Ўтган ўйин

Олий Лига-2017. 30-ТУР
25.11.2017
«Машъал»
«Муборак» стадиони
1:0

Олий лига - 2017

Жамоа Ў Т-Н О
1 Локомотив 30 67-20 70
2 Насаф 30 58-18 62
3 Пахтакор 30 47-28 59
4 Бунёдкор 30 47-29 52
5 Навбаҳор 30 40-37 46
6 Бухоро 30 42-40 46
7 Машъал 30 40-31 44
8 Олмалиқ 30 31-32 44
9 Қўқон-1912 30 42-47 41
10 Металлург 30 43-39 40
11 Қизилқум 30 34-40 37
12 Динамо 30 24-35 32
13 Сўғдиёна 30 33-51 31
14 Шўртан 30 31-52 27
15 Нефтчи 30 26-48 27
16 Обод 30 15-73 9

Олий лига - 2017

30-тур Пахтакор 3-0 Обод
30-тур Навбаҳор 1-0 Насаф
30-тур Шўртан 1-1 Қизилқум
30-тур Локомотив 3-2 Бунёдкор
30-тур Бухоро 1-0 Сўғдиёна
30-тур Машъал 1-0 Динамо
30-тур Металлург 1-0 Нефтчи
30-тур Қўқон-1912 1-2 Олмалиқ

Тугилган кунлар

Янгиликлар » Олий лига

НАВБАТДАГИ ОМАДСИЗЛИК

Рукн: Янгиликлар » Олий лига

Турнинг шиддатли ва қизиқарли ўтган баҳсларидан бири Муборакда кечди. Ўтган турда омадли сенсацион натижани қайд этган «Машъал» жамоаси, ўша турдаги омадсиз сенсация қилишга мажбур бўлган «Динамо» жамоасини қабул қилди.

Эътироф этиш жоизки, учрашувда ягона гол ўйин тақдирини ҳал этган бўлсада, ҳар икки жамоада ҳам голлар киритиш учун қатор имкониятлар бўлди. Қуйида учрашувдаги эътиборга молик вазиятларни келтирамиз.

5’ – Ўйиндаги илк хавфли вазият содир этилди. Меҳмонлар ярим ҳимоячиси Акмал Бозоров ўнг қанотдан ҳужумга ўтиб, тўпни жарима майдонидаги Виктор Клишинга етказиб берди. Ҳужумчининг айёрона зарбасини муборакликлар посбони бартараф этди.

11’ – Учрашувнинг илк ўн дақиқалиги тенгкурашлар остида кечган бўлса, ушбу дақиқада мавсумдаги илк ўйинини ўтказган Николай Риндюк жуда қулай имкониятга эга бўлди. «Машъал»нинг белорусиялик легионери жарима майдонига кирмасдан кучли зарба йўллаб Азиз Ашуровга катта қийинчилик туғдирди.

18’ – Самарқандликлар дарвозаси олдидаги кетм-кет ҳужумлардан сўнг, Виктор Жалилов биринчи бўлимда қўллаган тактика ўз cамарасини бериши мумкин эди. Рақибни қарши ҳужумда «ушлаган» кўҳна шаҳарликлар Карим Израиловнинг тезкорлиги эвазига меҳмонлар жарима майдонига ёриб киришди, аммо қирғизистонлик яримҳимоячининг зарбасини Павел Давидов моҳирлик билан қайтариб қолди.

21’ – Виктор Клишин ўйиндаги иккинчи қулай имкониятни кўкка совурди. Қулай вазиятда бўлган ҳужумчининг кучли зарбаси яна бироз ноаниқ кетди.

29’ – «Машъал» футболчилари майдон марказида тўпни қисқа оширишлар билан бир-бирларига ошираётганда Андрей Ходикин кутилмаганда чамаси 30 метрлардан кучли зарба йўллаб, Ашуров қўриқлаётган дарвозанинг «тўққизлиги»ни нишонга олмоқчи бўлди. Меҳмонларнинг бахтига тўп сантиметрлар ноаниқ кетди.

