Иккинчи давра олдидан Аҳмад Убайдуллаев қўл остида Тошкентда йиғилган «Динамо» жамоаси ўз таркибини кучайтиришда давом этмоқда.
Самарқанддаги йиғинда жамоа сафига Иван Нагаев ва Суннатилла Мамадалиев, Миржалол Қурбонов сингари футболчилар келиб қўшилган бўлса, 8 июлдан пойтахтда бошланган ўқув-йиғинида яна бир қатор футболчилар келиб қўшилишмоқда. Жумладан, ҳозирда «Қизилқум»дан Александр Хвостунов, Андрей Ерохин ва Зоир Рауповлар «Динамо» машғулотларида иштирок этишмоқда. Шунингдек, Биринчи лига жамоаларидан ҳам бир қатор футболчилар самарқандликлар кўригидан ўтишмоқда.
Шу кунларда «Динамо» Олий лига жамоалари билан назорат учрашувларда майдонга тушади. |