Ўтган ўйин

Про-лига 2020
00.00.2020
«Динамо»
«Динамо» стадиони
0:0

СУПЕРЛИГА - 2019

Жамоа Ў Т-Н О
1 Пахтакор 26 75-18 69
2 Локомотив 26 39-16 49
3 Бунёдкор 26 37-33 43
4 Сўғдиёна 26 29-29 40
5 Металлург 26 32-25 35
6 Сурхон 26 26-33 35
7 Насаф 26 34-27 33
8 Навбаҳор 26 26-23 32
9 АГМК 26 36-37 32
10 Андижон 26 23-37 28
11 Қўқон-1912 26 31-45 26
12 Бухоро 26 18-37 24
13 Динамо 26 25-47 24
14 Қизилқум 26 24-48 24

СУПЕРЛИГА - 2019

26-тур Металлург 2-0 Сурхон
26-тур Бухоро 2-1 АГМК
26-тур Қўқон-1912 1-1 Навбаҳор
26-тур Насаф 1-2 Динамо
26-тур Андижон 1-0 Қизилқум
26-тур Локомотив 0-0 Пахтакор
26-тур Бунёдкор 2-2 Сўғдиёна
25-тур Сўғдиёна 1-1 Насаф

Тўпурарлар

Қадамбой Нурметов 5 (0)
Амиржон Сафаров 2 (0)

Тугилган кунлар

Янгиликлар » Про-Лига

МУҲИМ ВА ИШОНЧЛИ ҒАЛАБА

Рукн: Янгиликлар » Про-Лига

Турнинг эътиборли ўйинларидан бирида «Динамо» Самарқандда «Навбаҳор»ни қабул қилди. Бу жамоаларнинг турнир жадвалидаги ўринларидан келиб чиққан ҳолатда ўйиндаги очколар ҳар икки томон учун жуда муҳим эди.

Учрашув олдидан ҳар икки томонда ҳам таркиб жиҳатдан йўқотишлар бор эди. Мезбонлардан Асқар Жадигеров ва Александр Хвостунов сингари тажрибали футболчилар жароҳатлари боис жамоага ёрдам бера олмаган бўлишса, меҳмонлардан карточкалар туфайли Денис Романенко, Абдулазиз Султонов, жароҳат туфайли эса Жаъфар Ирисметов тўп сура олмади.

Кутилганидек, учрашув мезбонларнинг ҳужумлари остида бошланди ва натижада водийликлар ҳимоя қўрғони бу босимга чидай олмай 12-дақиқада хатоликка йўл қўйди. Илҳом Бойдадаев чап қанотдан жарима майдонига кириб Иван Нагаев томон тўп ошираётганида меҳмонлардан Жаҳонгир Меҳмонов қўл билан тўп йўналишини ўзгартирди ва бош ҳакам 11-метрлик нуқтани кўрсатди. Тўпга яқинлашган Нагаев осонлик билан Ботир Носиров дарвозасини ишғол этди, 1:0.

Голдан руҳланган мезбонлар ҳужумкорликни тўхтатишмади. 27-дақиқада Аҳмедов-Бойдадаев комбинациясидан кейин Нагаев қулай имкониятдан фойдаланмаган бўлса, яна икки дақиқа ўтмай Мустафоевнинг жарима майдони олдида йиқитилишидан Рўзимбой Аҳмедов фойдалана олмади. 32-дақиқада Дилявер Абибуллаев томонидан «тўққизликка» йўналтирилган зарба Носиров томонидан қийинчилик билан бартараф этилди.

35-дақиқада Иван Нагаевнинг уч ҳимоячини ортда қолдириб йўллаган кучли зарбасини меҳмонлар посбони қайтарди, бўш қолган дарвозани ишғол этиш учун Суннатилла Мамадалиевга бироз омад етишмади.

Биринчи бўлимдаги ҳужумкорлик ва устунликнинг самараси ниҳоят бўлимнинг сўнгги дақиқасида ҳисобда акс этди. Мамадалиев томонидан жарима майдони томон узатилган тўпни ҳимоячи Салим Мустафоев ноодатий чиройли зарба билан дарвозага киритиб, миллий чемпионатимиздаги илк голини киритишга муваффақ бўлди, 2:0.

