«ДИНАМО» ПФЛ КУБОГИНИ ТАРК ЭТДИ

Рукн: Янгиликлар » Про-Лига

ПФЛ Кубогида иштирок этаётган жамоамиз чорак финалда турнирни тарк этишга мажбур бўлди. Эътибориси, динамочилар 4 ўйинда 7 та гол уриб ва бирорта ҳам гол ўтказмай мусобақани якунлашди.

Гуруҳдаги барча ўйинни ғалаба билан якунлаган Равшан Ҳайдаров бошчилигидаги жамоамизни чорак финалда Муборакнинг «Машъал» клуби кутиб турарди. Ёдингизда бўлса, ушбу рақибга қарши бир ой олдин Янгиер шаҳрида ўтказилган баҳс нурсиз дуранг билан якунланганди. Бу сафар ҳам шундай бўлди. Пенальтилар сериясида эса омад воҳаликларга кулиб боқди, 3:4

ПФЛ Кубоги-2014. Чорак финал.

«Динамо» - «Машъал» - 0:0

Пенальти бўйича – 3:4.

Ҳакамлар: В. Серазетдинов, Т. Гайнулин, А. Цапенко, А. Рубаков

Назоратчи: А. Клепиков.

Огоҳлантиришлар: Ф. Шотурсунов (25), И. Маматказин (38), А. Саматов (38), А. Мельничук (87) – К. Баҳодиров (33), Д. Ваниев (40), Ғ. Комилов (55).

Турнирни тарк этган клубимиз энди тайёргарлик босқичига бироз ўзгариш киритиб, пойтахтимиздаги иккинчи йиғинда назорат учрашувларига зўр беришади.