ТАЧМУРОД АГАМУРОДОВ: «ҲИМОЯДАГИ ХАТОЛАР ПАНД БЕРДИ»

Рукн: Янгиликлар » Про-Лига

Ўйиндан сўнг анъанага биноан ҳар икки жамоа мураббийлари учрашув борасидаги саволларга жавоб қайтаришди.

Тачмурод Агамуродов («Шўртан» бош мурабббийи):

- Афсуски, ҳар икки жамоа учун жуда муҳим бўлган ўйинда ҳимояда йўл қўйган кўплаб хатоларимиз туфайли мағлуб бўлдик. Дастлабки дақиқалардаги рақибнинг иккинчи ҳужумиёқ марказий ҳимоядаги ноаниқликлар сабабли голга айланди. Иккинчи бўлимни ҳам жуда ёмон бошладик. Бу сафар ҳам ҳимоя қўрғонидаги хатоликлар қимматга тушди ва рақибларимиз учта тўп фарқи билан олдинга ўтиб олишди. Буёғига шогирдларимнинг вазиятни ўнглашларига ишончлари етмади манимча. Уч тўп фарқини йўқотиш қийин эди. Нима ҳам дердим, «Динамо» ғалаба билан табриклаш ва уларга омад тилашдан ўзга чорам йўқ.

- Вадим Афониннинг жароҳати жиддий эмасми?

- Ҳали аниқ ташҳис йўқ. Лекин жиддий жароҳатга ўхшамоқда. Оёқ пайлари чўзилган бўлиши мумкин. Унинг майдонни тарк этиши ҳам ўйинимизга маълум даражада таъсир этди. Афсуски бу футбол, бу ўйинда жароҳатларни четлаб ўтиш мушкул.

- Жамоанинг лигада қолиш имкониятини қандай баҳолайсиз?

- Кейинги ўйинларда очколарни қўлга киритишимиз шарт. Олдинда муҳим ўйинлар кутиб турибди. «Динамо» ва бошқа рақибларимиз сингари биз ҳам Олий лигада қолишга бор кучимиз билан ҳаракат қиламиз.