34’ – «Динамо» жарима майдони ташқарисида оддий вазиятда Учқун Қобилов қўпол хатога йўл қўйди ва тўпни эгаллаб олган Фозил Мусаев жарима майдонига кираётган маҳалда ҳимоячи билан тўп учун курашда майдонга йиқилди. Бош ҳакам бу ҳолатда на пенальти берди, на симуляция учун жазо.

37’- Сирож Сайфиев чап қанотдан катта тезликда меҳмонлар жарима майдонига кириб, Клишинга зарба бериш учун имконият яратди. Яқин масофадан Викторнинг навбатдаги зарбасини дарвозабон қайтарди.

39’ – Клишин яна бир жуда қулай вазиятни қўлдан бой берди. Дарвозабон билан деярли яккама-якка чиққан ҳужумчи бу сафар ҳам тўрни ишғол этолмади.

47’ – Иккинчи бўлимдаги илк ҳужум ҳам меҳмонлар томонидан уюштирилди. Бу сафар майдон эгалари ҳимоя қўрғонидаги пала-партишликлардан фойдаланиб зарба берган Клишиннинг зарбаси дарвоза устидан ўтиб кетди.

49’ – Николай Риндюк билан «девор» услубини амалга ошириб, жарима майдонига кириб борган Зафар Холмуродовнинг йўллаган зарбасини Азиз Ашуров қийинчилик билан майдон ташқарисига чиқариб юборди.

53’ – Қанотдан ҳужумга қўшилган Салим Мустафоев тўпни жарима майдонига етказиб берди, аммо сўнгги вазиятда динамочилар деярли бўш дарвозани ишғол этишолмади.

68’ – «Динамо» ҳужуми майдон марказида тўхтатилди ва қарши ҳужумда Ботир Қодирқулов чап қанотдан жарима майдонига кирар-кирмас ҳимоячилар томонидан тўхтатилди. Чамаси 20 метрлардан белгиланган жарима зарбасини амалга оширган воҳалик тажрибали ҳужумчи Зафар Холмуродов тўпни жонли девор устидан ошириб мавсумдаги учинчи голини киритди! 1:0.

70’ – Меҳмонлар ўтказиб юборилаган голдан ҳали ўзларига келмасиданоқ, мезбонлар ҳисобдаги фарқни иккитага етказишлари мумкин эди. Бу сафар ҳам чап қанотда фаол бўлган Ботир Қодирқулов жарима майдонига кирмай кучли зарба йўллаб, «Динамо» дарвозаси тўсинларини титратди.

73’ – Ушбу ҳисоб меҳмонларни қониқтирмаслиги боис, улар яна қанотлардан ҳужумларга киришишди. Андрей Шашков томонидан етказилган тўп Сергей Грибановга тушди. Украиналик ҳужумчининг жарима майдони ичидан йўллаган кучли зарбасини Павел Давидов қайтаришга муяссар бўлди.

78’ – Мубораклик ҳимоячиларнинг сусткашлигидан фойдаланган Сергей Грибанов жарима майдонига ёриб кириб, дарвозабон билан бирга-бир қолиб уни доғда қолдира олмади.

84’ – Самарқанддан ташриф буюрган юздан ортиқ мухлислар қўллаб-қувватлашлари остида бахтини яна мезбонлар жарима майдонидан излаган Виктор Клишин ўзи яратган навбатдаги имкониятни кўкка совурди. Унинг йўллаган зарбаси яна дарвозадан жой олишни хоҳламади.

87’ – Игорь Петкович жарима майдони ичида бир тепар усулида зарба йўллади, ўз навбатида Ашуров ҳам бунга муносиб жавоб қайтариб чиройли «сейв» бажарди.

