«Бунёдкор» – «Динамо» (2:0) учрашувидан кейинги матбуот анжуманида “Бунёдкор” устози ғалаба осонликча қўлга киритилмаганини таъкидлади.
Миржалол Қосимов (“Бунёдкор” клуби бош мураббийи):
- Биринчи бўлимда шогирдларим ҳужум ташкил этишда озми-кўпми ҳатолар қилишди. “Динамо”нинг ҳозирги ҳолати ҳар бир ўйинда очко йиғиб, кучлилар орасида жон сақлаш қолишни талаб этади. Шу боисдан ҳам рақиб ҳимояга жиддий эътибор қаратган ҳолда, ҳужумда самарали ўйнашга интилди. Айниқса, Нагаев ва Риндюкнинг ҳаракатлари ҳимоячиларимизга осон бўлгани йўқ. Аҳмад Убайдуллаев “Динамо”ни қабул қилиб олгач жамоа ўйини яхши томонга ўзгаргани шундоққина кўриниб турибди. Танаффусдан сўнг ўйинимизни ўзгартирдик ва керакли натажа айнан учрашувнинг иккинчи қисмида қўлга киритилди.
Mанба: fcbunyodkor.com |