Иккинчи бўлим ҳар икки томонининг тенгкурашлари остида бошланди. Энди динамочилар меҳмонларга ҳужум уюштириш учун имконият беришар ва қарши ҳужумда тўп суришга интилишди. Шунда ҳам мезбонлар хавфли вазиятлар яратиш борасида рақибларидан устунлик қилишди. Жумладан, 62-дақиқада яна ўша Иван Нагаев катта тезлиги эвазига жарима майдони сари интилди ва чизиқ устида Алишер Маҳмудов томонидан тўхтатилди. Аҳмедов томонидан амалга оширилган жарима зарбасини Носиров бартараф этди. Бўлим ўрталарида ҳисобни йирик кўринишга олиб келиш учун Рўзимбой Аҳмедов, Илҳом Бойдадаев, Иван Нагаевларда яна имкониятлар бўлди, бироқ вазиятлардан унумли фойдаланилмади. Қизиғи, «Навбаҳор» ўйиндаги голга тортадиган энг хавфли вазиятини 80-дақиқада юзага келтирди. Бу вазиятда Маҳмудовнинг жаримадан йўллаган кучли зарбасини Мелничук қийинчилик билан бартараф этди.

Муҳим учрашувда ишончли ғалабага эришган кўҳна шаҳар жамоаси турнир жадвалидаги «хавфли зона»дан бироз «қочиш»га эришди.

19-тур. 14 сентябрь (жума)

«ДИНАМО» - «НАВБАҲОР» - 2:0

Самарқанд, 9202 томошабин.

Ҳакамлар: В. Коваленко (Тошкент), Р. Ильясов (Тошкент), М. Саидқосимов (Тошкент), С. Ивлев (Навои).

Голлар: И. Нагаев (12, пен.), С. Мустофаев (45+1).

«Динамо»: А.Мельничук, А.Ерохин, В.Почуев, Ж.Отақулов, Д.Абибуллаев (А.Рисқуллаев, 88), С.Мамадалиев, С.Мустафоев, С.Сайфиев (О.Тайлоқов, 84), И.Бойдадаев, Рўзимбой Аҳмедов (Л.Кошелев, 80), И.Нагаев.

«Навбаҳор»: Б.Носиров, Қ.Муҳаммаджонов, В.Панасюк, Ж.Меҳмонов, С.Ҳамидов, А.Маҳмудов, Ғ. Жўраев (Н.Риндюк, 67), Р.Боқиев, Т.Султонов, А.Аҳмедов (А.Абдуллаев, 39), А.Жўраев (А.Алиев, 82).

Огоҳлантиришлар: Ж. Меҳмонов (11), А. Маҳмудов («Навбаҳор», 62).

Назоратчи: Ғ. Каримов (Тошкент).

Энг яхши футболчилар: В. Почуев – Б. Носиров.

Ўқилди (марта): 1836. Киритилган сана: 2012-09-14 00:00:00.

Навбатдаги ўйин

Про-лига 2020
«Динамо»
«Динамо» стадиони
Про-лига

Фото-галерея

Динамо - Насаф 1:2. Назорат бахси, 2016 йил.
Динамо-Насаф. 1-тур.
Чимёнда тайёргарлик
Динамо-2019. Тақдимот маросими. Ҳакимхон Аъламхонов

Сўровнома

ҲОЗИРЧА СЎРОВНОМА ЎТКАЗИЛМАЯПТИ.
Сўровномалар архиви

Хабарлар лентаси

10.11 Жасур Ҳамроев: «Динамо» Суперлига йўлланмаси учун охиригача курашади»
06.11 Сергей Лушчан ўз аризасига кўра истеъфога чиқди
05.11 «Динамо» Про лига якуний босқичини аламли мағлубият билан бошлади
18.10 Сергей Лушчан: «8 кун ичида 3та муҳим ўйин ўтказиш осон бўлмайди. Фақат ғалабани кўзлаймиз»
17.10 Нурматов ва Шобировнинг голлари «Динамо»га «Оқтепа» устидан ғалаба келтирди
26.09 Асад Дўрмонов: «Самарқанддаги ғалаба «Нефтчи» учун ҳозирча мавсумдаги энг муҳими бўлди»
26.09 «Динамо» минимал ҳисобда «Нефтчи»га мағлуб бўлди
24.09 «Динамо» - «Нефтчи»: 58 йиллик рақибларнинг 47-тўқнашувида ким устун келади?
18.09 «Динамо» Ғузорда аламли тарзда ғалабани қўлдан чиқарди
15.09 Сергей Лушчан: «Стандарт вазиятлар «Динамо»нинг устунликларидан бири, бундан фойдаланишимиз шарт эди»

Видео

UFF.UZ веб-студиясида яратилди.
© 2020. fcdinamo.uz
Барча ҳуқуқлар ҳимояланган.
Сайтдан маълумотлар олинганда fcdinamo.uz манзили манба сифатида кўрсатилиши шарт.