида “Нефтчи” – “Қизилқум” учрашуви эътироф этилди. Учрашувни бошқарган Владислав Цейтлин 9 марта ўйинчиларни сариқ карточка билан жазолади. Шулардан тўрттаси “Нефтчи”, бештаси эса “Қизилқум” ўйинчиларига кўрсатилди. 9 та сариқ карточка кўрсатилган ўйинда “қизил” ҳам бўлиши табиий. Меҳмонлар вакили Миржалол Қурбонов 82-дақиқада иккинчи сариқ карточка туфайли майдонни тарк этди. Энг кам огоҳлантириш кўрсатилган баҳс “Машъал” – “Пахтакор” учрашуви бўлди. Иккала жамоадан биттадан футболчи сариқ карточкага лойиқ кўрилди.

ЭНГ ЧИРОЙЛИ ГОЛ

Айнан ушбу турда бир қатор чиройли голлар гувоҳи бўлдик. Хусусан, Бухоро, Косонсой ва мубораклик мухлислар ҳафта голлари гувоҳига айланишди. Бу борада Вобкентда ўтган «Бухоро» - «Металлург» учрашувининг Фирдавс Асадов томонидан киритилган иккинчи голи ажойиб тарзда чиқди. Бу вазиятда Фирдавс дарвозабоннинг ўз дарвозасини тарк этганлигини пайқаб, чамаси 35 метрлардан кучли зарба билан дарвоза «тўққизлиги»ни нишонга олди. Косонсойдаги ўйинда ҳам «Навбаҳор»га муҳим ғалабани келтирган голни Алишер Маҳмудов чамаси 25 метрлардан фантастик зарбаси билан дарвозага киритди. Шунингдек, Жамшид Искандаровнинг жарима майдони ташқарисидан йўллаган ажойиб зарбаси дарвоза устунига тегиб, дарвозадан ўрин олди. Бу голлар ҳеч шубҳасиз мавсумнинг энг чиройли голлари сафидан ўрин ола билади.

ТУР РАМЗИЙ ЖАМОАСИ

Газетанинг анъанавий тур рамзий жамоасидан табиийки, бу сафар «Динамо» футболчилари жой олмаган, аксинча Самарқандда икки голга ҳаммуалифлик қилган «бунёдкорчи» Сардор Рашидов ва гол муаллифига айланган Олег Зотеевлар ўрин олган. 4-тур таркиби қуйдаги футболчилардан ташкил топган:

Дарвозабон: Темур Ғаниев «Андижон»

Ҳимоячилар: Жаҳонгир Жиямуродов «Нефтчи», Шукурали Пўлатов «Навбаҳор», Асқар Муҳитдинов «Қизилқум», Алексей Касьян «Андижон».

Яримҳимоячилар: Алишер Маҳмудов «Навбаҳор», Олег Зотеев «Бунёдкор», Жамшид Искандаров «Пахтакор», Сардор Рашидов «Бунёдкор».

Ҳужумчилар: Фирдавс Асадов «Бухоро», Иван Нагаев «Локомотив».

Бош мураббий: Бахтиёр Ашурматов «Навбаҳор».

Ўқилди (марта): 1651. Киритилган сана: 2014-04-08 00:00:00.

Навбатдаги ўйин

мавсум якунланди
«Динамо»
«Динамо» стадиони
мавсум якунланди

Фото-галерея

Сардор Сулаймонов
Машъал 2018
Нурбек Сафаров хотирасига сукут
Динамо: футболчилар ва мухлислар

Сўровнома

Сизнингча, «Динамо» жамоасининг 2018 йилги мавсумдаги энг яхши футболчиси ким?
Натижалар
Сўровномалар архиви

Хабарлар лентаси

06.12 АКМАЛ ХОЛМУРОДОВ – «ДИНАМО»НИНГ 2018 ЙИЛГИ ЭНГ ЯХШИ ФУТБОЛЧИСИ»!
05.12 ПФЛ ИШЧИ ГУРУҲИ САМАРҚАНДДА
22.11 Статистика: Мавсумнинг 1-ярмида 6-ўрин, 2-ярмида 1-ўрин...
19.11 «ДИНАМО» МАВСУМНИ FАЛАБА БИЛАН ЯКУНЛАДИ
16.11 УЧРАШУВНИ АСҚАР НАЖАФАЛИЕВ БОШҚАРАДИ
09.11 МУБОРАКДА МАҒЛУБИЯТ
05.11 Даврон Файзиев: “Суперлига йўлланмаси учун охиригача курашамиз”
04.11 “ДИНАМО”ДАН МУҲИМ ҒАЛАБА
03.11 “Динамо” – “Истиқлол” учрашувидан олдин “Сирож биз сен билан” акцияси ўтказилади
03.11 Илк марта! “Спорт ТВ” “Динамо” – “Истиқлол” учрашувини “жонли эфир”да намойиш этади

Видео

UFF.UZ веб-студиясида яратилди.
© 2018. fcdinamo.uz
Барча ҳуқуқлар ҳимояланган.
Сайтдан маълумотлар олинганда fcdinamo.uz манзили манба сифатида кўрсатилиши шарт.