«ДИНАМО» - «НАВБАҲОР», «МЕТАЛЛУРГ» ВА «ШЎРТАН» БИЛАН УЧРАШАДИ

Рукн: Янгиликлар » Клуб хабарлари

Иккинчи давра ўйинларига пухта тайёргарлик кўришни мақсад қилган Самарқанднинг «Динамо» клуби режалаштирилганидек 16 июль кунидан Тошкентда йиғин бошлади.

Ҳозирда жамоа пойтахтдаги «Старт» стадионида кунига икки маҳалдан машғулотлар ўтказмоқда. Таркибдаги барча футболчилар клуб билан бирга. Шунингдек, яқин кунларда жамоа сафида янги футболчилар келиб қўшилиши кутилмоқда.

Режага биноан, «Динамо» йиғин доирасида учта назорат учрашуви ўтказишга келишган. Жумладан, жамоамиз дастлабки баҳсни 22 июль куни Наманганнинг «Навбаҳор» клуби билан ўтказса, 25 июль санасида «Металлург»га қарши учрашув кутиб турибди. Пойтахтдаги сўнгги назорат ўйини 27 июльда белгиланган бўлиб, шу куни Самарқанд жамоаси «Шўртан» клуби билан синов баҳсида майдонга тушади.

Эслатиб ўтамиз, «Динамо» иккинчи давранинг дастлабки баҳсида 3 август куни «Локомотив» меҳмони бўлади.