90’ – Ҳисобни тенглаштириш учун сўнгги ҳужумлардан бирини амалга оширган меҳмонлар мавсумдаги голлари ҳисобини очишлари мумкин эди. Бироқ, жарима майдонига оширилган тўпни бош билан дарвозага йўллаган Виктор Клишиннинг зарбаси яна дарвозабон томонидан бартараф этилди.

Шу тариқа «Машъал» ўзининг иккинчи ғалабасини, «Динамо» эса иккинчи мағлубиятни қарши олишга мажбур бўлди.

19.03.11. Олий лига 3-тур.

«МАШЪАЛ» - «ДИНАМО» - 1:0 (0:0)

Муборак. 3 892 томошабин.

Ҳакамлар: В. Цейтлин (Тошкент) – 9,2, Б. Қодиров (Бухоро) –9,1, Р. Серазетдинов (Тошкент) –9, И. Танташев (Бухоро) – 9.

Гол: Зафар Холмуродов, 68

«Машъал»: П.Давидов, Д.Ваниев, А.Ҳайдаров, Т.Яфаров, А.Ходикин, Ф.Мусаев (Ш.Райимжонов, 86), А.Шодмонов, Б.Қодирқулов (Г.Сапаргалиев, 88), И.Петкович, Н.Риндюк (Н.Шоимов, 70), З.Холмуродов.

«Динамо»: А.Ашуров, С.Мустафоев, Д.Усмонов, А.Шашков, У.Қобилов, А.Бозоров (Ш.Нурматов, 75), У.Абдураҳмонов, Ю.Романюк, С.Сайфиев (С.Гаффаров, 80), К.Израилов (С.Грибанов, 56), В.Клишин.

Огоҳлантириш: Н.Шоимов (72) – «Машъал»

Назоратчи: С.Эрматов (Тошкент)

Энг яхши ўйинчилар: З.Холмуродов – В.Клишин

Ўқилди (марта): 1065. Киритилган сана: 2011-03-19 00:00:00.

Навбатдаги ўйин

Олий Лига-2017. 30-ТУР
25.11.2017
«Динамо»
«Муборак» стадиони
Мавсум тугади

Фото-галерея

Met-Din_1
Динамо. Захира
Акмал Бозоров. Динамо жамоаси сардори. 2016 йил, сентябрь
Стадион ва мухлислар

Сўровнома

Сизнингча, «Динамо» жамоасининг 2017 йилдаги энг яхши футболчиси ким?
Натижалар
Сўровномалар архиви

Хабарлар лентаси

08.12 ЎФФ ВАКИЛЛАРИ САМАРҚАНДДА БЎЛИШДИ
07.12 «ДИНАМО» ЭНГ КЎП ОЧКОНИ КИМДАН ОЛДИ?
04.12 «ДИНАМО»: 2017 ЙИЛДА ҚАНДАЙ ЭЪТИБОРЛИ ВОҚЕАЛАР БЎЛДИ?
02.12 «ДИНАМО» - 2017: ЭНГ, ЭНГ, ЭНГ…
28.11 «ДИНАМО» ЖАМОАСИ ТАЪТИЛГА ЧИҚДИ
27.11 «ДИНАМО-WOMEN» БИРИНЧИ ЛИГА-2017 ҒОЛИБИ!
25.11 «ДИНАМО» МАВСУМНИ 12-ЎРИНДА ЯКУНЛАДИ
24.11 «ДИНАМО» МУХЛИСЛАРИ МУБОРАККА БОРИШАДИ
23.11 СЎНГГИ ТУР УЧРАШУВИНИ ЗОКИР ҚОДИРОВ БОШҚАРАДИ
21.11 ОЛЕГ ТЮЛЬКИН: «ЛОКОМОТИВ» САВИЯ ЖИҲАТДАН БИЗДАН УСТУН»

Видео

UFF.UZ веб-студиясида яратилди.
© 2017. fcdinamo.uz
Барча ҳуқуқлар ҳимояланган.
Сайтдан маълумотлар олинганда fcdinamo.uz манзили манба сифатида кўрсатилиши шарт.