СЕРГЕЙ АРСЛОНОВ: «ТЕЗКОР ГОЛ ЭНГ МУҲИМ БЎЛДИ»

Рукн: Янгиликлар » Про-Лига

«Динамо» - «Қизилқум» учрашувида мезбонлар йирик ғалабага эришгач, ўйиндан кейин самарқандликлар мураббийи табиийки ўйиндан қониққанлигини эътироф этди.

- Бугунги муҳим ғалаба билан футболчиларни, мухлисларимизни табриклайман. Йигитларимиз ўйиндан олдин берилган барча кўрсатмаларни аъло даражада бажаришди. Айниқса, тезкор гол ғалабамиз учун жуда муҳим бўлди. Агар вазиятлардан фойдалана олганимизда бунданда йирик ғалабага эришишимиз мумкин эди. Бундай ўйинлар футболчиларнинг ўзига бўлган ишончини янада кучайтиради. Умид қиламанки, биз мавсум сўнггига қадар мана шундай «темп»да давом этамиз.

- Асқар Жадигеров сўнгги пайтларда майдонга тушмаяпти. Бунга нима сабаб?

- У айни пайтда жароҳатини даволамоқда. Кейинги турда Асқар жамоа сафига қўшилиши кутилмоқда. Бундан ташқари Жасур Бобоев ҳам жароҳат олган.

- Рўзимбой Аҳмедов жиддий жароҳат олди. Унинг аҳволи қандай?

- Ўша вазиятда рақиб футболчиси жуда қўпол ҳаракат қилиб унга жароҳат етказди. Футболчимиз эртага шифокорлар кўригидан ўтади ва шундан сўнг унинг ҳолати ойдинлашади. Заҳирадан туширилган футболчиларимиз ҳам яхши ўйин намойиш этишди. Бугунги ғалабадан кейин ўзимизни ўнглаб олдик. Насиб қилса кейинги «Машъал»га қарши баҳсга ҳам катта тайёргарлик кўриб, мухлисларимизни қувонтиришга ҳаракат қиламиз.